Weight Loss: वजन कमी करण्यासाठी प्या हा खास जुस, कोलेस्ट्रोलही राहील कमी
तुम्हाला फळे आणि भाज्यांचे ज्यूस पिण्याची आवड असेल, तर हा आरोग्यदायी आणि स्वादिष्ट ज्यूस तुम्हाला नक्कीच आवडेल. तुमची फिटनेसची उद्दिष्टे साध्य करण्यात याची नक्कीच मदत होईल.
मुंबई, 2023 मध्ये अनेकांनी वजन कमी (Weight loss) करण्याचा संकल्प केला आहे. मात्र, यातील बहुतांश लोकं स्वत:ला तंदुरुस्त ठेवण्यासाठी दरवर्षी असा संकल्प करतात. वजन कमी करण्याच्या आहारापासून ते प्रोटीन शेक, स्मूदी, ज्यूस आणि चहापर्यंत, वजन कमी करण्यासाठी कार्य करणारे पदार्थ आणि उत्पादनांची कमतरता नाही. भरपूर जीवनसत्त्वे, अँटिऑक्सिडंट्स आणि इतर पोषक तत्वे, फळे आणि भाज्या शरीरातून काही अतिरिक्त चरबी कमी करण्यास मदत करते.
कसा बनवाल रस
तुम्हाला फळे आणि भाज्यांचे ज्यूस पिण्याची आवड असेल, तर हा आरोग्यदायी आणि स्वादिष्ट ज्यूस तुम्हाला नक्कीच आवडेल. तुमची फिटनेसची उद्दिष्टे साध्य करण्यात याची नक्कीच मदत होईल. जाणून घेऊया हा रस कसा बनवायचा. 1 मध्यम गाजर, अर्धे सोललेले सफरचंद, 1 बीटरूट, 1 चमचे मध आणि अर्धा कप पाण्यापासून हा चमत्कारी रस तयार केला जाऊ शकतो. ज्यूस बनवण्यासाठी हे सर्व साहित्य घ्या आणि एकत्र बारीक करा. हा रस तुम्ही काही वेळ फ्रीजमध्ये ठेवू शकता किंवा लगेच पिऊ शकता.
हा रस पिण्याचे फायदे
बीटरूट वजन कमी करण्यासाठी आणि डिटॉक्सिफाय करण्यासाठी उपयुक्त आहे. त्यात चरबी म्हणजेच फॅटचे प्रमाण कमी आणि आहारातील फायबरचे प्रमाण जास्त आहे. हे कोलेस्ट्रॉलची पातळी कमी करण्यास मदत करतात. सफरचंदात अँटिऑक्सिडंट्स, फायबर, पाणी आणि पोषक घटक असतात जे वजन कमी करण्यास मदत करतात. गाजरांमध्ये कॅलरीज कमी असतात आणि त्यात विरघळणारे आणि अघुलनशील फायबर असतात, ज्यामुळे तुम्हाला जास्त काळ पोट भरल्यासारखे वाटते आणि तुम्हाला जास्त खाण्यापासून प्रतिबंधित करते. मधामध्ये चांगले पोषक घटक असतात जे जास्त चरबी जाळण्यास आणि वजन कमी करण्यास मदत करते.
