भारताला जे पाहिजे तेच झाले, डोनाल्ड ट्रम्प यांनी भारताला दिले झुकते माप, थेट अतिरिक्त..

अमेरिकेचे राष्ट्राध्यक्ष डोनाल्ड ट्रम्प यांना कोर्टाने अत्यंत मोठा झटका दिला. कोर्टाच्या निर्णयावर डोनाल्ड ट्रम्प यांच्याकडून नाराजी जाहीर करण्यात आली. फक्त नाराजीच नाही तर डोनाल्ड ट्रम्प यांनी थेट या निर्णयाला दाद न देता संतापून जगातील सर्वच देशांवर 10 टक्के टॅरिफ वाढवण्याचा निर्णय घेतला. कोर्टाच्या निर्णयानंतर डोनाल्ड ट्रम्प अशाप्रकारचा निर्णय घेतील असा विचारही साधा कोणी केला नव्हता. डोनाल्ड ट्रम्प यांनी कोर्टाच्या निकालादरम्यानच सांगितले होते की, माझ्याकडे प्लॅन बी देखील उपलब्ध आहे. कोर्टाने फटकारल्यानंतर अवघ्या काही वेळातच सर्वच देशांवर 10 टक्के अतिरिक्त टॅरिफ लावण्याचा निर्णय डोनाल्ड ट्रम्प यांनी घेतला. 200 टक्के टॅरिफ लावण्याची धमकी डोनाल्ड ट्रम्प यांच्याकडून अनेक देशांना दिली जात होती. डोनाल्ड ट्रम्प यांची ही टॅरिफ निती योग्य नसल्याने कोर्टाने सांगितले. कोर्टाने कायद्यावर बोट ठेवले.

अमेरिकेच्या सर्वोच्च न्यायालयाने एक मोठा निर्णय देताना आंतरराष्ट्रीय आपत्कालीन आर्थिक शक्ती कायदा (IEEPA) अंतर्गत त्यांनी लादलेला शुल्क रद्द करून डोनाल्ड ट्रम्प यांना मोठा धक्का दिला. त्यानंतर अनेक देशांनी सुटकेचा निश्वास घेतला. पण त्यानंतर काही तासच डोनाल्ड ट्रम्प यांनी धक्कादायक निर्णय घेत संपूर्ण जगातील देशांवर टॅरिफ लावला. थोडक्यात काय तर आता अमेरिकेत जाणाऱ्या वस्तूंवर 10 टक्के टॅरिफ लावेल.

भारत आणि अमेरिकेत सध्याच्या घडीला व्यापार करार सुरू आहेत. व्यापार करार तसे पूर्ण झाली आहेत. फक्त तांत्रिक बाबींवर काम सुरू आहे. येणाऱ्या आठवड्यात करार देखील पूर्ण होतील. भारतावरील 50 टक्के टॅरिफ काढून अमेरिकेने भारतावर 18 टक्के टॅरिफ लावला. आता केलेल्या घोषणेनुसार, भारतावर अतिरिक्त 10 टक्के टॅरिफ लागणार का? हा प्रश्न उपस्थित केला जात आहे.

मिळालेल्या माहितीनुसार, भारतावर आता जारी केलेला अतिरिक्त 10 टक्के टॅरिफ लावणार नाही. मूळ जो टॅरिफ आहे 18 टक्के तोच कायम राहणार आहे. मात्र, डोनाल्ड ट्रम्प यांच्या टॅरिफच्या घोषणेनंतर अनेक देशांची झोप उडाल्याचे बघायला मिळत आहे. सर्वांवरच टांगती तलवार कायम आहे.