Iran-Israel War : खामेनेईच्या हातात काही तास, शेवटचा चान्स, नाही तर आज रात्री इराणमध्ये काहीतरी भयंकर घडणार

इराण विरुद्ध एका भयंकर युद्धाला सुरुवात झाली आहे. मागच्या काही दिवसांपासून इशारे, धमक्या सुरु होत्या. आता प्रत्यक्षात रण मैदानातील लढाई सुरु झाली आहे. अमेरिका आणि इस्रायलने इराण विरोधात हे युद्ध सुरु केलय. काही रणनितीक उद्दिष्टय डोळ्यासमोर ठेऊन ही लढाई सुरु झाली आहे. यात तेलापेक्षा पण अन्य उद्दिष्टय अमेरिका-इस्रायलसाठी महत्वाची आहेत. काहीही झालं तरी इराणला अणवस्त्र संपन्न राष्ट्र बनू देणार नाही असं राष्ट्राध्य ट्रम्प हे मागच्या काही दिवसांपासून निक्षून सांगत होते. कालही ते हेच बोलले. कारण इराणचं अणवस्त्र संपन्न होणं सर्वप्रथम इस्रायलच्या अस्तित्वाला धोका निर्माण करतं. त्यानंतर त्यांची रेंज अमेरिकेपर्यंत पोहोचू शकते.

त्यामुळे ही लढाई अमेरिकेसाठी अनिवार्य बनली होती. इराणचा अणवस्त्र कार्यक्रम हे एक हल्ल्यासाठी कारण आहेच. पण त्याशिवाय इराणच्या बॅलेस्टिक मिसाइलची वाढत जाणारी ताकद हे सुद्धा त्यांच्यावर हल्ला करण्यामागचं अजून एक कारण आहे. जून महिन्यात इराण-इस्रायलमध्ये पहिलं युद्ध झालं. त्यावेळी इराणी मिसाईल्सची ताकद दिसून आली. या मिसाईल्सची रेंज इस्रायलपर्यंत सहज पोहोचली. भविष्यात ही ताकद आणखी वाढली तर इस्रायल आणि अमेरिका दोघांची डोकेदुखी वाढणार होती. म्हणून इराणला रोखणं त्यांची मजबुरी बनली होती.

हे युद्ध कधीपर्यंत चालणार?

त्यातूनच या युद्धाला सुरुवात झाली आहे. इराणवर आज सकाळी इस्रायल-अमेरिकेने संयुक्त हल्ला केला. त्यानंतर इराणने आखातामधील अन्य देशांमध्ये असलेल्या अमेरिकी तळांवर हल्ले केले. सत्ता बदल हे इस्रायल-अमेरिकेचे उद्दिष्टय आहे. तिथे आपल्याला अनुकूल माणूस सत्तेवर येत नाही तो पर्यंत हा त्रास, संघर्ष चालूच राहणार हे त्यांना माहित आहे. म्हणून अंतिम घाव घालणं हाच या युद्धाचा उद्देश आहे.

आज रात्री इराणमध्ये काहीतरी मोठं घडू शकतं

तत्पूर्वी डोनाल्ड ट्रम्प यांनी आज आपल्या देशाला संबोधित करताना इराणला एक मोठा इशारा दिला आहे. अमेरिकी राष्ट्राध्यक्ष डोनाल्ड ट्रम्प यांनी इराणी सैन्याला आत्मसमर्पण करायला सांगितलं आहे. जर इराणी सैनिकांनी आत्मसमर्पण केलं तर त्यांना चांगली वागणूक देऊ, सुरक्षा देऊ. पण नकार दिला तर मृत्यू अटळ आहे. आज रात्री इराणमध्ये सर्वच ठिकाणी बॉम्ब पडतील असं त्यांनी म्हटलं आहे. त्यामुळे आज रात्री इराणमध्ये काहीतरी मोठं घडू शकतं.