AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

CJP Delhi Protest Live : पुण्यात वातावरण तापलं, सीजेपीकडून आंदोलनाचा इशारा, पोलिसांचा बंदोबस्त

| Edited By: | Updated on: Oct 11, 2026 | 8:47 PM
Share

कॉक्रोच जनता पार्टीने काल दिल्लीत आंदोलन जाहीर केलं होतं. परंतु पोलिसांनी आंदोलनाआधीच आंदोलकांना ताब्यात घेतलं. त्यानंतरही आज रविवारी सीजेपीने पुन्हा आंदोलनाची हाक दिली आहे.

CJP Delhi Protest Live : पुण्यात वातावरण तापलं, सीजेपीकडून आंदोलनाचा इशारा, पोलिसांचा बंदोबस्त
Image Credit source: टीव्ही9 मराठी

मुख्य निवडणूक आयुक्त ज्ञानेश कुमार यांच्या विरोधातील आंदोलनामुळे राजकारण तापलं आहे. ज्ञानेश कुमार यांच्या विरोधात कॉक्रोच जनता पार्टीने आज पुन्हा आंदोलनाची हाक दिली आहे. ज्ञानेश कुमार यांचा राजीनामा होत नाही, तोपर्यंत आंदोलन सुरू राहणार असल्याचे सीजेपीच्या अंजिक्य शिंदे यांनी जाहीर केलं आहे. सीजेपीच्या आंदोलनाच्या पार्श्वभूमीवर दिल्लीतील विविध परिसरात पोलिसांचा मोठा फौजफाटा तैनात केला आहे. वाहतूक पोलिसांनी शहरातील वाहतूक मार्गात बदल केले आहेत. तर इंडिया आघाडीनेही सोमवारी आंदोलन जाहीर केलं आहे. सीजेपीच्या आंदोलनाच्या पार्श्वभूमीवर देशातील विविध भागातील पोलीस यंत्रणा अलर्ट झाल्या आहेत. जगासहित देशातील विविध घडामोडी जाणून घ्या.

LIVE NEWS & UPDATES

The liveblog has ended.
  • 11 Oct 2026 05:45 PM (IST)

    दादर शिवाजी पार्कात रणकंदन, आंदोलकांची पोलिसांशी झटापट

    दादरमध्ये सीजेपी आणि इतर संघटनांच्या  आंदोलकांची पोलिसांनी धरपकड केली आहे. आंदोलकांना ताब्यात घेत पोलीस व्हॅनमधून कोंबण्यात आले आहे.

  • 11 Oct 2026 05:13 PM (IST)

    नाशिक येथील द्वारकासर्कल येथील अंडरग्राऊंड मार्गाची मुख्यमंत्र्याकडून पाहणी

    मुख्यमंत्री देवेंद्र फडणवीस यांनी नाशिक शहरातील द्वारका सर्कल येथील अंडरग्राऊंड मार्गाची पाहणी करण्यास सुरुवात केली आहे. सिंहस्थ कुंभमेळाच्या पार्श्वभूमीवर शहरातील विकासकामांची केली जात आहे पाहणी.

  • 11 Oct 2026 04:49 PM (IST)

    पुण्यात वातावरण तापलं, सीजेपीकडून आंदोलनाचा इशारा, पोलिसांचा बंदोबस्त

    पुणे : गुडलक चौकात CJP कडून आंदोलनाचा इशारा देण्यात आलाय. निवडणूक आयोगाचे अध्यक्ष ज्ञानेश कुमार त्यांच्या राजीनामाच्या मागणीसाठी आंदोलन करण्याचा इशारा देण्यात आलाय. आंदोलनाच्या पार्श्वभूमीवर गुडलक चौकातील कलाकार कट्टा येथे पुणे पोलिसांचा मोठा बंदोबस्त तैनात करण्यात आलाय.

