चुकूनही मायक्रोवेव्हमध्ये या 5 गोष्टी ठेवू नका, नाहीतर उडेल भडका, होऊ शकतो स्फोट
मायक्रोवेव्ह ओव्हन ही चैनीची वस्तू नसून स्वयंपाकघराचा एक महत्त्वाचा भाग बनला आहे. कारण यामुळे कामं आणखी सोपी होतात. पण मायक्रोवेव्ह वापरताना किंवा त्यात अन्न गरम करताना काही गोष्टी, खबरदारी घेणे गरजेचं असतं, अन्यथा अपघात होऊ शकतो. त्या कोणत्या महत्त्वाच्या गोष्टी आहेत ज्या लक्षात ठेवल्या पाहिजेत ते जाणून घेऊयात.
आज शक्यतो सर्वांच्या घरात मायक्रोवेव्ह असतो. अन्न गरम करणे असो, स्वयंपाक करणे असो किंवा बेकिंग असो, मायक्रोवेव्हमुळे ही सर्व कामे अगदी सोपी झाली आहेत. परंतु ते वापरताना खबरदारी घेणे खूप महत्वाचे असते. अन्यथा एक छोटीशी चूक मोठी दुर्घटना किंवा स्फोट घडवून आणू शकते.
आजकाल मायक्रोवेव्ह ओव्हन ही चैनीची वस्तू नसून स्वयंपाकघराचा एक महत्त्वाचा भाग बनला आहे. अन्न लवकर गरम करणे असो किंवा काहीतरी लवकर शिजवणे असो, घरात मायक्रोवेव्ह ओव्हन आल्यानंतर अनेक कामे सोपी होतात. मात्र ओव्हनच्याबाबतीत काही गोष्टी दुर्लक्षित केल्यास दुर्घटना होऊ शकते. काही गोष्टी अशा आहेत ज्या मायक्रोवेव्हमध्ये गरम करणे धोकादायक ठरू शकतात. यामुळे ओव्हनचे नुकसान तर होईलच पण अपघात देखील होऊ शकतो.
मायक्रोवेव्ह वापरताना कोणत्या महत्त्वाच्या गोष्टी लक्षात ठेवल्या पाहिजेत ते जाणून घेऊयात.
मायक्रोवेव्हमध्ये पाणी गरम करू नये
बरेचदा लोक पाणी लवकर गरम करण्यासाठी मायक्रोवेव्ह वापरतात पण असे करणे खूप धोकादायक ठरू शकते. जेव्हा मायक्रोवेव्हमध्ये पाणी गरम केले जाते तेव्हा दाब वाढतो ज्यामुळे पाणी अचानक उकळून सांडू शकते. यामुळे मायक्रोवेव्ह खराब होऊ शकतो किंवा मोठा अपघात देखील होऊ शकतो.
मायक्रोवेव्हमध्ये बंद कंटेनर ठेवू नका
जर तुम्ही मायक्रोवेव्हमध्ये अन्न शिजवत असाल किंवा गरम करत असाल तर लक्षात ठेवा की कंटेनर कधीही पूर्णपणे बंद करू नका. ते प्लास्टिक असो किंवा काच, झाकण उघडे ठेवणे महत्वाचे आहे. मायक्रोवेव्हमध्ये गरम केल्यावर, कंटेनरमध्ये वाफ तयार होते, ज्यामुळे बंद कंटेनरमध्ये दाब वाढतो आणि मायक्रोवेव्हमध्ये कंटेनर फुटण्याचा धोका असतो.
मायक्रोवेव्हमध्ये अंडी उकडवू नका
मायक्रोवेव्हमध्ये अंडे उकडणे खूप धोकादायक असते. जर तुम्ही मायक्रोवेव्हमध्ये अंडी त्याच्या कवचासह उकडण्याचा प्रयत्न केला तर ते आत फुटू शकतात. खरंतर, मायक्रोवेव्हमध्ये गरम केल्यावर अंड्याच्या आत वाफ तयार होते आणि दाब वाढतो, ज्यामुळे अंडे अचानक फुटू शकते. असे झाल्यास मायक्रोवेव्हचा स्फोट होऊ शकतो.
मायक्रोवेव्हमध्ये अॅल्युमिनियम फॉइल वापरू नका
मायक्रोवेव्हमध्ये अॅल्युमिनियम फॉइल वापरणे धोकादायक ठरू शकते. मायक्रोवेव्हचा आतील भाग धातूचा बनलेला असल्याने आणि अॅल्युमिनियम फॉइल देखील धातूचा बनलेला असल्याने, मायक्रोवेव्ह किरण त्यांच्यावर आदळू शकतात आणि ठिणग्या निर्माण होऊ शकतात. यामुळे मायक्रोवेव्हमध्ये आग किंवा स्फोट देखील होऊ शकतो.
मायक्रोवेव्हमध्ये स्टीलची भांडी वापरू नका
मायक्रोवेव्हमध्ये अन्न गरम करताना किंवा बेक करताना स्टीलची भांडी वापरू नयेत. असे केल्याने मायक्रोवेव्हमध्ये ठिणग्या पडू शकतात आणि कधीकधी स्फोट देखील होऊ शकतो. म्हणून, मायक्रोवेव्हमध्ये अन्न गरम करताना, फक्त मायक्रोवेव्ह सुरक्षित प्लास्टिक किंवा बेकलाइट कंटेनर किंवा काचेच्या वस्तू वापरा.
