Skin Care : चेहऱ्यावरील मुरूमाची समस्या दूर करण्यासाठी ‘हे’ 3 फेसपॅक चेहऱ्याला लावा!

या हंगामात आपल्या त्वचेच्या विविध समस्या निर्माण होतात. विशेष म्हणजे या हंगामात आपली त्वचा अधिक तेलकट होते. यामुळे त्वचेवर मुरूमाची समस्या निर्माण होते.

Skin Care : चेहऱ्यावरील मुरूमाची समस्या दूर करण्यासाठी 'हे' 3 फेसपॅक चेहऱ्याला लावा!
फेसपॅक

मुंबई : या हंगामात आपल्या त्वचेच्या विविध समस्या निर्माण होतात. विशेष म्हणजे या हंगामात आपली त्वचा अधिक तेलकट होते. यामुळे त्वचेवर मुरूमाची समस्या निर्माण होते. चेहऱ्यावरील मुरुम कमी करण्यासाठी बाजारात बर्‍याच प्रकारचे क्रिम आणि औषधे उपलब्ध आहेत. मात्र, आपण नेहमीच क्रिम आणि औषधे लावून मुरूमाची समस्या दूर करू शकत नाहीत. यासाठी आपण काही घरगुती उपाय केले पाहिजेत. ज्यामुळे मुरूमाची समस्या दूर होण्यास मदत मिळते. (Apply this 3 face pack on the face to get rid of acne problem)

चेहऱ्यावरील मुरूमाची समस्या दूर करण्यासाठी आपण चंदन पावडर, दुधावरची साय, खोबरेल तेल, हळद आणि गुलाब पाण्याची पेस्ट तयार करून मुरूमावर लावली पाहिजे. ज्यामुळे चेहऱ्यावरील मुरूम दूर होण्यास मदत होईल. हा पॅक घरी तयार करण्यासाठी आपल्याला एक चमचा चंदन पावडर, दुधावरची साय एक चमचा, खोबरेल तेल अर्धा चमचा, हळद चिमूठभर आणि दोन चमचे गुलाब पाणी लागणार आहे. वरील सर्व साहित्य एकत्र मिक्स करून चेहऱ्यावरील पिंपल्सला लावा.

साधारण दहा मिनिटे ही पेस्ट पिंपल्सवर राहूद्या आणि नंतर थंड पाण्याने धुवा. हा उपाय आपण आठ दिवसामधून एक वेळा केला पाहिजे. चेहऱ्यावरील मुरूम कमी करण्यासाठी कोरफड अत्यंत फायदेशीर आहे. मुरूमाची समस्या दूर करण्यासाठी आपण कोरफडच्या गरमध्ये पपईचा गर मिक्स करा आणि चांगली पेस्ट तयार करा. ही पेस्ट आपल्या चेहऱ्याला लावा. यामुळे मुरूमाची समस्या दूर होण्यास मदत होते.

मेथीचे दाणे रात्रभर पाण्यात भिजवून ठेवावी. सकाळी उठल्यावर त्यातील पाणी काढून त्याची बारीक पेस्ट तयार करा आणि त्यामध्ये मध, हळद आणि थोडेसे गुलाब पाणी घालावे यानंतर ही पेस्ट व्यवस्थित मिक्य करून घ्या आणि आपल्या चेहऱ्यावर लावा साधारण 20 ते 25 मिनिटे ही पेस्ट आपल्या चेहऱ्यावर तशीच ठेवा आणि नंतर धुवावी. साधारण आठवड्यातून दोनदा असे केले तर चेहऱ्यावरील मुरूमाची समस्या दूर होण्यास मदत होईल.

(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)

संबंधित बातम्या : 

Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!

Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..

(Apply this 3 face pack on the face to get rid of acne problem)

Click on your DTH Provider to Add TV9 MARATHI