Beauty Tips : त्वचेसाठी पपई अत्यंत फायदेशीर, वाचा याबद्दल अधिक !
पपई आरोग्यासाठी खूप चांगली आहे, पपई नियमितपणे खाण्याने शरीराला बरेच फायदे होतात.
मुंबई : पपई आरोग्यासाठी खूप चांगली आहे, पपई नियमितपणे खाण्याने शरीराला बरेच फायदे होतात. बरेच लोक आपल्या आहारात नियमितपणे पपईचा समावेश करतात. मात्र, तुम्हाला हे माहिती आहे का? की पपई फक्त आपल्या आरोग्यासाठीच नाहीतर आपल्या त्वचेसाठी देखील अत्यंत फायदेशीर आहे. पपई आपल्या त्वचेला लावल्याने त्वचेच्या अनेक समस्या दूर होण्यास मदत होते. (Papaya is extremely beneficial for the skin)
पपई हे एक नैसर्गिक एक्सफोलीएट आहे जे अँटी-एजिंगचे काम करते. एक्सफोलीएटिंग प्रक्रिया आपली मृत त्वचा काढून टाकते आणि त्वचेला आतून निरोगी बनवते. एक्सफोलिएशनसाठी कच्चा पपई एका भांड्यात स्मॅश करून घ्या आणि हा कुस्करलेला गर चेहऱ्यावर मास्क म्हणून लावा. हा पपईचा फेस मास्क वाळवल्यानंतर स्वच्छ पाण्याने चेहरा धुवा. पपईचे वैशिष्ट्य म्हणजे तो कोणत्याही प्रकारच्या त्वचेसाठी फायदेशीर आहे.
पपईमध्ये व्हिटामिन ए, आणि व्हिटामिन सी असतं. हे तत्व त्वचेची टॅनिंग कमी करण्यात मदत करतात. पपईमध्ये पपाइन प्रथिने असतात. केसांची वाढ होण्यात याचा उपयोग होतो. यामुळे केस गळण्याची समस्याही संपते. पपईमध्ये खोबरे तेल किंवा व्हिनेगर मिक्स करुन डोक्यावर लावल्यास डोक्यातील कोंडाची समस्या दूर होते. चेहऱ्यावर ग्लो येण्यासाठी तुम्ही पपईचा फेसपॅकही लावू शकता. पपई अँटी-एजिंगच्या समस्येवर मात करण्यास मदत करते.
पपईच्या बिया खाण्यापूर्वी त्या कशा खाव्यात आणि त्यांचे सेवन करण्याचा उत्तम मार्ग कोणता आहे, हे माहित असणे आवश्यक आहे. पपईच्या बियांचे सेवन करण्यापूर्वी आपण आपल्या आहारतज्ज्ञ किंवा डॉक्टरांशी बोलले पाहिजे. ते सांगतील त्याप्रमाणेच पुढील कृती करावी. तथापि, पपईच्या बिया सामान्यत: वाटून, किंवा रस करून सेवन करतात येतात. पपईच्या बिया थेट चावून खाणे टाळावे. याशिवाय तुम्ही पपईच्या बियांसोबत मध किंवा गुळ देखील खाऊ शकता.
(टीप : वरील माहिती ही सामान्य माहितीवर आधारित आहे. आपण सौंदर्यतज्ज्ञ किंवा डॉक्टरांचा सल्ला आवश्य घ्या.)
संबंधित बातम्या :
Diet Plan | मधुमेहाच्या रुग्णांसाठी कसा असावा आहार? जाणून घ्या या डाएट प्लॅनविषयी…#DietPlan | #diabetes | #Food | #health https://t.co/IiRsa0ZZhZ
— TV9 Marathi (@TV9Marathi) January 19, 2021
(Papaya is extremely beneficial for the skin)
