सुहाना खान सोशल मीडियावर ट्रोल, रंगावरुन हिणवणाऱ्यांना दिलं चोख उत्तर

मुंबई : सुप्रसिद्ध अभिनेता शाहरुख खानची (Shahrukh Khan) मुलगी सुहाना खान (Suhana Khan) सोशल मीडियावर प्रचंड ट्रोल होताना दिसतेय. सुहाना खानवर वर्णभेदी कमेंट्स करत तिला हिणवलं जात आहे. तर, मला माझा रंग आवडतो, मी अगदी खुश असल्याचं सांगत तिने ट्रोलर्सना चोख प्रत्युत्तर दिलं आहे. (suhana khan doughter of Shahrukh Khan appeals to end colorism by sharing her photo)

सुहाना खान सोशल मीडियावर नेहमीच अॅक्टिव्ह असते. ती आपल्या चाहत्यांसाठी इन्स्टाग्रामवर नेहमी वेगवेगळे फोटो शेयर करते . पण याच फोटोंमुळे ती सध्या ट्रोल होत आहे. ट्रोलर्स आपल्या पर्सनल चॅटमध्ये सुहानाचा रंग काळा असल्याचं म्हणत तिला हिणवतआहेत. तसे चॅट्सही तिने आपल्या इन्स्टाग्राम खात्यावर टाकले आहेत. सोबतच तिने ‘मी माझ्या रंगावर खूश असल्याचं सांगत वर्णभेद करणाऱ्यांना  चांगलंच फैलावर घेतलं आहे.

तिने आपल्या पोस्टमध्ये लिहलंय, की “वर्णद्वेष हा अतिशय महत्त्वाचा मुद्दा आहे. आपल्याला या मुद्द्यावर बोलायला हवं. यावर उपाय शोधायला हवा. हा मुद्दा माझ्यापुरताच सीमित नाही; तर काळा रंग असल्याने न्यूनगंड बाळगणाऱ्या सर्वांसाठी हा मुद्दा महत्त्वाचा आहे.”

सुहानाने पुढे भारतात असलेल्या सुंदरतेच्या निकषावर बोलताना लिहलंय की, ‘तुम्ही जर गोरे आणि 5”7 उंचीचे नसाल तर छान दिसत नाही, असं जर तुमच्या परिवाराने सांगितलं असेल, तर ते फार दुर्दैवी आहे.” तुम्ही गोरे नसले तरी तुम्ही छानच दिसत असता, असंही तिनं सांगितलं आहे. शेवटी रंगावरुन सौंदर्य जोखण्याचं बंद करुन वर्णभेद मिटवण्याचं आवाहन सुहानाने केलं आहे.

संबंधित बातम्या :

VIDEO : शाहरुख खानच्या मुलीची एण्ट्री, पहिली शॉर्ट फिल्म प्रदर्शित

Photos: शाहरुख खानची मुलगी सुहाना खानचा हॉट लुक

सुहाना खानची मित्रांसोबत पार्टी, फोटो व्हायरल

(suhana khan doughter of Shahrukh Khan appeals to end colorism by sharing her photo)