  • 11 Oct 2026 04:22 PM (IST)

    नवरात्रोत्सवाला सुरुवात होताच झेंडूच्या फुलांची मागणी वाढली

    नवरात्रोत्सवाला आजपासून सुरुवात झाली असून, घटस्थापनेच्या पार्श्वभूमीवर नंदुरबार शहरात झेंडूच्या फुलांना मोठी मागणी वाढली आहे. नवरात्रीमध्ये मंदिरांची सजावट असो, घरातील घटस्थापना असो किंवा देवीच्या पूजेसाठी फुलांची आरास, झेंडूच्या फुलांना विशेष महत्त्व असते. त्यामुळे नवरात्रीच्या पहिल्याच दिवशी झेंडूच्या फुलांची खरेदी करण्यासाठी नागरिकांची लगबग सुरू झाली आहे. वाढलेल्या मागणीचा परिणाम फुलांच्या दरावरही झाला असून, सध्या झेंडूच्या फुलांचे दर ४० रुपये प्रतिकिलोपर्यंत पोहोचले आहेत. भक्ती, श्रद्धा आणि उत्साहाच्या या नवरात्रोत्सवात झेंडूच्या फुलांनी बाजारपेठही रंगतदार झाली असून, आगामी दिवसांत फुलांच्या मागणीत आणखी वाढ होण्याची शक्यता व्यक्त केली जात आहे.

  • 11 Oct 2026 04:08 PM (IST)

    अंजली दमानिया पोलिसांच्या ताब्यात

    अंजली दमानिया यांना पोलिसांनी ताब्यात घेतलं आहे. निवडणूक आयुक्तांविरोधातील आंदोलनात त्या सहभागी झाल्या होत्या.

  • 11 Oct 2026 03:57 PM (IST)

    अहमदपूर-अहिल्यानगर राष्ट्रीय महामार्गावर भीषण अपघात, 2 ठार तीन गंभीर जखमी

    दुपारी दोन वाजेच्या सुमारास अहमदपूर-अहिल्यानगर राष्ट्रीय महामार्गावरील सारोळा पाटीजवळ पिकअप आणि टिप्परचा भीषण अपघात झाला आहे. यामध्ये दोन व्यक्तींचा जागीच मृत्यू झाला असून, तीन जण गंभीर जखमी आहेत. जखमींवर बीड जिल्हा रुग्णालयात सध्या उपचार सुरू आहेत.

  • 11 Oct 2026 03:52 PM (IST)

    सायन रुग्णालयातील निवासी डॅाक्टरने आयुष्य संपवलं 

    सायन रुग्णालयातील निवासी डॅाक्टरने आयुष्य संपवलं

    शिवचरण आप्पा पाटील असं या डॉक्टरचं नाव

    ॲनास्थेशियाचा ओव्हरडोस घेवून आयुष्य संपवल्याचा संशय

    होस्टेलमधील राहत्या रूमच्या बाथरूममध्ये काल रात्री सापडला मृतदेह

    शिवचरण पाटील हे सर्जरी विभागात पदव्युत्तरच्या पहिल्या वर्षात शिकत होते.

  • 11 Oct 2026 03:26 PM (IST)

    ऑलिम्पिक संघटनेची ५ डिसेंबरला निवडणूक

    भारतीय ऑलिम्पिक संघटनेच्या (आयओए) निवडणुकीची घोषणा करण्यात आली असून, ५ डिसेंबर रोजी नव्या कार्यकारी परिषदेची निवड केली जाणार आहे. यासाठी दिल्ली आणि चंडीगडचे माजी निवडणूक आयुक्त संजयकुमार श्रीवास्तव यांची निवडणूक निर्णय अधिकारी म्हणून नियुक्ती करण्यात आली आहे.

