जळगाव जिल्ह्यात तलाठ्यासोबत भयंकर घडलं, आधी टॅक्टरखाली फेकलं, मग चिरडण्याचा प्रयत्न

जळगाव जिल्ह्यातून एक धक्कादयाक घटना समोर आली आहे, अवैध वाळू वाहतुकीवर कारवाईसाठी गेलेल्या तलाठ्यासोबत भयंकर घटना घडली आहे, आरोपींनी तलाठ्याला आधी टॅक्टरवरून खाली ओढलं त्यानंतर त्याला टॅक्टरच्या चाकाखाली घालून चिरडण्याचा प्रयत्न केला आहे, सुदैवानं या घटनेत या तलाठ्याचा जीव वाचला आहे, मात्र तो या घटनेत गंभीर जाखमी झाला आहे, या घटनेनं जिल्ह्यात खळबळ उडाली आहे. याप्रकरणी चोपडा ग्रामीण पोलीस ठाण्यात गुन्हा दाखल करण्यात आला असून, आरोपींचा शोध सुरू आहे.

घटनेबाबत अधिक माहिती अशी की, जळगावच्या चोपडा तालुक्यातील बुधगाव येथे ही घटना घडली आहे, तलाठ्याला ट्रॅक्टरवरून फेकून देत त्याला  टॅक्टरच्या चाकाखाली चिरडण्याचा प्रयत्न करण्यात आला, या घटनेत सुदैवानं तलाठ्याचा जीव वाचला आहे, मात्र या घटनेत तो गंभीर जखमी झाला आहे. जडे असं या तलाठ्याचं नाव आहे.

जडे हे अवैध वाळू वाहतुकीवर कारवाईसाठी जळगावच्या चोपडा तालुक्यातील बुधगाव येथे  गेले होते, यावेळी ही घटना घडली आहे. अवैध वाळू वाहतुकीवर महसूल विभागाची कारवाई सुरू असताना अंधाराचा फायदा घेऊन इतर वाहने पळून गेली, मात्र एक टॅक्टर पथकाच्या हाती लागला. या टॅक्टरवर जडे बसले होते, हा टॅक्टर  जप्त करून तहसीलदार कार्यालयात आणला जात असताना, ट्रॅक्टरवर बसलेले तलाठी यांना चालक आणि मालकाने खाली ओढले, तसेच त्यांनी टॅक्टरच्या चाकाखाली चिरडून जीवे मारण्याचा प्रयत्न झाला. या घटनेतून ते थोडक्यात बचावले आहेत, मात्र या घटनेत ते गंभीर जखमी झाले असून, त्यांना उपचारासाठी रुग्णालयात दाखल करण्यात आलं आहे.

दरम्यान याप्रकरणी चोपडा ग्रामीण पोलीस ठाण्यात गुन्हा दाखल करण्यात आला असून, आरोपींचा शोध सुरू आहे. कारवाईदरम्यान अंधाराचा फायदा घेऊन इतर वाहने पळून गेली, मात्र एक ट्रॅक्टर पथकाच्या हाती लागला होता, याचदरम्यान हा प्रकार घडला आहे. घटनेबाबत अधिक तपास सुरू असल्याची माहिती पोलिसांनी दिली आहे.