हिवाळ्यात पायांना भेगा पडतात, ‘या’ ३ घरगुती टिप्स ठेवा लक्षात
भेगा पडलेल्या टाचांची समस्या त्रासदायक ठरू शकते. जर तुम्हालाही हिवाळ्यात टाचांना भेगा पडण्याच्या समस्या असेल तर तुम्ही या समस्येकडे दुर्लक्ष करू नये. यासाठी तुम्ही काही घरगुती उपाय करू शकता.
थंड हवामानात केवळ सर्दी-गुडघ्यांचीच समस्या नसते. या ऋतूत पायांची त्वचा कोरडी आणि कडक होते, ज्यामुळे त्वचा क्रॅक होऊ लागते. याच कारणामुळे पायांच्या टाचांना भेगा पडतात, कधी कधी भेगा पडलेल्या टाचांमधून खूप वेदना होतात. गंभीर अवस्थेत त्यातून रक्तही बाहेर पडू लागते. हिवाळ्यात पायांच्या टाचांना भेगा पडण्याची समस्या पुरुषांपेक्षा महिलांमध्ये जास्त दिसून येते, असे बहुतांश वेळा दिसून आले आहे. कपडे धुणे, मुलांना अंघोळ घालणे आणि पाण्याशी संबंधित कामे केल्याने टाचांना भेगा पडण्याची समस्या कायम राहते. टाचांना भेगा पडल्यामुळे अनेक समस्या उद्भवू शकतात. अशावेळी टाचांची काळजी घेण्यासाठी तुम्ही काही घरगुती उपायांचा अवलंब करू शकता.
नारळाचे तेल
पायांच्या टाचांना भेगा पडू नये यासाठी खोबरेल तेल लावा. हा अतिशय प्रभावी उपाय आहे. नारळ तेलात नैसर्गिक फॅक्ट असतात, जे त्वचेचे पोषण करण्याचे काम करते. यामुळे तुम्ही तुमच्या काळजी घेण्यासाठी टाचांना कोमट तेलाने मसाज करा.
कोरफड जेल
कोरफड जेल त्वचेसाठी खूप फायदेशीर मानले जाते. हे मॉइश्चरायझिंग एजंटसारखे काम करते. भेगा पडलेल्या टाचांच्या त्रासापासून आराम मिळवण्यासाठी तुम्ही पायांवर कोरफड जेल लावू शकता. लावल्यानंतर पाय चांगले झाकून ठेवावेत.
मध लावा
मध त्वचेसाठी खूप फायदेशीर आहे. मध हे त्वचेचे नैसर्गिक मॉइश्चरायझरकरण्याचे काम करते. यात आढळणारे अँटीसेप्टिक गुणधर्म भेगा पडलेल्या टाचा बरे करण्याचे काम करतात. पाय स्वच्छ नीट धुवून सुकल्यानंतर त्यांना मध लावावा.
गोष्टी लक्षात ठेवा
जर तुमच्या टाचांना भेगा पडलेल्या असतील तर किमान पाण्यात जास्त जाऊ नका. तुमचे पाय कोरडे ठेवा आणि जास्त चिखल किंवा मातीत असलेल्या ठिकाणी जाऊ नका. या सर्व गोष्टींचे पालन केल्यास पायांच्या टाचा सुरक्षित राहतील.
