कोरोनामुळे मृत्यू झालेल्या नगरसेवकांना केडीएमसी 50 लाखांची मदत देणार, महासभेत ठराव मंजूर

कल्याण डोंबिवली महानगरपालिकेचे नगरसेवक तसेच माजी महापौर राजेंद्र देवळेकर आणि शिवसेना गटनेते दशरथ घाडीगावकर या दोघांचा कोरोनामुळे मृत्यू झाला आहे.

कोरोनामुळे मृत्यू झालेल्या नगरसेवकांना केडीएमसी 50 लाखांची मदत देणार, महासभेत ठराव मंजूर

मुंबई : कल्याण डोंबिवली महानगरपालिकेचे नगरसेवक तसेच माजी महापौर राजेंद्र देवळेकर आणि शिवसेना गटनेते दशरथ घाडीगावकर या दोघांचा कोरोनामुळे मृत्यू झाला आहे. आज केडीएमसीच्या महासभेत या दोघांच्या कुटुंबियांना प्रत्येकी 50 लाख रुपये मदत देण्याचा ठराव मंजूर करण्यात आला आहे. (KDMC to provide Rs 50 lakh to family of corporators who died due to corona, General Assembly approves resolution)

राजेंद्र देवळेकर आणि दशरथ घाडीगावकर या दोन्ही नगरसेवकांनी कोव्हिडच्या काळात चांगले काम केले. कोरोना महामारीच्या काळात समाज उपयोगी काम केली, गरजू लोकांना मदतीचा हात दिला. या काळात काम करत असताना दोघांनाही कोरोनाची लागण झाली. परंतु उपचारांदरम्यान दोघांचा कोरोनामुळे मृत्यू झाला.

हे दोघे केडीएमसीच्या कोव्हिड समितीत होते. त्यासाठी दोघांना मदत करण्याची घोषणा केली असल्याची माहिती महापौर विनिता राणे यांनी केली आहे. विरोधी पक्षनेते राहूल दामले यांनी याबाबत मागणी केली होती. त्यानुसार दोन्ही नगरसेवकांच्या कुटुंबियांना प्रत्येकी 50 लाख रुपये मदत देण्याचा ठराव मंजूर करण्यात आला आहे. दरम्यान, कोरोनामुळे मृत्यू झालेल्या परिवहन सदस्याला मदत मिळणार की नाही याविषयी अद्याप सुस्पष्टता नाही.

मिरा भाईंदर आणि ठाण्यात नगरसेवकांचा कोरोनामुळे मृत्यू

मिरा भाईंदर महापालिकेतील शिवसेना नगरसेवकाचा कोरोनामुळे मृत्यू झाला होता. शिवसेनेच्या या नगरसेवकावर ठाण्याच्या वेदांत हॉस्पिटलमध्ये उपचार सुरु होते. तिथेच त्यांची प्राणज्योत मालवली. दरम्यान, ठाण्यात राष्ट्रवादीच्या एका नगरसेवकाचा कोरोनामुळे मृत्यू झाला होता.

पिंपरी चिंचवडमध्ये नगरसेवकाचा कोरोनामुळे मृत्यू

पिंपरी-चिंचवड महापालिकेतील राष्ट्रवादी काँग्रेसचे नगरसेवक जावेद शेख (49) यांचा मृत्यू झाला होता. त्यांच्यावर खासगी रुग्णालयात उपचार सुरु होते. मात्र उपचारांदरम्यान त्यांची प्राणज्योत मालवली.

औरंगाबादमध्ये शिवसेनेच्या दोन नगरसेवकांचा कोरोनाने मृत्यू

शिवसेनेचे नगरसेवक रावसाहेब आमले यांना कोरोनाचा संसर्ग झाला होता. उपचारादरम्यान त्यांचा मृत्यू झाला. तसेच शिवसेनेचे अन्य एक नगसेवक नितीन साळवे यांचाही कोरोनामुळे मृत्यू झाला होता.

संबंधित बातम्या

ठाण्यात राष्ट्रवादीच्या नगरसेवकाचा कोरोनामुळे मृत्यू, आव्हाडांकडून हळहळ व्यक्त

पिंपरी-चिंचवडमधील राष्ट्रवादीच्या नगरसेवकाचा कोरोनामुळे मृत्यू, अजित पवार हळहळले

औरंगाबादमध्ये दोन दिवसात दोघा शिवसेना नगरसेवकांचा कोरोनाने मृत्यू

(KDMC to provide Rs 50 lakh to family of corporators who died due to corona, General Assembly approves resolution)

कमेंट करा

कमेंट करा

Your email address will not be published. Required fields are marked *