ग्लोइंग स्किनसाठी नेहमी हळद-बेसन-दहीच का? एकदा ‘या’ ३ गोष्टी ट्राय करा

ग्लोइंग स्किन म्हटलं की सर्वप्रथम हळद, बेसन आणि दह्याचे फेस पॅक विचार केला जातो. पण प्रत्येक वेळी हळद, बेसन आणि दह्याचाच आधार का घ्यायचा? जर तुम्ही या जुन्या फेस पॅक ऐवजी काहीतरी वेगळे शोधत असाल, तर स्वयंपाकघरातील काही सोप्या घटकांपासून बनवलेला हा फेस पॅक ट्राय करा. तो बनवायला सोपा आहे आणि आठवड्यातून फक्त एकदाच लावला तरी पुरेसा आहे. हा फेस पॅक वारंवार किंवा रोज लावण्याची गरज नाही. याचे वैशिष्ट्य म्हणजे, हा फेस पॅक त्वचा मऊ आणि फ्रेश ठेवण्यावर फोकस करतो. त्यामुळे जर तुमचा चेहरा थोडा कोरडा किंवा निस्तेज दिसत असेल, तर तुम्ही याचा तुमच्या विकली स्किन केअर रुटीनमध्ये समावेश करू शकता.

या ३ गोष्टींपासून बनवा फेस पॅक ग्लोइंग स्किन मिळवण्यासाठी तुम्हाला नेहमीचा फेस पॅक वापरायचे नसेल तर हा फेस पॅक लावा. हा फेस पॅक बनवण्यासाठी तुम्हाला तांदूळ, बटाट्याचा रस आणि बदाम तेल या ३ गोष्टींची आवश्यकता आहे. या ३ गोष्टींपासून फेस पॅक बनवून लावल्याने चेहऱ्यावर चमक येईल.

असे बनवा फेस पॅक हा फेस पॅक बनवण्यासाठी सर्वप्रथम साधारण ४-५ मोठे चमचे तांदूळ घ्या आणि ते स्वच्छ धुवा. आता तांदूळ पाण्यात चांगले उकळून घ्या. हे शिजल्यानंतर तांदळात थोडे पाणी राहू द्या आणि हे रात्रभर झाकून ठेवा. दुसऱ्या दिवशी, थोडे पाणी घालून बारीक करा आणि त्याची गुळगुळीत पेस्ट बनवा. आता तयार केलेल्या तांदळाच्या पेस्टमध्ये सुमारे एक चमचाभर बटाट्याचा रस घाला. यासाठी एक कच्चा बटाटा धुवून, तो हलका किसून घ्या आणि स्वच्छ कापडाने त्याचा रस काढून घ्या. हा रस लगेच वापरणे उत्तम असते. गुठळ्या होऊ नयेत म्हणून बटाट्याचा रस पेस्टमध्ये व्यवस्थित मिक्स करा. आता या पेस्टमध्ये सुमारे एक चमचा बदामाचे तेल घाला आणि सर्व मिश्रण व्यवस्थित एकत्र करा. तुमचा घरगुती फेस पॅक तयार आहे. पेस्ट जास्त पातळ होणार नाही याची काळजी घ्या. नाहीतर ती चेहऱ्यावर लावायला अवघड जाऊ शकते.

चेहऱ्यावर असे लावा तयार केलेला फेस पॅक चेहऱ्यावर लावण्यापूवी माइल्ड फेस वॉश किंवा पाण्याने आपला चेहरा स्वच्छ धुवा. आता तयार केलेल्या पेस्टचा पातळ थर चेहऱ्यावर लावा. हे तुमच्या चेहऱ्यावर साधारण १५ मिनिटे तसेच राहू द्या. पॅक सुकल्यानंतर हळुवारपणे तुमचा चेहरा स्वच्छ करा. त्वचा कोरडी वाटत असेल तर तुमचे नेहमीचे मॉइश्चरायझर लावा.

मिळतात हे फायदे सॉफ्ट स्किन – तांदूळ आणि बदामाचे तेल त्वचा मऊ ठेवण्यास मदत करतात. फेस पॅक धुतल्यानंतर, तुमचा चेहरा पूर्वीपेक्षा अधिक मऊ आणि चांगला वाटू शकतो.

फ्रेश लुक – जर तुमचा चेहरा थकलेला किंवा डल दिसत असेल, तर हा फेस पॅक त्याला फ्रेश आणि क्लीन दिसण्यास मदत करू शकतो. त्वचेचे मॉइश्चरायझेशन – बदामाचे तेल त्वचेतील ओलावा टिकवून ठेवण्यास मदत करते. त्यामुळे ज्यांना वारंवार कोरड्या त्वचेचा त्रास होतो त्यांच्यासाठी ते एक उत्तम पर्याय आहे.