ब्रेकफास्टमध्ये नेमकं काय असावं? काय खाणं योग्य?
ऑफिस, बस किंवा ट्रेनमध्ये काही लोक खूप आळशी दिसतात हे तुम्ही पाहिलं असेल, कदाचित त्यांनी नाश्ता नीट केला नसेल. जाणून घेऊया ब्रेकफास्टमध्ये कोणत्या गोष्टी तुम्ही खाऊ शकता.
सकाळी ऑफिस किंवा कॉलेजला जाण्याच्या घाईत अनेकजण नाश्ता टाळतात, ही सवय पूर्णपणे आरोग्याच्या विरोधात आहे. नाश्ता हा एक महत्त्वाचा आहार आहे, तो खाल्ल्याने दिवसभर काम करण्याची ऊर्जा मिळते. त्यामुळे दिवसातील पहिले जेवण हेल्दी आणि एनर्जी बूस्टिंग असले पाहिजे, त्यासाठी थोडी सावधगिरीही आवश्यक आहे, अन्यथा आरोग्याला हानी पोहोचू शकते. ऑफिस, बस किंवा ट्रेनमध्ये काही लोक खूप आळशी दिसतात हे तुम्ही पाहिलं असेल, कदाचित त्यांनी नाश्ता नीट केला नसेल. हे जेवण आपल्याला अंतर्गत ऊर्जा देते आणि पचनसंस्था देखील चांगली राखण्यास मदत करते. जाणून घेऊया ब्रेकफास्टमध्ये कोणत्या गोष्टी तुम्ही खाऊ शकता.
सकाळी उठल्यानंतर सर्वप्रथम एक ग्लास पाणी प्यावे. ब्रेकफास्टमध्ये शेंगदाणे आणि बियांचा समावेश करा. यामुळे दिवसभर शरीरात ऊर्जा राहते आणि थकवा दूर होतो. हे शेंगदाणे आणि बिया तुम्ही रात्री पाण्यात भिजवून ठेवा आणि सकाळी उठून खा. सकाळी याचे पाणी प्यावे. साधारण महिनाभर हा दिनक्रम पाळला तर शरीरात सकारात्मक बदल होतील.
रिकाम्या पोटी खा ‘या’ बिया आणि शेंगदाणे
- मनुका
- बदाम
- काळे मनुके
- सूर्यफूल बियाणे
- फ्लॅक्स सीड्स
- चणे
- भोपळा बियाणे
- अक्रोड
- काजू
- मखाना
या गोष्टींची चव वाढवण्यासाठी तुम्ही मध घालू शकता, आहारतज्ज्ञांच्या सल्ल्यानुसार दुधासोबत सेवन करू शकता. यामुळे शरीरात कधीही अशक्तपणा जाणवणार नाही.
(डिस्क्लेमर: दिलेली माहिती घरगुती उपचार आणि सामान्य माहितीवर आधारित आहे. आम्ही याला दुजोरा दिलेला नाही.)