हाडे फ्रॅक्चर होऊ नये म्हणू आवश्यक असते व्हिटामिन के, जाणून घ्या कोणत्या गोष्टींपासून मिळते

Vitamin K : व्हिटॅमिन के आपल्या आरोग्यासाठी खूप महत्त्वाचे असते. शरीराला निरोगी राहण्यासाठी ते खूप आवश्यक आहे. व्हिटॅमिन के मुळे हाडांची घनता टिकवून राहते. व्हिटामिन के मुळेच हाडांचे आजार होण्याची शक्यता कमी करते. हाडांचे फ्रॅक्चरला देखील ते प्रतिबंध करते. व्हिटॅमिन के हे हृदयाच्या आरोग्यासाठी ही फायद्याचे असते. आपल्या आहारात तुम्ही कोणत्या गोष्टींचा समावेश केला पाहिजे. ज्यामुळे व्हिटामिन के ची कमतरता भरुन निघेल.

पालक

पालक हा व्हिटॅमिन के चा चांगला स्रोत आहे. पालकमध्ये बीटा कॅरोटीन असते जी रोगप्रतिकारक शक्ती मजबूत ठेवते. व्हिटॅमिन के शिवाय पालकमध्ये व्हिटॅमिन सी आणि व्हिटॅमिन ई देखील असते. यात अनेक अँटी-ऑक्सिडंट्स आढळतात जे आरोग्याची काळजी घेतात.

ड्रायफ्रुट्स

अक्रोड, पाइन नट्स, हेझलनट्स आणि काजूमध्ये व्हिटॅमिन के भरपूर प्रमाणात असते. हे ड्राय फ्रूट खाल्ल्याने हाडांचे आरोग्य सुधारते. तसेच ड्रायफ्रुट्समध्ये भरपूर फायबर असते आणि ते पोटाशी संबंधित समस्यांपासून आराम देतात.

अंडी

अंडे हे सुपरफूड आहे. यामध्ये अनेक पोषक घटक असतात. अंडी प्रथिने आणि व्हिटॅमिन डीचा एक चांगला स्रोत आहे. पण यामध्ये व्हिटॅमिन के देखील चांगले असते. अंडी सहजपणे आहाराचा एक भाग बनवता येतात. सहसा सकाळी नाश्त्यात ते खाल्ले पाहिजे.

ब्रोकोली

हिरव्या भाज्यांमध्ये ब्रोकोली देखील खूप फायदेशीर असते. ब्रोकोलीमध्ये व्हिटॅमिन सी, फायबर आणि व्हिटॅमिन के आढळतात. रोज एक कप शिजवलेली ब्रोकोली खाल्ल्यास शरीराला दैनंदिन गरजेच्या ९२ टक्के व्हिटॅमिन के मिळते.

एवोकॅडो

व्हिटॅमिन के जर हवे असेत तर एवोकॅडोचा तुम्ही आहारात समावेश केला पाहिजे. मध्यम आकाराचा एवोकॅडो खाल्ल्याने शरीराला दैनंदिन गरजेच्या 20 टक्के व्हिटॅमिन के मिळते. त्यामध्ये हेल्दी फॅट्स असतात, फायबर देखील असतात. ब्रोकोली सॅलड्स, सँडविच आणि स्मूदीमध्ये घालून खाऊ शकतो. तसेच तुम्ही ऑम्लेट, भाज्या किंवा पराठ्यातही टाकून ते खाऊ शकता.