नागपूरच्या तरुणांचा अमरावतीत फिल्मी थरार! डोक्यावर बंदूक ठेवून हवेत गोळीबार, कशासाठी तर…

स्वप्निल उमप

अमरावती : एखाद्या तरुणीच्या लग्नाला तिच्या घरच्याकडून विरोध होतो. प्रेमाच्या अथांग सागरात बुडालेला प्रियकर आपल्या जीवाची बाजी लावतो. आपल्या प्रेयसीला मिळवण्यासाठी वाटेल ते प्रयत्न करतो. अनेकदा प्रियकर प्रेयसीच्या घरच्यांना धमक्या, मारझोड करताचे चित्र आपण पाहतो. पण ते प्रत्यक्षात नाही तर चित्रपटात… परंतु, असाच धक्कादायक आणि चित्रपटातील एखाद्या घटनेला शोभेल असाच प्रकार अमरावतीमध्ये रात्री बाराच्या सुमारास घडला. प्रेयसीला फूस लावून पळवून नेण्यासाठी नागपूरमधील एका प्रियकराने (a lover in Nagpur) चक्क तरुणीच्या नातेवाईकाच्या डोक्याला बंदूक लावली. हवेत गोळीबार करून प्रेयसीला प्रियकर पळून घेऊन गेला. ही फिल्मी स्टाईल घटना अमरावतीत मध्यरात्री (night in Amravati) घडल्याने खळबळ उडाली. या घटनेतील दोन आरोपींना पोलिसांनी अटक (police arrested the accused) केली. आणखी दोन आरोपी फरार आहेत.

काय आहे प्रकरण ?

नागपूरमधील एक तरुणी घरगुती कार्यक्रमासाठी अमरावती शहरातील बालाजी प्लॉटमधील आपल्या नातेवाईकांकडे आली होती. काल रात्री साडेअकरा वाजताच्या सुमारास सर्व कुटुंबीय जेवन करून बसले होते. तेवढ्यात आरोपी प्रियकर हा अन्य साथीदारासोबत दुचाकी घेऊन तरुणीच्या नातेवाईकांच्या घराजवळ पोहचला. यावेळी त्याने त्याच्या प्रेयसीला सोबत येण्याची गळ घातली होती. पण त्या तरुणीचे नातेवाईक त्याला विरोध करत होते. यावेळी आरोपी प्रियकराने तरुणीच्या नातेवाईकापैकी एकाच्या डोक्याला बंदूक लावली. जीवे मारण्याची धमकी देत हवेत गोळीबार करून दहशत पसरवली. या संपूर्ण प्रकाराने तरुणीचे नातेवाईक चांगलेच घाबरले होते. याचाच फायदा घेत आरोपी प्रियकर व त्यांच्या साथीदारांनी प्रेयसीला सोबत घेऊन नागपूरकडे पळवून नेले.

प्रियकर, प्रेयसी पळाले

बालाजी प्लॉटमध्ये रात्री ही फिल्मी स्टाईल घटना घडली. त्यानंतर लागलीच तरुणीच्या नातेवाईकांनी पोलिसांना संपर्क केला. यावेळी पोलिसांनी घटनेचे गांभीर्य ओळखून आरोपी व त्यांच्या साथीदारांचा पाठलाग केला. यावेळी पोलिसांनी नांदगाव टोल नाका परिसरातून आरोपी साथीदार प्रफुल दामाये व रमेश अतपाका (रा. नागपूर) यांना अटक केली. आरोपी प्रियकर व त्या तरुणीचा पोलिसांकडून शोध सुरू आहे.

आरोपी गुन्हेगारी प्रवृत्तीचे

अमरावती शहरात घडलेल्या या घटनेने खळबळ उडाली आहे. हवेत गोळीबार करणारा आरोपी हा गुन्हेगारी प्रवृत्तीचा असल्याची माहिती तरुणीच्या नातेवाइकांनी दिली. या पूर्वीही त्याच्यावर नागपूरमध्ये गुन्हा दाखल असल्याची माहितीही तरुणीच्या नातेवाईकांनी दिली. राजापेठ पोलिसांनी दोघांना अटक केली आहे.

Video – अमरावतीत महिला पोलिसांचे झुंबा नृत्य, फेटे परिधान करून घेतला सहभाग

राज्य युवक काँग्रेस अध्यक्षपद निवडणूक, कुणाल राऊत यांना सर्वाधिक मते, कोण आहेत कुणाल राऊत?

Nagpur ZP | च्यमनप्राश नाही आता बिटकॉझिंकच्या गोळ्या! कुपोषित, किशोरवयीन, गरोदर मातांचे आरोग्य सुधारणार