मी तिथे गेलो तर मला ठार केले जाईल… डोनाल्ड ट्रम्प यांना प्रचंड भीती, थेट म्हटले, मी जर..

इराण आणि अमेरिका युद्धात जग संकटात आहे. डोनाल्ड ट्रम्प यांनी अगोदर इस्त्रायलसोबत मिळून इराणवर मोठा हल्ला केला. या हल्ल्यानंतर त्यांनी हे युद्ध फार काळ चालणार नसल्याचे थेट संकेत दिले. मात्र, आता दोन महिन्यांपेक्षा अधिक काळ होऊनही युद्ध काही थांबत नाही. डोनाल्ड ट्रम्प यांना लवकरात लवकर हे युद्ध संपवायचे आहे. मोठे नुकसान अमेरिकेचे होत आहे. शिवाय कच्च्या तेलाच्या किमतीही गगणाला पोहोचल्या आहेत. पुरवठा साखळीच विस्कळीत झाली. युद्धविरामाबाबत अमेरिका आणि इराणमध्ये वाटाघाटी सुरू आहे. सतत बैठका आहेत. यादरम्यानच डोनाल्ड ट्रम्प मोठ्या अडचणीत सापडले आहेत. हेच नाही तर डोनाल्ड ट्रम्प यांना आता आपल्या जीवाचीही भीती वाटताना दिसत आहे. डोनाल्ड ट्रम्प यांच्या मुलाचे लग्न आहे. मुलाच्या लग्नाला त्यांना उपस्थित राहायचे आहे. पण जर लग्नाला गेले तर ते मारले जातील, याचीही भीती त्यांच्या मनात आहे.

मुलाच्या लग्नाला जायचे आहे पण सध्याचा काळ आव्हानात्मक असल्याने आपण तिथे जाऊ शकत नसल्याचे त्यांनी म्हटले. डोनाल्ड ट्रम्प यांनी मजाकमध्ये म्हटले की, मी गेलो तर मला मारले जाईल आणि नाही गेलो तरीही मला मारले जाईल. डोनाल्ड ट्रम्प यांच्या या विधानानंतर मुद्दा हा उपस्थित होतो की, इराणच्या भीतीने ते आपल्याच देशात फिरणे टाळत आहेत का? त्यांना इराणकडून मारले जाण्याची भीती वाटतंय का?

डोनाल्ड ट्रम्प यांच्या मुलाचे या आठवड्यातच लग्न आहे. बहामासमध्ये बेटिना अँडरसनशी विवाह करणार आहे. हा एक छोटा खासगी समारंभ आहे. डोनाल्ड ट्रम्प यादरम्यान बोलताना म्हणाले की, माझ्या मुलाची इच्छा आहे की, मी त्याच्या लग्नात उपस्थित राहावे. पण सध्याची परिस्थिती सोपी नाही. हा एक छोटासा समारंभ आहे. मी तिथे जाण्याचा प्रयत्न करेल.

पुढे डोनाल्ड ट्रम्प यांनी हसत हसत म्हटले की, मी त्याला म्हणालो की, माझ्याकरिता ही योग्य वेळ नाही. मी सध्या एका गोष्टीच अडकलो आहे, इराणमध्ये. इराणसोबतच आणखीन काही गोष्टीमध्ये गुंतलो आहे. यामध्ये माझा कोणताही विजय होणार नसल्याचेही सांगताना यादरम्यान डोनाल्ड ट्रम्प दिसले. आता डोनाल्ड ट्रम्प यांच्या या विधानाची जोरदार चर्चा रंगताना दिसत आहे. डोनाल्ड ट्रम्प यांचे म्हणणे आहे की, लग्नाला गेलो तरीही माझ्यावर प्रचंड टीका होईल.