Country on Rent: अख्खा देश मिळतो किरायाने… इतके एका रात्रीचे भाडे… लोकसंख्या तरी किती?

Country on Rent: भाडेतत्त्वावर घर, फ्लॅट, कार इतकेच काय तर फ्रिजही मिळतो. काही देशात तर प्रियकर आणि प्रेयसीच काय काही दिवसांसाठी बायको सुद्धा भाडे तत्वावर मिळत असल्याच्या मॅसेजने तुमचे सोशल मीडियावर मनोरंजन केले असेलच. पण संपूर्ण देश भाड्याने देणे आहे असा बोर्ड तुम्ही कधी कुठं पाहिला का? पण हा छोटा देश थेट किरायाने देण्यात येत असे. या देशाची लोकसंख्या सुद्धा एक लाखांच्या घरात आहे. पण आता हा देश भाड्याने अथवा किरायाने देण्यात येत नाही. ही सेवा 16 वर्षांपूर्वीच बंद करण्यात आली आहे. हा देश युरोपात आहे. लिकटेनस्टाईन (Liechtenstein) असे या देशाचे नाव आहे. तो स्वित्झर्लंड आणि ऑस्ट्रिया या दोन देशांच्या दरम्यान आहे. हा देश दिल्ली आणि मुंबईपेक्षा या महानगरापेक्षाही छोटा आहे.

किती रुपयात या देशाचं बुकिंग?

हा छोटा श्रीमंत देश आहे. हा देश भाड्यावर देण्याची संकल्पना जगाला बुचकाळ्यात टाकणारी होती. पण जगाचे लक्ष वेधून घेण्यासाठी ही संकल्पना राबवण्यात आली होती. या देशाने ही अनोखी मार्केटिंग मोहिम सुरू केली होती. त्यातंर्गत कोणीही, कोणतीही संस्था या देशात दोन रात्रीचा प्रवासासह थांबू शकत होता. त्यासाठी 70000 अमेरिकन डॉलर प्रति रात्र भाडे म्हणजे 60 लाख रुपये देऊन राहू शकत होती. या ऑफरमध्ये या व्यक्तीसोबत 900 पाहुणे, त्याचे जेवण, राहण्याची आणि पर्यटनाची सोय करण्यात आली होती. येथील 500 अधिक बेडरूम, बाथरुम तसेच रस्त्याला त्याचे नाव देण्याची संकल्पनाही त्यात होती. इतकेच नाही देश भाड्यावर घेतल्यावर त्या व्यक्तीच्या नावाचे चलनही दोन ते तीन दिवसांसाठी सुरू करता येत होते. तर येथील राजकुमारासोबत वाईनचा अस्वादही घेता येत होता.

जगाच्या नाकाशावर येण्यासाठी अनोखी योजना

जगाच्या नकाशावर ठळकपणे समोर यावे यासाठी येथील सरकारने ही योजना आखली होती. लिकटेनस्टाईन हा एक छोटा देश आहे. पण त्याचा इतिहास जुना आहे. इथं निसर्गाने मुक्त हस्तानं उधळण केली आहे. येथील एका उंच टेकडीवर एक किल्ला आहे. तिथे राजा राहतो. येथे त्याचे अधिकृत निवासस्थान आहे. इथं अंगुराचे बगीचे आहेत. येथील वाईन उच्च दर्जाची मानली जाते. पर्यटनातून गंगाजळी भरण्यासाठी ही योजना तयार करण्यात आली होती. पण नंतर 2011 मध्ये देश भाडेतत्वावर देण्याची ही योजना बंद करण्यात आली.