  • 11 Oct 2026 03:25 PM (IST)

    नागपूर जिल्ह्यात बोअरवेल खोदकामांवर पुढील आदेशापर्यंत बंदी

    यंदा अपुरे पर्जन्यमान व जलाशयांतील कमी पाणीसाठ्यामुळे जिल्ह्यात निर्माण होणाऱ्या संभाव्य पाणीटंचाईचे गांभीर्य लक्षात घेऊन जिल्हा आपत्ती व्यवस्थापन प्राधिकरणाकडून जिल्ह्यात बोअरवेल खोदकामांवर बंदी घालण्याचा निर्णय घेतला आहे.

  • 11 Oct 2026 02:59 PM (IST)

    मोदी हे देशासाठी कलंक आहेत- अभिजीत दीपके

    CJP चे संस्थापक अभिजित दीपके यांनी पंतप्रधान मोदींवर कडक शब्दांत टीका केली आहे. ते म्हणाले की, पंतप्रधान म्हणून नरेंद्र मोदी हे भारतासाठी कलंक आहेत. देशाने यापूर्वी कधीही असा भ्याड आणि हुकूमशाह पाहिलेला नाही. अभिजित, आशुतोष आणि सौरभ यांना काल पोलिसांनी ताब्यात घेतले होते, परंतु दंडाधिकाऱ्यांच्य आदेशानंतर आज त्यांची सुटका करण्यात आली. सुटकेनंतर अभिजित यांनी मोदींबाबत ट्विट केले.

  • 11 Oct 2026 02:43 PM (IST)

    1975 च्या आणीबाणीलाही मोदींनी मागे टाकलं- आशुतोष रांका

    आतापर्यंत आम्ही मोदींसारखा डरपोक आणि कायर पंतप्रधान पाहिला नाही. 1975 च्या आणीबाणीलाही मोदींनी मागे टाकलं, अशा शब्दांत आशुतोष रांका बरसले. पुढे ते म्हणाले की, ज्ञानेश कुमारांवरील लढाई मोदींनी स्वतःवर घेतली. मोदी एवढे भित्रे आहेत की त्यांनी मेट्रो, रेल्वे बंद केली. पण, खरी लढाई आता तरी सुरु झाली आहे. भाजपला जिंकण्यासाठीच ज्ञानेश कुमार काम करतात, असा आरोपही आशुतोष रांका यांनी यावेळी केला.

  • 11 Oct 2026 12:59 PM (IST)

    महाराष्ट्राची कुलस्वामिनी आई तुळजाभवानी देवीच्या मंदिरात घटस्थापनेने नवरात्र उत्सवात सुरुवात

    महाराष्ट्राची कुलस्वामिनी आई तुळजाभवानी देवीच्या मंदिरात आज घटस्थापनेने शारदीय नवरात्र उत्सवात सुरुवात झालीय.मंदिर संस्थानचे अध्यक्ष तथा धाराशिवचे जिल्हाधिकारी कीर्ती किरण पुजार यांच्या हस्ते मंदिरातील सिंह गाभार्‍यात घटस्थापना करण्यात आली.आगामी नऊ दिवस नवरात्र उत्सव काळात तुळजापूरच्या तुळजाभवानी मंदिरात विविध धार्मिक कार्यक्रम पार पडणार आहे.

  • 11 Oct 2026 12:55 PM (IST)

    श्री महालक्ष्मी अंबाबाई मंदिरात शारदीय नवरात्रोत्सवाला अत्यंत मंगलमय आणि उत्साही वातावरणात सुरुवात

