Pune Corona | मे महिन्याअखेरीस पुण्यातील रुग्णसंख्या 10 हजारावर पोहोचण्याचा अंदाज : आयुक्त शेखर गायकवाड
पुण्यात कोरोनाचा मृत्यूदर हा सरासरी 5.5 टक्के इतका आहे. मे महिन्याच्या शेवटच्या आठवड्यात कोरोनाबाधितांची संख्या ही जवळपास 10 हजारपर्यंत पोहोचेल, असा अंदाज पुणे आयुक्तांनी वर्तवला आहे.
पुणे : पुण्यात गेल्या सात दिवसात सलग पन्नासपेक्षा (Pune Corona Virus Cases Update) जास्त रुग्ण कोरोनामुक्त झाले आहेत. तर, कोरोनाबाधितांची संख्या सरासरी शंभरने वाढत आहे. आज (9 मे) सकाळपर्यंत पुण्यात एकूण 137 जणांचा कोरोनामुळे मृत्यू झाला आहे. पुण्यात कोरोनाचा मृत्यूदर हा सरासरी 5.5 टक्के इतका आहे. मे महिन्याच्या शेवटच्या आठवड्यात कोरोनाबाधितांची संख्या ही जवळपास 10 हजारपर्यंत पोहोचेल, असा अंदाज महापालिका आयुक्त शेखर गायकवाड (PMC Commissioner Shekhar Gaikwad) यांनी (Pune Corona Virus Cases Update) व्यक्त केला आहे.
पुण्यात कोरोना बाधितांची संख्या 2 हजार 247 इतकी आहे, तर जिल्ह्यात 2 हजार 572 कोरोनाबाधित रुग्ण आहेत. शहरात आतापर्यंत 20 हजार 270 जणांच्या घशातील द्रव पदार्थांच्या नमुन्यांची तपासणी करण्यात आलीय आहे. मे अखेरपर्यंत फक्त पुणे शहरात कोरोनाबाधितांची संख्या ही 10 हजाराच्या जवळपास पोहोचलेली असेल, असं महापालिका आयुक्त शेखर गायकवाड यांनी सांगितलं.
पुण्यात एका दिवसात 12 कोरोनाबळी, मृत्यूदर जैसे थे! पुणेकरांची चिंता कायमhttps://t.co/yDqCT3Qt0Z #Pune #PuneFightsCorona
— TV9 Marathi (@TV9Marathi) May 9, 2020
पेठांमधील भाग हा पत्रे लावून पूर्णतः सील
दुसरीकडे, पुणे शहरातील कोरोनाबाधितांची संख्या आटोक्यात येत नसल्याने केंद्रीय सार्वजनिक आरोग्य विभागाचे पथक पुन्हा एकदा पुण्यात दाखल झालं आहे. प्रतिबंधित क्षेत्रात लॉकडाऊनच्या नियमांची कडक अंमलबजावणी करण्याबरोबरच कॉन्टॅक्ट ट्रेसिंग वाढविण्यावर भर देण्याच्या सूचना या पथकाने दिल्या आहेत. उपमुख्यमंत्री आणि जिल्ह्याचे पालकमंत्री अजित पवार यांनीही हॉटस्पॉट असलेल्या भागात नियमांची कडक अंमलबजावणी करण्याचे आदेश दिले आहेत. त्यानुसार पेठांमधील भाग हा आता पत्रे (Pune Corona Virus Cases Update) लावून पूर्णतः सील करण्यात आलाय.
अंत्यसंस्काराला विरोध करणाऱ्यांवर गुन्हा दाखल करण्याचा पालिकेचा इशारा
कोरोना रोखण्यासाठी प्रशासन विविध उपाययोजना राबवत असताना काही भागात कोरोनामुळे मृत्यू झालेल्या व्यक्तींच्या मृतदेहावर अंत्यसंस्कार करायला स्थानिक नागरिक विरोध करत आहेत. त्यामुळे कोरोनाबाधित व्यक्तींच्या मृतदेहावर अंत्यसंस्कार करण्यासाठी औंध, बोपोडी, कात्रज, मुंढवा या स्मशानभूमीतील विद्युत आणि गॅस दाहिनी राखीव ठेवण्यात आली आहे. त्याचबरोबर स्मशानभूमीतील कर्मचाऱ्यांना पीपीई किट देखील देण्यात आल्या आहेत. अंत्यसंस्काराला विरोध करणाऱ्यांवर फौजदारी गुन्हा दाखल करण्याचा इशाराही पालिका प्रशासनाने दिला आहे.
दाटलोकवस्ती पुण्यातील कोरोना संसर्गाचं प्रमुख कारण
दाटलोकवस्ती हे पुण्यात कोरोना संसर्ग वाढण्याचे प्रमुख कारण आहे. त्याबरोबर प्रसाशकीय पातळीवर घेतल्याजाणाऱ्या निर्णयात आणि दिल्या जाणाऱ्या आदेशात सुसूत्रता नसल्याने कोरोना आटोक्यात आणायला अनेक अडथळे निर्माण होत आहेत. त्यामुळे पुणेकरांनी कोरोनाचं गांभीर्य (Pune Corona Virus Cases Update) लक्षात घेण्याची गरज आहे.
संबंधित बातम्या :
CORONA BCG vaccine | देशातील पहिली बीसीजी लस चाचणी पुण्यात, ससून रुग्णालयाला मान्यता
पुण्यात अंत्यसंस्कारासाठी विद्युत दाहिन्या राखीव, अंत्यसंस्कारास विरोध करणाऱ्यांवर गुन्हा
Pune Corona | पुणेकरांना दिलासा, कोरोना रुग्ण दुप्पट होण्याचा कालावधी पाच दिवसांवरुन 10 दिवसांवर