सर्वसामान्यांसाठी मोठी बातमी! तुमच्या गॅस सिलेंडरचं जहाज कुठपर्यंत आलं? लाइव्ह ट्रॅकर आणि या संकेतस्थळावर चेक करा

अमेरिका आणि इस्त्रायलने इराणवर 28 फेब्रुवारी 2026 रोजी हल्ला करत युद्धाला सुरुवात केली होती. आता जवळपास 40 दिवसांनी 7 एप्रिल रोजी अमेरिका आणि इराण या दोन्ही देशांनी युद्धविरामाची घोषणा केली. दोन आठवडे दोन्ही देश एकमेकांवर हल्ले करणार नसल्याचे समोर आले आहे. पण जगातील सर्वात महत्त्वाचा समुद्री मार्ग स्ट्रेट ऑफ होर्मुज अजूनही रिकामा पडला आहे. जहाजांची ये-जा जवळपास बंदच आहे. लोक विचारत आहेत की युद्धाला पूर्णविराम लागला आहे मग होर्मुज स्ट्रेटमध्ये अजूनही इतका शुकशुकाट कसा?

स्ट्रेट ऑफ होर्मुज म्हणजे काय?

स्ट्रेट ऑफ होर्मुज हा जगातील सर्वात अरुंद आणि व्यस्त समुद्री मार्ग आहे. तो फारसची खाडी आणि खुले समुद्र जोडतो. येथून रोज सरासरी ६० जहाजे ये-जा करतात. यातील बहुतेक तेल आणि एलएनजी टँकर असतात. जगातील २०% तेल आणि ३०% एलएनजी याच मार्गाने जाते. जर येथील वाहतूक थांबली तर जगभर तेलाच्या किंमती आकाशाला स्पर्श करतात आणि अनेक देशांमध्ये इंधनटंचाई निर्माण होते.

युद्ध सुरू असताना काय झाले?

युद्ध सुरू होताच इराणने होर्मुज स्ट्रेट आपल्या नियंत्रणात घेतला. इराणने सांगितले की, परवानगीशिवाय कोणतेही जहाज जाऊ शकणार नाही. इराणी नौदलाने लार्क बेटाजवळ टोल बूथसारखा रूट तयार केला. मिसाइल आणि ड्रोन हल्ल्यांच्या भीतीने बहुतेक जहाज कंपन्या थांबल्या. विमा कंपन्यांनी युद्ध जोखीम प्रीमियम १६ पट वाढवला. परिणामी, शेकडो जहाजे खाडीच्या बाहेर उभी राहिली. १९ एलएनजी टँकर पूर्णपणे अडकले. रोज ६० जहाजांच्या जागी फक्त मूठभर जहाजे जाऊ शकत होती.

सीजफायर झाले तरी सन्नाटा का?

७ एप्रिल रोजी सीजफायर सुरू झाला, तरी इराणने खाडी पूर्णपणे उघडलेली नाही. पूर्ण उघडण्यापूर्वी काही अटी पूर्ण कराव्या लागतील, असे इराणने सांगितले आहे. अजूनही इराणी सेनेच्या परवानगीशिवाय कोणतेही जहाज जाऊ शकत नाही. जहाज कंपन्यानमध्ये भीतीचे वातावरण आहेत. विमा प्रीमियम अजूनही खूप जास्त आहे. कॅप्टन आणि मालक विचार करत आहेत की, एखादा हल्ला झाला तर काय होईल. म्हणून बहुतेक कंपन्या प्रतीक्षा करत आहेत. १० एप्रिलला पाकिस्तानमध्ये होणाऱ्या चर्चेचा निकाल येईपर्यंत मोठा बदल दिसत नाही.

लाइव ट्रॅकर काय सांगतो आहे?

तुम्ही स्वतः तपासू शकता. वेबसाइट https://hormuzstraitmonitor.com/ वर जा आणि लाइव ट्रॅकर पहा. आज ८ एप्रिल २०२६ रोजी ट्रॅकर सांगत आहे…

-सध्या १५ जहाजे स्ट्रेट ऑफ होर्मुजमधून जात आहेत.

-गेल्या २४ तासांत फक्त २० जहाजे गेली.

-हे सामान्य सरासरी (६० जहाजे प्रतिदिन) च्या फक्त १६.७% आहे.

-रोज तेल आणि गॅस वाहतूक फक्त १४.६% राहिली आहे.

ट्रॅकर स्पष्ट दाखवत आहे की अजूनही सन्नाटाच आहे. फक्त काही मित्र राष्ट्रांच्या जहाजांना परवानगी मिळून जात आहे. बाकी बहुतेक टँकर खाडीच्या बाहेर उभे आहेत.

जगावर काय परिणाम होत आहे?

या शुकशुकाटामुळे तेलाच्या किंमती १२१ डॉलर प्रति बॅरलपर्यंत पोहोचल्या आहेत. अनेक देशांमध्ये पेट्रोल-डीझेल महाग झाले आहे. कतारमधून एलएनजी घेऊन जाणारे १९ टँकर अडकले आहेत. आशिया, युरोप आणि भारतासारख्या देशांमध्ये ऊर्जा पुरवठा प्रभावित होत आहे.