तुमच्या त्वचेचा प्रकारानुसार मॉइश्चरायझर कसे निवडाल? तज्ज्ञ म्हणतात…

स्किन केअरसाठी अनेक प्रकारची प्रोडक्ट वापरली जातात. त्यापैकी एक म्हणजे मॉइश्चरायझर. बहुतेक लोकं ऋतू कोणताही असो मॉइश्चरायझर त्वचेच्या काळजीसाठी वापरतात. मॉइश्चरायझर लावल्याने त्वचेवर ओलावा टिकवून राहतो आणि त्वचेला हायड्रेट करण्यास मदत करते म्हणून प्रत्येकाच्या त्वचेसाठी खूप महत्वाचे आहे. तर मॉइश्चरायझरच्या नियमित वापराने तुमच्या चेहऱ्यावरील सुरकुत्या कमी होण्यास मदत होते. पण मॉइश्चरायझर हे नेहमी ऋतू आणि तुमच्या स्किन टोननुसार वापरावे.

आजकाल बाजारात अनेक प्रकारचे मॉइश्चरायझर्स उपलब्ध आहेत. तर तुम्ही जेव्हाही मॉइश्चरायझर लावला त्यापुर्वी चेहरा स्वच्छ धुवावा. अशातच त्वचेला मॉइश्चरायझरचे फायदे मिळवण्यासाठी तुमच्या त्वचेनुसार आणि त्याच्याशी संबंधित समस्यांनुसार योग्य मॉइश्चरायझर निवडला पाहिजे. तुमच्या त्वचेच्या प्रकारानुसार कोणता मॉइश्चरायझर तुमच्यासाठी योग्य असेल हे आपण आजच्या या लेखाद्वारे तज्ञांकडून जाणून घेऊया.

तेलकट त्वचा

दिल्लीतील श्री बालाजी अ‍ॅक्शन मेडिकल इन्स्टिट्यूटमधील वरिष्ठ सल्लागार, त्वचारोगतज्ज्ञ डॉ. विजय सिंघल सांगतात की, प्रत्येक व्यक्तीच्या त्वचेचा प्रकार म्हणजेच स्किन टोन वेगळा असतो आणि त्यानुसार मॉइश्चरायझर वापरणे खूप महत्वाचे आहे. जर तुमची त्वचा तेलकट असेल तर तुम्ही ऑईल-फ्री आणि नॉन-कॉमेडोजेनिक (म्हणजेच छिद्रे ब्लॉक करत नाही) गुणधर्म असलेले मॉइश्चरायझर निवडावे.

तुमच्या त्वचेचा प्रकार कसा ओळखायचा?

जर तुम्हाला तुमच्या त्वचेचा प्रकार माहित नसेल, तर यासाठी एक अतिशय सोपी पद्धत अवलंबता येईल. हेल्थलाइनच्या मते, एक टिश्यू पेपर घ्या आणि भरपूर वेळा फोल्ड करा. आता हा टिश्यू पेपर थोडा वेळ चेहऱ्यावर ठेवा आणि हलक्या हाताने दाबा. असे केल्याने, त्वचेतून बाहेर पडणारे तेल कागदावर देखील लागू होईल. कागदावरील तेलावरून तुम्ही तुमच्या त्वचेचा प्रकार काय आहे हे ठरवू शकता.

कोरडी किंवा संवेदनशील त्वचा

कोरड्या त्वचेसाठी, क्रिमी आणि हेवी मॉइश्चरायझर्स चांगले असतात, ज्यामध्ये शिया बटर, ग्लिसरीन किंवा हायलुरोनिक अॅसिड सारखे घटक असतात जे त्वचेत ओलावा टिकवून ठेवतात. संवेदनशील त्वचेसाठी, ॲलर्जी किंवा जळजळ टाळण्यासाठी सुगंध आणि कॅमिकलमुक्त असलेले मॉइश्चरायझर्स निवडा.

मुरुमांची शक्यता असलेली त्वचा

तज्ज्ञांचे म्हणणे आहे की ज्यांची त्वचा मुरुमांनी ग्रस्त आहे, म्हणजेच ज्यांना मुरुमांची समस्या आहे, त्यांनी जेल-आधारित हलके मॉइश्चरायझर वापरावे. तसेच ऋतूनुसार मॉइश्चरायझर बदलावे, उन्हाळ्यात हलके आणि हिवाळ्यात थोडे जाड मॉइश्चरायझर त्वचेवर लावणे चांगले राहील.

मॉइश्चरायझरचे काम केवळ त्वचेला हायड्रेट करणे नाही तर बाहेरील प्रदुषण या नुकसानापासून संरक्षण करणे देखील आहे. म्हणूनच, तुमच्या त्वचेच्या प्रकारानुसार आणि गरजांनुसार योग्य मॉइश्चरायझर निवडणे खूप महत्वाचे आहे. जर तुम्हाला त्वचेशी संबंधित काही समस्या असतील तर गरज पडल्यास त्वचारोग तज्ञांचा सल्ला घ्या.

त्वचेचा प्रकार कसा ओळखायचा?

त्वचेचा प्रकार ओळखण्यासाठी, तुमचा चेहरा स्वच्छ पाण्याने धुवा. त्यानंतर, क्रीम लावा आणि थोडा वेळ तसेच राहू द्या. जर क्रीम त्वचेत चांगले शोषले गेले असेल तर याचा अर्थ तुमची त्वचा कोरडी असू शकते. याशिवाय, जर क्रीम जास्त काळ त्वचेवर राहिली आणि हलक्या घामासह बाहेर आली तर तुमची त्वचा तेलकट असू शकते.

याशिवाय दुसरा मार्ग म्हणजे क्लींजर किंवा फेस वॉशने चेहरा स्वच्छ करणे. आता चेहऱ्यावर मॉइश्चरायझर किंवा टोनर लावा. एक तास थांबा. जर त्वचेवर तेल किंवा कोरडेपणा नसेल तर याचा अर्थ तुमची त्वचा सामान्य आहे. जर तेल दिसत असेल तर त्वचेचा प्रकार तेलकट असू शकतो, विशेषतः टी-झोनजवळ. जर चेहऱ्यावर कोरडेपणा असेल आणि तरीही तेल दिसत असेल तर तुमचा त्वचेचा प्रकार दोन्ही कॉम्बिनेशन आहे. जर त्वचा धुल्यानंतरही चेहऱ्यावर खाज सुटणे, जळजळ किंवा लालसरपणा येत असेल तर तुमचा त्वचेचा प्रकार संवेदनशील आहे.

(डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)