    पुणे शहरातील सारसबागेजवळील प्रसिद्ध श्री महालक्ष्मी अंबाबाई मंदिरात शारदीय नवरात्रोत्सवाला अत्यंत मंगलमय आणि उत्साही वातावरणात सुरुवात झाली आहे.  पहिल्याच दिवशी दर्शनासाठी भाविकांची मोठी गर्दी पाहायला मिळत आहे.  नवरात्रोत्सवाच्या निमित्ताने संपूर्ण मंदिर परिसराला आकर्षक विद्युत रोषणाई आणि सुगंधी फुलांची नयनरम्य सजावट करण्यात आली आहे..  नवरात्राच्या पहिल्या माळेला पहाटेपासूनच मंदिरात धार्मिक विधी करून घटस्थापना करण्यात आलीय.. दरवर्षीप्रमाणे यंदाही अंबाबाईच्या मूर्तीचे रूप अत्यंत मनमोहक दिसत असून, देवीच्या दर्शनासाठी पुणेकरांनी पहाटेपासूनच रांगा लावल्या आहेत. ‘अंबे माता की जय’ च्या जयघोषाने संपूर्ण मंदिर परिसर भक्तीमय वातावरणात न्हाऊन गेला आहे..  उत्सवादरम्यान भाविकांची गर्दी लक्षात घेऊन मंदिर प्रशासनाकडून चोख नियोजन करण्यात आले आहे..सुरक्षिततेच्या दृष्टीने.500सीसीटीव्ही कॅमेरे आणि अतिरिक्त सुरक्षा रक्षक तैनात करण्यात आले आहेत.  आगामी नऊ दिवस मंदिरात विविध धार्मिक आणि सांस्कृतिक कार्यक्रमांचे आयोजन करण्यात आले असून, यंदाचा नवरात्रोत्सव मोठ्या भक्तीभावात साजरा होत आहे..

  • 11 Oct 2026 12:46 PM (IST)

    सुप्रीम कोर्टाचे कपिल सिब्बल यांनी मानले आभार

    सुप्रीम कोर्टाचे आम्ही आभार मानतो. लोकांच्या ज्या समस्या आहेत, त्यावर कोर्टाने मार्ग काढला आहे आणि लोकांनी अशा विश्वास व्यक्त केला की, सुप्रीम कोर्टच असा एक कोर्ट आहे, जेथे लोकांना दिलासा मिळेल…. असं म्हणत सुप्रीम कोर्टाचे कपिल सिब्बल यांनी आभार मानले.

  • 11 Oct 2026 12:36 PM (IST)

    दिल्ली पोलिसांसोबत रेल्वेलाही सुप्रीम कोर्टाची नोटीस

    दिल्ली पोलिसांसोबत रेल्वेलाही सुप्रीम कोर्टाने नोटीस बजावली आहे. नोटीस बजावत सुप्रीम कोर्टाने मंगळवारपर्यंत उत्तर मागितलं आहे. अवमान प्रकरणी दिल्ली पोलिसंना सुप्रीम कोर्टाने नोटीस बजावली आहे. सर्व मेट्रो स्थानकं खुली राहिली पाहिजेत… असे कोर्टाने निर्देश दिले आहेत.

  • 11 Oct 2026 12:25 PM (IST)

    दिल्लीत कॅनॉट परिसरात आंदोलकांची धरपकड

    दिल्लीत कॅनॉट परिसरात आंदोलकांची धरपकड करण्यास पोलिसांनी सुरुवात केली असून, आंदोलकांची आक्रोश दिसून येत आहे. कार्यकर्त्यांवर कारवाई करण्यास सुरुवात केली आहे… ज्ञानेश कुमार यांच्या राजीनाम्यासाठी मागणी करणार… असा पावित्रा आंदोलकांनी घेतला आहे.

  • 11 Oct 2026 12:09 PM (IST)

    प्रत्येक अधिकाराची एक सीमा असते – सुप्रीम कोर्ट

    दिल्लीतील आंदोलनांवरून कोर्टात सुनावणी सुरु आहे. ज्यामध्ये प्रत्येक अधिकाराची एक सीमा असते… असं सुप्रीम कोर्टाने म्हटलं आहे. तर सर्व मेट्रो स्थानकं खुली राहिली पाहिजेत… असे कोर्टाने निर्देश दिले आहेत.

