Diljit Dosanjh Satluj : ‘सतलज’ चित्रपटात असं काय दाखवलंय की सरकारला वाटतं लोकांनी हा चित्रपट पाहू नये, जसवंत सिंग खालरा कोण होते?

गायक आणि अभिनेता दिलजीत दोसांझच्या ‘सतलज’ चित्रपटावरुन सध्या मोठा वाद सुरु आहे. चित्रपट क्षेत्रातील कलाकारांपासून ते राजकीय नेतेमंडळी या वादावर भाष्य करत आहेत. ‘सतलज’ हा चित्रपट सुरुवातीपासून वादात राहिला आहे. सेन्सर बोर्डाकडे हा चित्रपट अडकून पडला होता. अखेर तीन वर्षांनी हा चित्रपट OTT वर रिलीज झाला. पण तिथूनही हा चित्रपट एका रात्रीत हटवण्यात आला. ‘सतलज’ हा चित्रपट आता पुढील आदेशापर्यंत भारतात पाहता येणार नाही. हा चित्रपट हटवण्याच्या निर्णयावरुन फक्त दिलजीत दोसांझच नाही, तर डायरेक्टर हनी त्रेहान सुद्धा चिडले आहेत. सामान्य जनतेच्या मनातही राग आहे. आतापर्यंत कोणाला हे समजलेलं नाही की, सतलज चित्रपट असा अचानक का हटवला? कोणाच्या सांगण्यावरुन हा निर्णय घेतला?. अखेर असं या चित्रपटात काय आहे, की ज्यावरुन ठरवलं की प्रेक्षकांनी हा चित्रपट पाहू नये. म्हणजे भारतात कोणालाच हा चित्रपट पाहता येऊ नये. ...