Vinayaka Chaturthi 2020: विनायक चतुर्थीला अशी करा लाडक्या बाप्पाची पूजा, जाणून घ्या विधी आणि मुहूर्त
चतुर्थीच्या दिवशी गणेशाची पूजा केल्यास जीवनातील सर्व समस्या आपोआप दूर होतात आणि घरात सुख-समृद्धीबरोबरच यश मिळतं असं मानलं जातं.
मुंबई : हिंदू धर्मात प्रथम वंदन हे गणेशालाच असतं. प्रत्येक महिन्यात चतुर्थीला गणपतीची पूजा होत असते. 2020 चा हा शेवटचा महिना असून शेवटच्या महिन्यात चतुर्थीला गणपतीची पूजा मोठ्या उत्सहात केली जाणार आहे. चतुर्थीच्या दिवशी गणेशाची पूजा केल्यास जीवनातील सर्व समस्या आपोआप दूर होतात आणि घरात सुख-समृद्धीबरोबरच यश मिळतं असं मानलं जातं. (vinayaka chaturthi 18 december know how to worship lord ganesh)
खरंतर, पंचांगानुसार प्रत्येक महिन्यात दोन चतुर्थी असतात. 18 डिसेंबर म्हणजेच आज चतुर्थी अनेक प्रकारे विशेष आहे. कारण यावेळी मार्गशीर्ष महिनाही सुरू झाला आहे. गणपतीला विनायक म्हणून नाव दिल्यामुळे या दिवसाला विनायक चतुर्थीसुद्धा म्हटलं जातं. याच खास दिवशी जाणून घेऊयात विनायक चतुर्थीचा शुभ काळ, त्याचे महत्त्व आणि पूजेविषयी….
विनायक चतुर्थी मुहूर्त
हिंदू कॅलेंडरनुसार मार्गशीर्ष महिन्यातील शुक्ल पक्षाच्या चतुर्थी तिथी 17 डिसेंबरपासून 03 वाजून 17 पासून सुरू झाली आहे. ही तिथी आज दुपारी फक्त 02 वाजून 22 मिनिटांपर्यंतच असणार आहे. त्यामुळे कोणतंही काम करताना या तिथी शुभ मानल्या जातात.
विनायक चतुर्थीचे महत्त्व
या दिवशी उपास करून भगवान गणेश त्याच्या भक्तांना ज्ञान, विद्या आणि संयम ठेवण्याचा आशीर्वाद देतात असं बोललं जातं. इतकंच नाही तर या दिवशी गणेशाची पूजा केल्याने आपल्या आयुष्यात प्रगती होते आणि सर्व इच्छा पूर्ण होतात.
काय करावं या दिवशी ?
सगळ्यात महत्त्वाचं म्हणजे या दिवशी ब्रह्म मुहूर्तामध्ये स्नान करा. या दिवशी लाल रंगाचे कपडे घाला. दुपारी पूजेच्या वेळी तुमच्या क्षमतेनुसार सोन्याची, पितळ, चांदी, तांबे किंवा मातीच्या गणेशाच्या मूर्तीची पूजा करा, त्यानंतर आरती करा. ‘ओम गं गणपतयै नम:’ असा जप करा. गणपतीला खूप प्रिय असलेल्या गणेशमूर्तीवर 21 दुर्वा अर्पण करा.
तसंच, गणेशाला प्रिय अशा मोदकांचाही प्रसाद तुम्ही चढवू शकता. पूजा करताना आपण श्री गणेश स्त्रोत, अथर्वशीर्ष, संकटनाशक गणेश स्त्रोत वाचावेत. संध्याकाळी गणेश चतुर्थी कथा, गणेश स्तुती, श्री गणेश सहस्रनामावली, गणेश चालीसा आणि गणेश पुराण वाचा. त्यानंतर गणेशाची आरती करावी. (vinayaka chaturthi 18 december know how to worship lord ganesh)
इतर बातम्या –
Winter Care | अचानक वाढलाय थंडीचा पारा, अशा प्रकारे घरातील वृद्धांची तब्येत सांभाळा!
Tissue Paper चा व्यवसाय सुरु करा; सरकारकडून अनुदान; कमवाल लाखो रुपये
(vinayaka chaturthi 18 december know how to worship lord ganesh)
