ज्या देशाने गुलाम बनवले त्याच देशाच्या… ध्रुव राठी ज्ञानेश कुमार यांच्या राजीनाम्यासाठी आक्रमक, थेट लंडनमध्ये..

युट्यूबर ध्रुव राठी कॉकरोच जनता पार्टीच्या आंदोलनात सहभागी होण्यासाठी भारतात पोहोचला होता. मात्र, भारतात पोहोचल्यानंतर त्याच्या समस्येत मोठी वाढ झाली. पोलिसांकडून त्याला त्याच्या गुरूग्राम येथील घरातून ताब्यात घेण्यात आले. यासोबतच त्याला पोलिसांनी जुन्या केसमध्ये समन्व बजावण्यात आला. त्यानंतर नामुष्कीने ध्रुव राठीला भारत सोडावा लागला. तो फक्त सीजेपीच्या आंदोलनासाठीच भारतात आला होता. कायद्याच्या कचाट्यात अडकत असल्याचे लक्षात येताच त्याने तात्काळ भारत सोडला. मात्र, त्याने ज्ञानेश कुमार यांच्या राजीनाम्याचा लढा विदेशात सुरू ठेवणार असल्याचे जाहीर केले. ध्रुव राठी लंडनला पोहोचला आणि त्याने लंडनच्या संसदेबाहेर आंदोलन करणार असल्याचे जाहीर केले. शनिवारी लंडनच्या संसद चाैक्यात त्यांनी आंदोलन सुरू केले.

यादरम्यान लोकही जमली होती. ध्रुव राठी याने म्हटले की, ज्या देशाने आपल्याला गुलाम बनवले. त्याच देशाच्या संसदेबाहेर उभे राहून मी आज उभे राहून बोलत आहे. हीच लोकशाही आहे. पुढे ध्रुव राठीने म्हटले की, आमच्या देशात विरोध प्रदर्शन करण्याची परवानगी नाहीये. पण ज्या देशाने आपल्यावर अतिक्रमक केले,त्याच देशाच्या संसदेबाहेर उभे राहून मी विरोध दर्शवत आहे.

बघा यालाच आज लोकशाही म्हणतात. दिल्लीमध्ये 35 हजार जवान जमवले गेले. 7 हजारांपेक्षा अधिक लोकांना पोलिसांनी ताब्यात घेतले. अनेकांना मारहाण झाली. माझे तर माझ्या घरातून अपहरण करण्यात आले. तुम्ही तुमच्या नातेवाईकांना समजून सांगा. त्यावेळी गर्दीतून एक व्यक्ती म्हणाला की, अरे ते अंद्धभक्त आहेत.. ते नाही ऐकणार कोणाचे काही.

यावेळी ध्रुव राठीने म्हटले की, ज्ञानेश कुमार यांचा राजीनामा घेऊन नवीन निवडणुक आयुक्तांची निवड पंतप्रधान आणि विरोधी पक्षाने मिळून करावी. आम्हाला फक्त अपेक्षा इतकीच आहे की, नवीन निवडणूक आयुक्त हे भेदभाव करणारे नसावेत. सीजेपीचे आंदोलन आता थेट विदेशात पोहोचल्याचेही बघायला मिळत आहे. ध्रुव राठी लंडनच्या संसदेबाहेर निषेध करत असताना त्याच्या विरोधात घोषणाबाजीर करण्यात आली.