प्रत्येकवेळी दूध उतू जाऊन शेगडीवर सांडतयं तर अवलंबवा ‘ही’ सोपी ट्रिक
नेहमी दूध शेगडीवर तापवण्यासाठी ठेवल्यावर अनेकदा उतू जातं ज्यामळे दूधही वाया जाते आणि शेगडी देखील खराब होते. तर हे टाळण्यासाठी या काही सोप्या स्वयंपाकघरातील ट्रिक्स आहेत ज्याचा अवलंब केल्याने दूध उतू जाण्याची आणि गॅसवर सांडण्याची समस्या सहज कमी करता येते.
भारतीय घरांमध्ये दूध सांडणे हे वास्तूनुसार शुभ मानले जाते जेव्हा नवीन घराची वास्तू शांती केली जाते. आपल्या प्रत्येकालाच सकाळी उठल्या उठल्या दूधाचा गरमागरम चहा कॉफी लागते. त्यामुळे रोज स्वयंपाकघरात सकाळी आणि संध्याकाळी दूध उकळणे ही एक सामान्य दैनंदिन क्रिया बनली. पण आपण अनेकांच्या तोंडून ऐकतोच की थोडसं लक्ष इकडे तिकडे गेलं की दूध उतू जाते आणि सांडते. यामुळे केवळ दूधच वाया जात नाही, तर गॅस स्टोव्हदेखील खराब होतो. तो स्वच्छ करण्यासाठी वेळ आणि मेहनत दोन्ही लागते. ही समस्या जवळपास प्रत्येक घरात सामान्य आहे. अशातच ही समस्या टाळण्यासाठी काही सोप्या पद्धतींनी तुम्ही हा त्रास पूर्णपणे दूर करू शकता. याचा अर्थ तुम्ही गॅस स्टोव्हवर वारंवार दूध सांडण्यापासून रोखू शकता. चला त्या अनोख्या पद्धती जाणून घेऊया.
दूध उतू जाण्यापासून रोखण्याची सोप्या टिप्स
तुम्हाला हे जाणून आश्चर्य वाटेल की तुम्ही फक्त तूप आणि लोण्याचा वापर करून दूध उतू जाण्यापासून रोखू शकता. होय, फक्त तूप आणि लोण्याने. तुम्हाला फक्त एवढेच करायचे आहे की दूध उकळण्यापूर्वी भांड्याच्या वरच्या कडांना तुपाचा एक पातळ थर लावावा. असे केल्याने, दूध उकळताना होणारी त्याची उकळी आणि फेस कमी होतो, ज्यामुळे दूध एकाच जागी राहते.
दुसरा पर्याय म्हणून तुम्ही दूध उकळण्यापूर्वी एक लाकडी चमचा किंवा पळी आडवी ठेवू शकता. यामुळे फेस जमा होण्यास प्रतिबंध होतो आणि दूध उकळण्याची गती मंदावते.
तिसरा आणि सर्वात सोपा उपाय म्हणजे दूध जास्त आचेऐवजी मध्यम आचेवर ठेवा. आच नियंत्रित केल्याने दूध उकळण्याचा वेग नियंत्रित करण्यास देखील मदत होते.
लक्षात ठेवण्यासारख्या इतर गोष्टी
या घरगुती उपायांसोबतच काही लहान गोष्टी लक्षात ठेवणे देखील महत्त्वाचे आहे. दूध उकळताना रुंद तोंडाचे भांडे वापरणे उत्तम असते, कारण यामुळे फेस पसरतो आणि दूध सांडत नाही. तसेच दूध उकळायला लागताच गॅसची आच थोडी कमी करा. यामुळे दूध हळूहळू उकळते आणि ते उतू जाण्याचा धोका कमी होतो. शिवाय दूध सांडू नये यासाठी सर्वात सोपा मार्ग म्हणजे दूध उकळताना भांड्याजवळ उभे राहणे. जर तुम्ही पहिल्यांदा उकळी आल्यावर लगेच गॅसची आच कमी केली, तर दूध सांडण्याआधीच थांबेल.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
