Shehzad Poonawalla : भाजप प्रवक्ते शहजाद पुनावाला यांच्या आईला कारने उडवलं
भारतीय जनता पार्टीचे राष्ट्रीय प्रवक्ते शहजाद पूनावाला यांच्या आईचा अपघात झाला आहे. जाणूनबुजून माझ्या आईला कारने धडक दिली असा शहजाद पूनावाला यांचा आरोप आहे.
भारतीय जनता पार्टीचे राष्ट्रीय प्रवक्ते शहजाद पूनावाला यांच्या आईचा अपघात झाला आहे. जाणूनबुजून माझ्या आईला कारने धडक दिली असा शहजाद पूनावाला यांनी आरोप केला आहे. त्यांनी तात्काळ पोलिसांकडे कारवाईची मागणी केली आहे. राजकीय विश्लेषक तहसीन पूनावाला यांनी या घटनेचा व्हिडिओ शेअर केला आहे. त्यांच्या आईला एक सफेद कार टक्कर मारताना दिसतेय. “काही तासांपूर्वी एका घृणास्पद माणसाने जाणीवपूर्वक माझ्या आईच्या अंगावर कार घातली. माझी आई गंभीररित्या जखमी झाली आहे. कार चालक तिथून पळून गेला. आईवर लवकरच सर्जरी करावी लागेल. कृपया त्यांच्यासाठी प्रार्थना करा. माझी आई दयाळू आणि चांगल्या व्यक्तींपैकी एक आहे. या वयात त्यांच्यासोबत जे झालं. त्यामुळे मला खूप वेदना होतायत” असं पूनावाला यांनी लिहिलं आहे.
शहजाद पूनावाला यांनी पुणे पोलिसांसोबत महाराष्ट्राचे मुख्यमंत्री देवेंद्र फडणवीस यांनाही टॅग केलं आहे. पुणे पोलीस लगेच त्या व्यक्तीला अटक करुन त्याला शिक्षा होईल हे सुनिश्चित करतील अशी अपेक्षा आहे असं पूनावाला यांनी लिहिलय.
आईचा एक्स रे रिपोर्ट सुद्धा शेअर केलाय
“हे सर्व काय होतय. माझी आई सिनियर सिटीजन आहे. माझा ड्रायव्हर आणि एग्जीक्यूटिव असिस्टेंट सोबत ती गेली होती. जेव्हा ते लोक गॅस भरत होते. तेव्हा तिथे उभी राहून प्रतिक्षा करत होती. तेव्हा तिथे तिला कुठल्यातरी गाडीने धडक दिली. हे मुद्दामून केल्यासारखं वाटतय” असं शहजाद पूनावाला यांचा भाऊ तहसीन पूनावाला यांनी लिहिलय. त्यांनी आईचा एक्स रे रिपोर्ट सुद्धा एक्सवर शेअर केलाय. “आईचं हाड मोडलं. तिला रुग्णालयात दाखल करावं लागलय. पुणे पोलिसांकडे आरोपी विरोधात जलद कारवाई करण्याची मागणी केली आहे. जाणूनबुजून केलं किंवा नशेत केलं. हे तपासातून समोर येईलच. पण ज्येष्ठ नागरिक असलेल्या आईला हा त्रास होतोय. याचं दु:ख होतं” असं लिहिलय.
