आपल्या दमदार अभिनय कौशल्याने प्रेक्षकांच्या मनावर छाप सोडणारा प्रसिद्ध अभिनेता इरफान खानचे आज (29 एप्रिल) निधन (Irrfan Khan Passed away) झाले.
वयाच्या अवघ्या 53 व्या वर्षी इरफानने अखेरचा श्वास घेतला. इरफानच्या निधनाने हिंदी सिनेसृष्टीत शोककळा पसरली आहे.
इरफान खानने आतापर्यंत अनेक हिंदी, इंग्रजी चित्रपट आणि बऱ्याच मालिकांमध्येही काम केलं होतं.
इरफान खानची चित्रपट क्षेत्रातील उत्कृष्ट कामगिरी पाहता 2011 मध्ये त्याला पद्मश्री पुरस्काराने सन्मानित करण्यात आले.
इरफान खानने आतापर्यंत जवळपास 30 वर्ष बॉलिवूड चित्रपटात काम केले आहे.
2003 मध्ये इरफान खानला हासिल चित्रपटातील भूमिकेसाठी फिल्मफेअर सर्वोत्तम खलनायक पुरस्कार मिळाला होता. त्यानंतर 2007 लाईफ इन मेट्रो चित्रपटासाठी फिल्मफेअर सर्वोत्तम सहाय्यक अभिनेता पुरस्कार मिळाला होता.