  • 11 Oct 2026 12:02 PM (IST)

    जळगाव जिल्हा दूध संघाकडून ‘विकास’ दुधाचे सर्वच प्रकारच्या दुधाच्या दरात प्रति लिटरमागे २ रुपयांची वाढ

    राज्यातील दुष्काळी परिस्थिती व दूध उत्पादनात ४० टक्क्यांची आवक घटल्याने ही दरवाढ करण्यात आली आहे. ही दरवाढ आज ११ ऑक्टोंबर पासून लागू होणार असून दरवाढ जळगाव शहर, तालुका, जिल्हा व इतर जिल्हे सर्वत्र एकसमान लागू करण्यात आली आहे. जिल्हा दूध संघातर्फे वर्षभरात दुधाच्या दरात तिसऱ्यांदा वाढ झाली असून वर्षभरात दूध दरात तब्बल ६ रुपयांची वाढ झाली आहे. दरवाढीमुळे जळगाव जिल्ह्यातील दुष्काळी परिस्थितीचा फटका बसलेल्या दूध उत्पादकांना काही प्रमाणात दिलासा मिळाला आहे.

  • 11 Oct 2026 11:55 AM (IST)

    आम्ही कोणत्याही वकिलाला अडचणीत आणू इच्छित नाही- न्यायमूर्ती बागची

    माजी अटर्नी जनरल के. के. वेणुगोपाल यांनी अवमानना नोटीस जारी करण्याची मागणी केली. मात्र, सॉलिसिटर जनरल तुषार मेहता यांची बाजू ऐकल्यानंतरच याबाबत निर्णय घेणार असल्याचं न्यायालयाने स्पष्ट केलं. संबंधित प्रकरण सोमवारी स्वतंत्रपणे किंवा आधीच सूचीबद्ध असलेल्या प्रकरणांसोबत सुनावणीस घेण्याचे पर्यायही न्यायालयाने दिले. “आम्ही कोणत्याही वकिलाला अडचणीत आणू इच्छित नाही किंवा कोणालाही सुनावणी नाकारू इच्छित नाही,” असं न्यायमूर्ती बागची म्हणाले. तसेच, सिब्बल यांनी विशेष सुनावणीबद्दल आभार मानल्यानंतर, “धन्यवाद देण्याची गरज नाही, आम्ही नेहमी देशाच्या सेवेसाठी तत्पर आहोत,” असं त्यांनी स्पष्ट केलं.

  • 11 Oct 2026 11:45 AM (IST)

    अभिजीत दीपके, रांका, दास हे कपिल सिब्बल यांच्या भेटीला

    अभिजीत दीपके, आशुतोष रांका आणि सौरव दास हे तिघे कपिल सिब्बल यांच्या निवासस्थानी दाखल झाले आहेत. तिघांची जामिनावर सुटका झाल्यानंतर ते सिब्बल यांच्या भेटीला गेले आहेत.

  • 11 Oct 2026 11:42 AM (IST)

    सत्ताधारी गरीबांची आणि विद्यार्थ्यांची थट्टा करत आहेत- रोहित पवार

    सत्ताधारी गरीबांची आणि विद्यार्थ्यांची थट्टा करत आहेत. विद्यार्थ्यांना दिमागी नक्षल, विकाऊ बोलण्यात आलं. सत्ताधाऱ्यांना फक्त श्रीमंत लोकांची काळजी आहे. विद्यार्थ्यांच्या आंदोलनाला सर्वसामान्यांकडून पाठिंबा मिळत आहे. मुख्यमंत्र्यांना टार्गेट करावंच लागेल, असं रोहित पवार म्हणाले.

  • 11 Oct 2026 11:40 AM (IST)

    पंढरपूरच्या श्री विठ्ठल-रुक्मिणी मंदिरात १६ तोळे सोन्याचा तुळशीहार अर्पण

    पंढरपूर : घटस्थापनेच्या निमित्ताने पंढरपूरच्या श्री विठ्ठल आणि रुक्मिणी मातेच्या चरणी मुंबईतील विठ्ठलभक्त राजीव आणि नीता रंजन यांनी अंदाजे २९ लाख रुपये किमतीचा १६ तोळे सोन्याचा तुळशीहार अर्पण केला. हा सोन्याचा तुळशीहार श्री विठ्ठल-रुक्मिणी मंदिर समितीच्या सदस्या शकुंतला नडगिरे यांच्याकडे सुपूर्द करण्यात आला.

