Pakistan Mission Sea Sultan : युद्ध सुरु असताना पाकिस्तानचा मोठा डाव, भारतीय नौदलाविरुद्ध सुरु केलं ‘मिशन सी सुल्तान’

पाकिस्तानने भारतीय नौदलाविरोधात मिशन सी सुल्तान लॉन्च केलं आहे. त्यासाठी पाकिस्तानी नौदलाने लॉन्ग रेंज मेरीटाइम पेट्रोल एअरक्राफ्टचा (LRMP) आपल्या ताफ्यात समावेश केला आहे. यामुळे अरबी समुद्रात भारतीय पाणबुड्यांना धोका वाढणार आहे. एडमिरल नवीद अशरफ यांनी पाकिस्तानी नौदलात लॉन्ग रेंज मेरीटाइम पेट्रोल एयरक्राफ्टचा समावेश केल्याची पुष्टी केली आहे. रणनितीक दृष्टीने पाकिस्तानचं हे महत्वाचं पाऊल आहे. समुद्री गस्ती विमान हे शत्रुच्या पाणबुड्या शोधून काढण्यासाठी कुठल्याही देशाच्या नौदलासाठी महत्वाचं साधन मानलं जातं. युद्धनौका विरोधी ऑपरेशनसाठी सुद्धा असं विमान मार्गदर्शक ठरतं.

एक इंटरव्यूमध्ये एडमिरल नवीद अशरफ यांनी लांब पल्ल्याच्या समुद्री गस्ती विमानांचा पाकिस्तानी नौदलात समावेश केल्याची घोषणा केली आहे. याला त्यांनी पाकिस्तानी नौदलाच्या आधुनिकीकरणाशी सुद्धा जोडलं. पाकिस्तानी नौदलाने आपल्या समुद्री गस्ती विमानांच्या प्रोजेक्टला ‘सी सुल्तान’ नाव दिलं आहे. पाकिस्तानी नौदलात फ्रिगेट, कार्वेट, पाणबुड्यांचा समावेश केला जात असल्याचही त्यांनी सांगितलं. त्याशिवाय सायबर वॉरफेयर, आर्टिफिशियल इंटेलिजेंस आणि स्पेस इंटीग्रेशनला सुद्धा वेग दिला आहे. पाकिस्तानी नौदल टेहळणी, पाणबुडी विरोधी वॉरफेयर आणि आपल्या जलक्षेत्रापासून दूर ऑपरेशनची क्षमता वाढवण्यावर भर देत आहे.

पाकिस्तानने ‘सी सुल्तान’ प्रोजेक्ट का लॉन्च केलं?

भारतीय नौदलाच्या आव्हानांचा सामना करण्यासाठी पाकिस्तानी नौदलाने ‘सी सुल्तान’ कार्यक्रम सुरु केला आहे. समुद्रातील भारतीय वर्चस्व कमी करणं आणि अरबी सागरात भारतीय पाणबुड्यांच्या हालचालींवर लक्ष ठेवणं हा या मिशनचा मुख्य उद्देश आहे. पाकिस्तानने ‘सी सुल्तान’ प्रोजेक्ट अंतर्गत ज्या समुद्री गस्ती विमानांचा समावेश केलाय त्यात एम्ब्रेयर लीनेज 1000E बिजनेस जेट विमानं आहेत. पाकिस्तानी नौदलाच्या अभियानासाठी खास पद्धतीने ही विमानं बनवण्यात आली आहेत.

पाकिस्तानकडे सी सुल्तान तशी भारताकडे काय क्षमता आहे?

भारतीय नौदल हिंद महासागर क्षेत्रात आपली समुद्री टेहळणी क्षमता अत्याधुनिक टेक्नोलॉजी, स्वदेशी युद्धनौका आणि अत्याधुनिक विमानांद्वारे मजबूत करत आहे.

भारतीय नौदल समुद्री टेहळणीसाठी P-8I पोसायडन विमानाचा वापर करते. बोइंग कंपनीने बनवलेलं हे विमान आहे. लांब पर्यंत नजर ठेवणं आणि खास पाणबुडी विरोधी युद्धासाठी हे विमान डिझाइन करण्यात आलं आहे.

त्याशिवाय भारतीय नौदलाकडे MH-60R ‘रोमियो’हेलिकॉप्टर सुद्धा आहेत. ही हेलिकॉप्टर्स खोल समुद्रातील शत्रुच्या पाणबुड्या शोधून ते नष्ट करण्यासाठी सक्षम आहे.

भारतीय नौदलाकडून पाणबुडी विरोधी जहाजं सुद्धा ऑपरेट केली जातात. यात आयएनएस माहे, आयएनएस अर्नाळा आणि आयएनएस आन्द्रोत सारख्या युद्धनौका आहेत.