बड्या हॉटेलच्या वेटरची टीपमधूनच छप्परफाड कमाई, कमावतात किती?
Five-Seven Star Hotel Waiters: देशातील पंचतारांकित हॉटेलमधील वेटर, खानसामा आणि इतरांचा पगाराचा आकडा अनेकांना थक्क करणारा असतो. तर काही ग्राहक उत्तमे सेवेबद्दल वेटरला खास टीप सुद्धा देतात. किती होते त्यांची कमाई? काय आहे आर्थिक गणित?
आलिशान हॉटेलमधील आणि पंचतारांकित हॉटेलमध्ये उत्तम सेवा मिळते. येथील वेटर ही नीटनेटके, हायफाय इंग्रजी बोलणारे असतात. त्यांच्या पगाराचा आकडा अनेकांना चक्रावून टाकतो. पण त्यापेक्षा त्यांच्या कमाईचे अजून एक गणित असते. अर्थात प्रत्येक सेव्हन स्टार, फाइव्ह स्टार हॉटेलमध्ये टीप दिल्या अथवा घेतल्या जाते असे नाही. पण उत्तम सेवेबद्दल ग्राहक वेटरला टीप देण्याची परंपरा आहे. लक्झरी हॉटेल्सच्या टीपमधून काहींची जबरदस्त कमाई होते. आदरातिथ्याबद्दल ग्राहक खूष होऊन टीप देतो. ती घेणे अथवा न घेणे हे वेटरवर अवलंबून असते. पण ग्राहकांचा मान ही राखावा लागतो. हॉस्पिटिलीटी क्षेत्रात टीप ही परंपरा अनेक जण जपतात.
वेतनापेक्षा टीपमधून अधिक कमाई
पंचतारांकित अथवा आलिशान हॉटेलमध्ये एकदम चुणचुणीत लोक काम करतात. मुलं-मुली वेटर म्हणून आटोपशीर काम करतात. त्यांचे वेतन हे 20 ते 35 हजारांच्या घरात असू शकते. तर बड्या हॉटेल्समध्ये श्रीमंत ग्राहक येतात. त्यात उद्योजक, सेलिब्रिटी आणि परदेशी पर्यटकांचा भरणा अधिक असतो. ते थकवा घालवण्यासाठी अथवा मूड फ्रेश होण्यासाठी हॉटेलमध्ये थांबतात. अशावेळी वेटरची तत्परता आणि चांगली सेवा या आधारे काही जण त्यांना टीप देतात. टीपच्या रक्कमेतून वेटरची अधिक कमाई होते असा दावा करण्यात येतो.
महिनाभरात किती होते कमाई?
पंचतारांकित हॉटेल्समधील वेटरची वरकमाई अधिक असते. गोवा अथवा इतर पर्यटन स्थळावरील हॉटेल्समध्ये काम करणाऱ्या वेटरचीही कमाई अधिक असते. अर्थात ही कमाई टीपवर अवलंबून असते. तसेच वेटरची अदब, त्याच्याकडून मिळणारी तत्पर सेवा यावर त्याची टीप अवलंबून असते. त्यामुळे याविषयीचा अंदाज बांधता येत नाही. वेटरची कमाई आलिशान हॉटेल, श्रीमंत गिऱ्हाईकं यावर अवलंबून असते. याविषयीचा अंदाज वर्तवणे त्यामुळे कठीण होते.
टीप पुलिंग काय?
मोठ्या हॉटेल्स, क्रूझ, पर्यटन स्थळावरील आलिशान हॉटेल्समध्ये श्रीमंत लोक येतात. डायनिंग टेबल, वाईन, व्हिस्की, रम सर्व्हर करणारे यांनाही टीप मिळते. श्रीमंत लोक बिलापेक्षा अधिक रक्कम देतात आणि टीप ठेवण्यास सांगतात. एका रात्री मोठा गल्ला जमा होतो. बिलाचे पैसे वजा केल्यानंतर उरलेली रक्कम मोठी असते. या मोठ्या रक्कमेतून कर्मचारी, वेटर पैसे वाटून घेतात. ही रक्कम रोजच्या पगाराच्या रक्कमेपेक्षा दुप्पट, तिप्पटही असू शकते. महिन्याला पगारापेक्षा तिप्पट कमाई होऊ शकते. कारण पर्यटक हे परदेशी असतात. त्यांच्या चलनात रक्कम अदा केल्यास वेटरचा मोठा फायदा होतो.