  • 11 Oct 2026 11:35 AM (IST)

    आंदोलनात सहभागी नव्हते, तर त्यांना ताब्यात कसं घेतलं? न्या. बागची यांचा सवाल

    दिल्लीतील आंदोलनाच्या पार्श्वभूमीवर 45 मेट्रो स्थानकं बंद करण्याचा मुद्दा अवमाननेशी संबंधित असल्याचा युक्तिवाद ज्येष्ठ वकील कपिल सिब्बल यांनी सुप्रीम कोर्टात केला. याशिवाय बंदी प्रत्यक्षीकरण याचिकेसह इतर संबंधित प्रकरणेही न्यायालयासमोर मांडण्यात आली. आंदोलनात सहभागी नसलेल्या व्यक्तींनाही ताब्यात घेण्यात आल्याचा दावा याचिकाकर्त्यांच्या वकिलांनी केला. यावर न्यायमूर्ती बागची यांनी, “आंदोलनात सहभागी नव्हते, तर त्यांना ताब्यात कसं घेतलं?” असा सवाल उपस्थित केला.

  • 11 Oct 2026 11:30 AM (IST)

    आंदोलनकर्त्यांवर कारवाई म्हणजे लोकशाहीचा हक्क हिरावून घेतला, असा अर्थ नाही- शिरसाट

    CJP आंदोलनावरून देशात आणीबाणी सुरू झाल्याची टीका संजय राऊत यांनी केली. आंदोलनकर्त्यांवर कारवाई झाली म्हणजे त्यांचा लोकशाहीचा हक्क हिरावून घेतला, असा अर्थ होत नाही, असं मत आता संजय शिरसाट यांनी मांडलं. लोकशाहीमध्ये प्रत्येकाला आंदोलन करण्याचा अधिकार आहे. एखाद्याला एकदा अटक झाली म्हणून आंदोलन थांबतं, असं नाही, असंही ते म्हणाले. मात्र, आंदोलन करण्यासाठी मोकळीक असली तरी त्यासाठी नियमानुसार परवानगी घेणं आवश्यक आहे, हा कायदा असल्याचंही संजय शिरसाट यांनी स्पष्ट केलं.

  • 11 Oct 2026 11:25 AM (IST)

    सर्वप्रथम सॉलिसिटर जनरल तुषार मेहता यांचा युक्तिवाद ऐकला जाईल- न्या. बागची

    दिल्लीतील आंदोलनासंदर्भात दाखल करण्यात आलेल्या अवमानना याचिकेवर सुप्रीम कोर्टात सुनावणी सुरू आहे. सुनावणीदरम्यान न्यायमूर्ती बागची यांनी सर्वप्रथम सॉलिसिटर जनरल तुषार मेहता यांचा युक्तिवाद ऐकला जाईल आणि त्यानंतर इतर पक्षांची बाजू ऐकून घेतली जाईल, असं स्पष्ट केलं. या प्रकरणात दाखल झालेल्या नव्या याचिकांवर सोमवारी सुनावणी घेण्यात येणार असल्याचंही न्यायालयाने सांगितलं. माजी अटर्नी जनरल के. के. वेणुगोपाल हे एका याचिकाकर्त्याच्या वतीने ऑनलाइन सुनावणीत सहभागी झाले. ज्येष्ठ वकील कपिल सिब्बल यांनी विशेष सुनावणी घेतल्याबद्दल सुप्रीम कोर्टाचे आभार मानले.

