भारतीय कर्मचारी असलेल्या जहाजावर भीषण हल्ला, अमेरिकेने घेतला थेट बदला, रात्रभर..

इराण आणि अमेरिका युद्ध पुन्हा पेटले आहे. त्यामध्येच भारतीय कर्मचारी असलेल्या जहाजावर मोठा हल्ला इराणकडून करण्यात आला. त्यानंतर अमेरिका संतापली आहे. अमेरिकेने इराणला सळो की पळो करून सोडले. इराणच्या अनेक भागात अमेरिकेने मोठे हल्ले केले. अमेरिकेने इराणच्या तब्बल 140 सैन्य ठिकाणांवर मिसाईल हल्ले केले. अमेरिकेने होर्मुज खाडीतून जाणाऱ्या जहाजावरील हल्ल्याचा बदला घेतला. या जहाजावर भारतीय कर्मचारी होते. 11 जण ज्यावेळी हल्ला झाला, त्यावेळी जहाजावर होते. त्यापैकी 1 जण अजूनही बेपत्ता आहे. अल जजीराच्या रिपोर्टनुसार, अमेरिकेने इराणच्या 8 शहरांवर हल्ला केला. अधिकाऱ्यांनी दिलेल्या माहितीनुसार, खुजिस्तानमध्ये धमाक्यांचे आवाज ऐकू आली. अमेरिकेने केलेल्या हल्ल्यांनंतर इराणकडूनही खाडी देशांवर हल्ले केले जात आहेत.

बहरीन सरकारने लोकांना अतिमहत्वाच्या कामांशिवाय घराबाहेर न पडण्याचा सल्ला दिला. इराणकडून कुवेत, कतार, जॉर्डन आणि संयुक्त अरब अमिरातीमध्ये असलेल्या अमेरिकन लष्कर तळांना टार्गेट केले जात आहे. काही दिवसांच्या विश्रांतीनंतर पुन्हा एकदा युद्ध पेटताना दिसत आहे. अमेरिकेच्या लष्कराने सांगितले की, रविवारी रात्री इराणच्या कमीत कमी 140 लष्कर तळांना टार्गेट करत हल्ले करण्यात आली.

लॉन्च साईट आणि त्यांची लष्करी ताकद मोठ्या प्रमाणात नष्ट करण्यात आली. हेच नाही तर इराणच्या नाैसेनेच्या जहाजांवरही बॉम्ब टाकण्यात आली.अमेरिकेने केशम व्दीपलाही टार्गेट केले. फारस खाडीजवळील व्दिपवर 150000 लोक राहतात. अमेरिका आणि इराण यांच्यातील तणाव वाढत असल्याने जग संकटात आहे. जागतिक बाजारात पुन्हा एकदा कच्च्या तेलाच्या किमती वाढताना दिसत आहेत.

कतारच्या मध्यस्थीला यश आले होते. दोन्ही देशाकडून तात्पुरती युद्धविरामाची घोषणा करण्यात आली. मात्र, खामेनेई यांच्या अंत्यसंस्कारानंतर स्थिती पुन्हा एकदा बदलताना दिसली. अमेरिकेकडून होत असलेल्या हल्ल्यांदरम्यान इराणकडून होर्मुज खाडी बंद करण्यात आली. होर्मुज खाडी अजून काही दिवस बंद राहिली तर कच्च्या तेलाची मोठी समस्या निर्माण होऊ शकते. जागतिक बाजारात कच्च्या तेलाच्या भाव झपाट्याने वाढत आहेत. तेल कंपन्यांवरील दबाव वाढलाय.