Calling: 10 कशाला? 4 नंबर डायल करून लावा फोन; हे देश कोणते?

World Shortest Phone Number : भारतात मोबाईलवरून कुणाशीही संपर्क साधण्यासाठी 10 आकडी नंबर डायल करावा लागतो. त्याआधारे संपर्क साधता येतो. पण या देशामध्ये काही अवघे चार क्रमांक टाकून कुणाशीही संपर्क साधता येतो. तर काही देशात 15 आकडी मोबाईल क्रमांक डायल करून इतरांशी संपर्क साधता येतो. जगात काही देशात लांबलचक आकड्यांचा मोबाईल क्रमांक आहे. तर काही देशात हा क्रमांक चार आकड्यांचा आहे. कोणते आहेत हे देश?

लांबलचक फोन नंबरचे कारण काय?

World Population Review च्या 2026 मधील एका अहवालानुसार, जगातील दोन देशांमधील फोन क्रमांक केवळ 4 आकड्यांचे आहेत. तर काही देशांमध्ये 15 आकडे डायल केल्यावर समोरच्याचा नंबरवर संपर्क साधता येतो. प्रत्येक देशातील दूरसंचार व्यवस्था वेगवेगळ्या पद्धतीने काम करते. त्या देशाचा कोड, परिसराचा कोड आणि स्थानिक क्रमांक यांच्यामुळे या देशातील फोन नंबर एकतर लहान अथवा लांबलचक असतो.

15 आकड्यांचा फोन क्रमांक कोणत्या देशात?

सर्वात लांबलचक फोन क्रमांक, मोबाईल क्रमांक हा ऑस्ट्रेलिया या देशाचा आहे. हा देश लांबच लांब मोबाईल क्रमांक असलेला एकमेव देश म्हणून ओळखल्या जातो. ऑस्ट्रेलियात 15 आकड्यांचा मोबाईल क्रमांक असतो. तर त्यानंतर जर्मनी, स्वीडन आणि ऑस्ट्रियाचा क्रमांक लागतो. या देशातील मोबाईल क्रमांक 13 आकड्यांचा आहे. त्यानंतर चीनचा क्रमांक लागतो. चीनमधील मोबाईल क्रमांक 12 आकड्यांचा असतो. काही भागात हा क्रमांक कमी सु्द्धा आहे. भौगोलिक रचनेनुसार हा नंबर कमी जास्त होतो. तर अनेक देशात 10 क्रमांकाचा मोबाईल क्रमांक आहे. हा ट्रेंड भारत, अमेरिका, ब्राझिल, रशिया, जपानसह अनेक देशात आढळतो. येथील नागरिकांना 10 मोबाईल क्रमांक डायल करून इतरांशी संपर्क साधता येतो.

10 क्रमांकापेक्षा कमी आकडे

तर काही देशात 10 क्रमांकापेक्षा कमी नंबरचे मोबाईल क्रमांक आहेत. काही देशात 8 अथवा 9 इतके अंक असलेला, संख्या असलेला मोबाईल क्रमांक आहे. यामध्ये डेनमार्क, नॉर्वे, सिंगापूर आणि दक्षिण आफ्रिका या देशाचा समावेश आहे. या देशात मोबाईल क्रमांक छोटे असल्याने तो डायल करणे आणि लक्षात ठेवणे सोपे जाते. तर काही देशांमध्ये मोबाईल क्रमांक अवघ्या 5 आणि 6 आकड्यांचे आहेत.

केवळ 4 आकड्यांचा फोन नंबर

तर या अहवालानुसार, जगातील केवळ दोन देशातील मोबाईल क्रमांक हे चार अंकांचे आहेत. या देशातील नागरिकांना कुणाशीही संपर्क साधण्यासाठी केवळ चार आकडे दाबावे लागतात. चार क्रमांक डायल करावे लागतात. टोकलाऊ आणि निऊए या देशात केवळ चार अंकांचा मोबाईल क्रमांक डायल करून संपर्क साधता येतो.