  • 11 Oct 2026 11:20 AM (IST)

    सरकारने आंदोलनासाठी परवानगी नाकारल्यामुळे यंत्रणेची नियमानुसार कारवाई- संजय शिरसाट

    छत्रपती संभाजीनगरचे आमदार संजय शिरसाट यांनी CJP आंदोलनावर प्रतिक्रिया देताना सरकारने आंदोलनासाठी आवश्यक असलेली परवानगी नाकारल्यामुळे यंत्रणेने नियमानुसार कारवाई केल्याचं सांगितलं. काल रात्री काही आंदोलकांना सोडण्यात आलं, तर आज सकाळीही काही जणांची सुटका करण्यात आली, अशी माहिती त्यांनी दिली. आंदोलकांवरील गुन्हे हे अनेकदा राजकीय स्वरूपाचे असतात, त्यामुळे अशा प्रकरणांकडे फार गांभीर्याने पाहिलं जात नाही, असंही ते म्हणाले. गर्दी जमू नये आणि कोणतीही अनुचित घटना घडू नये, हा प्रशासनाच्या कारवाईमागील मुख्य उद्देश होता, असं संजय शिरसाट यांनी स्पष्ट केलं.

  • 11 Oct 2026 11:10 AM (IST)

    आम्ही देशसेवेसाठी हाजीर आहोत- न्यायमूर्ती बागची

    दिल्लीतील आंदोलनावरून सर्वोच्च न्यायालयात सुनावणी सुरू आहे. न्यायमूर्ती बागची यांच्या खंडपीठासमोर सुनावणी सुरू आहे. आम्ही देशसेवेसाठी हाजीर आहोत, असं न्यायमूर्ती बागची म्हणाले.

  • 11 Oct 2026 11:00 AM (IST)

    केंद्रीय गृह सचिवांवरील अवमान याचिकेवर सुनावणीला सुरुवात

    केंद्रीय गृह सचिवांवरील अवमान याचिकेवर सुनावणीला सुरुवात झाली आहे. दिल्लीतील आंदोलनावरून सर्वोच्च न्यायालयात सुनावणी सुरू आहे.

  • 11 Oct 2026 10:52 AM (IST)

    दुपारी 2 वाजता होणार कॉकरोच जनता पार्टीची पत्रकार परिषद

    कॉकरोच जनता पार्टीचे संस्थापक अभिजीत दीपके, आशुतोष रांका आणि दास यांना 24 तासांनंतर जामीन मंजुर करण्यात आला आहे. त्यानंतर दुपारी 2 वाजता सीजेपीची महत्त्वाची पत्रकार परिषद होणार आहे.

  • 11 Oct 2026 10:38 AM (IST)

    दुष्काळाची प्रत्यक्ष पाहणी केल्यानंतर वर्षा निवासस्थानी थोड्याच वेळात बैठक

    वर्षा निवासस्थानी थोड्याच वेळात बैठक होणार आहे. बैठकीला मदत आणि पुनर्वसन मंत्री मकरंद पाटील, मंत्री गिरीश महाजन पोहचले आहेत. केंद्रीय पथक 8 ऑक्टोबरपासून महाराष्ट्र दौऱ्यावर आहे. दोन दिवस प्रत्यक्ष पाहणी केल्यानंतर आज मुख्यमंत्री देवेंद्र फडणवीस यांच्यासोबत बैठकीचे नियोजन. केंद्रीय पथकाच्या दौऱ्यात राज्यातील दुष्काळी परिस्थितीचा आढावा घेतला आहे.

  • 11 Oct 2026 10:30 AM (IST)

    रत्नागिरीत आँक्टोबरच्या सुरवातीलाच पारा ३७ अंशाच्या पार

    कोकण किनारपट्टीवर एल निनोचे महासंकट, तीव्र उष्णतेच्या लाटेचा हवामान खात्याचा इशारा. कोकणात थंडी सुरु होण्याआधीच उन्हाचा तडाखा पाहायला मिळत आहे. तापमान समान्य सरासरीपेक्षा ४ अंशांनी वाढ झाली आहे.

