मराठा आरक्षणावरील स्थगिती उठणार? की निर्णय ‘जैसै थे’? 9 डिसेंबरला घटनापीठासमोर सुनावणी

मुंबई : सर्वोच्च न्यायालयाने मराठा आरक्षणाला (Maratha reservation)दिलेली स्थगिती उठविण्यासाठी केलेल्या अर्जावर 9 डिसेंबरला सुनावणी होणार आहे. ही सुनावणी पाच सदस्यीय घटनापीठासमोर दुपारी दोन वाजता होईल. तशी माहिती राज्य मंत्रिमंडळाच्या मराठा आरक्षण विषयक उपसमितीचे अध्यक्ष अशोक (Ashok Chavan) चव्हाण यांनी दिली. (hearing on removal of the stay on Maratha reservation will be on 9th December)

9 डिसेंबरला सुनावणी

एसईबीसी प्रवर्गांतर्गत मराठा समाजाला देण्यात आलेल्या आरक्षणाला सर्वोच्च न्यायालयाने अंतरिम स्थगिती दिलेली आहे. ही स्थगिती उठविण्याची मागणी राज्य शासनाने केलेली आहे. त्यासाठी राज्य शासनाने सर्वोच्च न्यायालयात अर्ज केला आहे. न्यायालयाने घटनापीठ स्थापन करुन आरक्षणविषयक सुनावणी घटनापीठासमोर करावी, अशी मागणी अर्जाद्वारे केली होती. ती मागणी मान्य झाली आहे. आता पाच सदस्यीय घटनापीठासमोर येत्या 9 डिसेंबरला मराठा आरक्षणावर सुनावणी होणार आहे. ही महत्त्वाची माहिती अशोक चव्हाण यांनी आपल्या ट्विटर अकाऊंटवरुन दिली.

#एसईबीसी आरक्षण प्रकरणी सर्वोच्च न्यायालयाने दिलेली अंतरिम स्थगिती हटविण्याबाबत राज्य शासनाने केलेल्या अर्जावर येत्या ९ डिसेंबर रोजी दुपारी २ वाजता पाच सदस्यीय घटनापिठासमोर सुनावणी होणार. #मराठाआरक्षण

— Ashok Chavan (@AshokChavanINC) December 4, 2020

दरम्यान, मराठा आरक्षणाला मिळालेली अंतरिम स्थगिती उठविण्यासाठी सरकारचे प्रयत्न सुरु आहेत. त्यासाठी घटनापीठ स्थापन करुन राज्य सरकारच्या अर्जावर सुनावणी केली जावी, अशी मागणी राज्य सरकारने केली होती. राज्य सरकारची ही मागणी मान्य होण्याची शक्यता असल्याचे सूतोवाच चव्हाण यांनी केले होते. त्यांनतर आता येत्या 9 डिसेंबरला राज्य सरकारच्या आरक्षणावरील स्थगिती उठविण्याच्या अर्जावर सुनावणी होणार आहे.

राज्य शासनाच्या सातत्यपूर्ण पाठपुराव्याला यश मिळण्याचे संकेत आहेत.#एसईबीसी आरक्षण प्रकरणी सर्वोच्च न्यायालयाने दिलेली अंतरिम स्थगिती हटविण्याबाबत राज्य शासनाने केलेल्या अर्जानुसार घटनापिठाची स्थापना होऊन आठ ते दहा दिवसात सुनावणी होण्याची अपेक्षा आहे.#मराठाआरक्षण

— Ashok Chavan (@AshokChavanINC) December 4, 2020

संबंंधित बातमी :

BREAKING : मराठा आरक्षणाचा प्रश्न लवकरच सुटणार; मुख्यमंत्री आणि संभाजीराजेंची चर्चा सकारात्मक

मराठा आरक्षण हा राजकीय विषय नाही, समाजाचं नुकसान होऊ नये हीच प्रमाणिक भावना : अशोक चव्हाण

फडणवीसांना मुख्यमंत्रिपद द्या, तीन महिन्यांत मराठा आरक्षण देण्याची जबाबदारी आमची, नितेश राणेंचा दावा

(hearing on removal of the stay on Maratha reservation will be on 9th December)