Dasara 2026: दसऱ्याला शस्त्र पूजेचा शुभ मुहूर्त फक्त 45 मिनिटांचा! जाणून घ्या पूजा विधी
दसऱ्याच्या दिवशी शस्त्र पूजेला विशेष महत्त्व असते. या दिवशी शस्त्रे स्वच्छ करून, टिळा लावला जातो आणि फुले अर्पण केली जातात. घरीच शस्त्र पूजा कशी करायची हे जाणून घ्या.
दसरा किंवा विजयादशमी हा सण मंगळवार, २० ऑक्टोबर रोजी साजरा केला जाईल. दसऱ्याच्या दिवशी शस्त्रांची पूजा करण्याची परंपरा शतकानुशतके जुनी आहे. हा सण भगवान रामाने रावणाचा आणि देवी दुर्गेने महिषासुराचा वध केल्याचे प्रतीक आहे. शस्त्रे हे आपले संरक्षण, सुरक्षा आणि अन्यायाचा नाश करण्याचे प्रमुख साधन आहेत. याच कारणामुळे विजयादशमीच्या या विशेष प्रसंगी शस्त्रांची पूजा केली जाते. या शुभ दिवशी आपल्या घरात शस्त्रांची पूजा केल्याने समृद्धी आणि सुरक्षिततेची भावना येते. चला तर दसऱ्याला शस्त्र पूजेचे महत्त्व आणि ती घरी कशी करावी हे जाणून घेऊया.
शस्त्र पूजेसाठी शुभ वेळ
• तारीख – मंगळवार, 20 ऑक्टोबर 2026
• विजय मुहूर्त: दुपारी 01:59 ते दुपारी 02:45 पर्यंत
• कालावधी: ४५ मिनिटे
राजा-महाराजांची परंपरा आणि आधुनिक काळातील शस्त्र पूजा
प्राचीन काळी राजा-महाराज युद्धात विजय मिळावा आणि आपल्या राज्याचं संरक्षण व्हावं, यासाठी युद्धाला जाण्यापूर्वी विधीपूर्वक शस्त्र पूजा करत असत. शस्त्रांना सामर्थ्य आणि विजयाचं प्रतीक मानलं जात असे. आजही दसऱ्याला अनेक जण शस्त्र पूजा करून या परंपरेचं पालन करतात. आधुनिक काळात ही पूजा केवळ शस्त्रांपुरती मर्यादित नसून, आपल्या कर्तव्याची जाणीव, आत्मविश्वास आणि सुरक्षेप्रती आदर व्यक्त करण्याचं प्रतीक मानली जाते.
शस्त्रपूजेचा पौराणिक इतिहास आणि महिषासुर वधाचं महत्त्व
शस्त्रपूजेची परंपरा धर्म, न्याय आणि वाईट प्रवृत्तींच्या नाशाशी जोडलेली आहे. पौराणिक मान्यतेनुसार, या दिवशी प्रभू श्रीरामाने रावणाचा वध करून विजय मिळवला, तर देवी दुर्गेने महिषासुराचा संहार करून देवतांना त्याच्या अत्याचारांतून मुक्त केलं. महिषासुराशी झालेल्या युद्धात देवीने विविध शस्त्रांचा वापर करून अधर्माचा अंत केला. त्यामुळे विजयादशमीला शस्त्रपूजा करणं हे सामर्थ्य, धैर्य आणि अन्यायाविरुद्ध लढण्याच्या संकल्पाचं प्रतीक मानलं जातं. ही परंपरा आपल्याला सत्याच्या मार्गावर राहण्याची आणि संकटांचा धैर्याने सामना करण्याची प्रेरणा देते.
घरी शस्त्रपूजा करण्याची सर्वात सोपी आणि परिपूर्ण धार्मिक पद्धत
दसऱ्याच्या दिवशी सर्वप्रथम सकाळी स्नान करून स्वच्छ वस्त्रे परिधान करावीत. तुमच्या घरातील देवघर किंवा कोणत्याही पवित्र ठिकाणी एक लाकडी चौरंग ठेवा आणि त्यावर लाल किंवा पिवळे कापड टाका. तुमची शस्त्रे, किंवा आजच्या काळातले चाकू, कात्री, तलवारी किंवा इतर संरक्षक उपकरणे पूर्णपणे स्वच्छ करून त्यावर ठेवा. यानंतर सर्व शस्त्रांना शुद्ध आणि पवित्र करण्यासाठी त्यांच्यावर गंगाजल शिंपडा. आता शस्त्रांवर हळद, कुकूं, अक्षत, ताजी फुले आणि दुर्वा अर्पण करा. यानंतर, गूळ आणि मिठाईचा प्रसाद अर्पण करा. दिवा व उदबत्ती लावून आरती करा.
(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
