इस्रायलकडून एअर स्ट्राईक, गाझा सीमा पूर्णपणे ताब्यात घेत इतक्या दहशतवाद्यांचा केला खात्मा

Israel vs Hamas War : इस्रायलने गाझामधील हमासच्या 200 हून अधिक स्थानांवर क्षेपणास्त्रांनी मारा केलाय. या भीषण हल्ल्यानंतर हमासचे कंबरडे मोडले आहे. इस्रायलने केलेल्या हल्ल्यात अनेक इमारती, रस्ते, पूल उद्ध्वस्त झाले आहेत. दरम्यान इस्रायल संरक्षण दलाने दावा केला आहे की, आतापर्यंत 1500 दहशतवाद्यांचा खात्मा करण्यात आला आहे. मंगळवारी सकाळी इस्रायलने गाझा सीमा पूर्णपणे ताब्यात घेतली आणि सुरक्षित केली असल्याचा ही दावा करण्यात आला आहे. ही तीच सीमा आहे जिथे हमासच्या दहशतवाद्यांनी सुमारे 20 ठिकाणांहून घुसखोरी करून रॉकेट डागून नागरिकांवर गोळीबार केला होता.

इस्रायल-हमास युद्धाबाबत अपडेट

• • इस्रायलने गाझा पट्टीतील 200 ठिकाणी हवाई हल्ले केले.  हवाई हल्ले न थांबवल्यास ओलिसांना ठार मारण्याची धमकी हमासने दिलीये.
  • इस्रायलचे पंतप्रधान म्हणाले की, एअर स्ट्राइक ही फक्त सुरुवात आहे, आता आणखी नुकसान सहन करावे लागणार आहे.
  • इस्रायलने गाझामधील सामान्य लोकांना इजिप्त कॉरिडॉरमधून जाण्यास सांगितले परंतु आता तेही बंद करण्यात आले आहे.युनिसेफने
  • मानवतावादी कॉरिडॉरची मागणी केली आहे, जेणेकरून जखमींवर योग्य उपचार करता येतील.
  • आत्तापर्यंत 1500 दहशतवाद्यांचे मृतदेह सापडल्याचे इस्रायलने म्हटले आहे.
  • आतापर्यंत इस्रायलमधील 900 लोकांचा मृत्यू झाला आहे. यामध्ये संगीत महोत्सवातील 260 मृतदेहही आहेत.
  • इस्रायलच्या हवाई हल्ल्यात 690 जणांचा मृत्यू झाल्याचे पॅलेस्टाईनने म्हटले आहे.
  • गाझाच्या आरोग्य मंत्रालयाने सुरक्षित कॉरिडॉरची मागणी केली आहे कारण इस्रायल जोरदार बॉम्बफेक करत आहे.

This is the scene that Palestinians in #Gaza woke up to this morning after a long night of relentless Israeli bombing of densely-populated neighborhoods.

The Israeli forces are taking revenge on Palestinian armed factions by committing mass killing crimes against civilians. pic.twitter.com/nfy3taojBL

— Euro-Med Monitor (@EuroMedHR) October 10, 2023

हमास-इस्रायल युद्ध

शनिवारी, 7 ऑक्टोबर 2023 रोजी पहाटे पॅलेस्टाईनमधील हमासच्या दहशतवाद्यांनी इस्रायलवर सुमारे 5000 रॉकेट डागले. एवढेच नाही तर दहशतवादी इस्रायलच्या परिसरात घुसले आणि नागरिकांवर गोळीबारही केला. दहशतवाद्यांनी अनेक कुटुंबांना बंधक बनवून आपल्यासोबत नेले. यानंतर इस्रायलने प्रत्युत्तरादाखल युद्धाची घोषणा केली. शनिवारी संध्याकाळपासून जल, जमीन आणि हवा अशा तिन्ही बाजूंनी सातत्याने हल्ले केले जात आहेत.