सिल्लोड परिसरात भिषण अपघात; सहा जणांचा मृत्यू ,12 जखमी
औरंगाबाद जिल्ह्यातील सिल्लोड परिसरात भीषण अपघाताची घटना घडली आहे. पिकअप आणि ट्रॅक्टरची धडक झाली, हा अपघात इतका भीषण होता की, यामध्ये सहा जण मृत्यूमुखी पडल्याची भीती व्यक्त केली जात आहे. मृतांचा नेमका आकडा अद्याप समजू शकलेला नाही.
औरंगाबाद : औरंगाबाद जिल्ह्यातील सिल्लोड परिसरात भीषण अपघाताची घटना घडली आहे. पिकअप आणि ट्रॅक्टरची धडक झाली, हा अपघात इतका भीषण होता की, यामध्ये सहा जण मृत्यूमुखी पडल्याची भीती व्यक्त केली जात आहे. मृतांचा नेमका आकडा अद्याप समजू शकलेला नाही, तर या अपघातामध्ये बारा जण गंभीर जखमी झाले आहेत. घटनेची माहिती मिळताच पोलीस घटनास्थळी हजर झाले, जखमींना उपचारासाठी रुग्णालयात दाखल करण्यात आले आहे.
जखमींना उपचारासाठी रुग्णालयात हलवले
घटनेबाबत अधिक माहिती अशी की, लग्नावरून परतणाऱ्या पिकअपने उसाचाच्या ट्रॅक्टरला पाठीमागून धडक दिली. या अपघातामध्ये सहा जणांचा मृत्यू झाल्याचा अंदाज आहे, तर बारा जण जखमी झाले आहेत. जखमींना उपचारासाठी रुग्णालयात दाखल करण्यात आले आहे. मृतांची अद्याप ओळख समोर येऊ शकलेली नाही. चालकाचे वाहनावरील नियंत्रण सुटल्याने हा अपघात झाला असावा असा प्राथमिक अंदाज वर्तवण्यात येत आहे.
वाहनांचे नुकसान
या अपघातामध्ये वाहनाचे देखील मोठ्याप्रमाणात नुकसान झाले आहे. पिकअपचा समोरी भाग पूर्णपणे डॅमेज झाला आहे. तर ट्रॅक्टरला पाठीमागून धडक बसल्याने ट्रॅक्टरचा मागचा भाग चकनाचूर झाला आहे. दरम्यान अपघात झाल्यानंतर काही काळ परिसरातील वाहतूक विस्कळीत झाली होती. पुन्हा एकदा वाहतूक सुरळीत करण्यात आली आहे.
संबंधित बातम्या
Crime | तेलंगणातून येत होता नागपुरात गांजा, बुटीबोरीत पोलिसांनी रचला सापडा; सात लाखांचा गांजा जप्त
पंढरपुरात अल्पवयीन मुलीवर बापाचा अत्याचार, गरोदर राहिल्याने पुण्यातील तरुणाशी लग्न लावलं