  • 11 Oct 2026 10:20 AM (IST)

    अमरावतीच्या अंबा देवी मंदिरात आज पासुन नवरात्र उत्सवला सुरूवात

    विदर्भाचे कुलदैवत असलेल्या अमरावतीच्या अंबा देवी संस्थानमध्ये आज पासुन शारदीय नवरात्र उत्सवाला सुरवात झाली असून पहाटे पासुन दर्शनासाठी भविकांची मोठी गर्दी दिसृन येत आहे.

  • 11 Oct 2026 10:10 AM (IST)

    24 तासांनंतर सीजेपीच्या तिन्ही नेत्यांची सुटका

    काल सकाळी साडे दहाच्या सुमारास कॉकरोच जनता पार्टीच्या तीनही मुख्य सदस्यांना दिल्ली पोलिसांनी ताब्यात घेतले. त्यानंतर आता 24 तासांनंतर त्यांची सुटका झाल्याचे समोर आले आहे.

  • 11 Oct 2026 10:00 AM (IST)

    अभिजीत दिपके, सौरव दास आणि आशुतोष रांका ताब्यात राहणार की सुटका होणार?

    अभिजीत दिपके, सौरव दास आणि आशुतोष रांका विशेष कार्यकारी दंडाधिकाऱ्यांसमोर हजर करण्यात आले आहे. दरम्यान या सुनावणीनंतर या तिघांना ताब्यात ठेवायचे की त्यांची सुटका होणार हे थोड्याचवेळात समोर येणार आहे. काल या सीजेपी नेत्यांना पोलिसांना सकाळीच तातडीने ताब्यात घेतले होते. आजही सीजेपीने जंतरमंतरवर आंदोलनाची हाक दिली आहे. त्यामुळे पोलिसांनी चोख सुरक्षा व्यवस्था ठेवली आहे.

  • 11 Oct 2026 09:55 AM (IST)

    युट्यूबर ध्रुव राठी याची सुटका

    युट्यूबर ध्रुव राठी याला पोलिसांनी काल गुरूग्राम येथून ताब्यात घेतले होते.आज पोलिसांनी त्याची सुटका केली आहे. पण त्याचवेळी CJP आंदोलनात सहभागी झाल्यास कारवाई करण्याचा इशाराही पोलिसांनी त्याला दिला आहे.

  • 11 Oct 2026 09:50 AM (IST)

    दीक्षाभूमीसाठी सात विशेष रेल्वेगाड्या चालवल्या जाणार

    दीक्षाभूमीसाठी सात विशेष रेल्वेगाड्या चालवल्या जाणार आहेत. धम्मचक्र प्रवर्तन दिनानिमित्त दीक्षाभूमीवर येणाऱ्या अनुयायांसाठी मध्य रेल्वेच्या नागपूर विभागाने विशेष रेल्वे गाड्या चालवण्याचा निर्णय घेतला आहे . पुणे, मुंबई, नाशिक, भुसावळ, सोलापूर आणि अकोला येथून या गाड्या चालवल्या जाणार आहेत. 18 ते 21 ऑक्टोबर दरम्यान या विशेष रेल्वेगाड्या चालवल्या जाणार आहेत. या विशेष रेल्वेगाड्यामुळे दीक्षाभूमीवर येणाऱ्या हजारो अनुयायांना सुविधा मिळणार आहे

  • 11 Oct 2026 09:39 AM (IST)

    भाजप मुंबई अध्यक्ष अमित साटम यांना मातृ शोक

    भाजप मुंबई अध्यक्ष अमित साटम यांना मातृ शोक झाला. अमित साटम यांच्या आईचे दीर्घ आजाराने निधन झाले. शितल साटम यांचे वयाच्या 80व्या वर्षी निधन झाले. लीलावती रुग्णालयात त्यांनी अखेरचा श्वास घेतला.

  • 11 Oct 2026 09:30 AM (IST)

    सुरक्षा यंत्रणांकडून रस्त्यावर बसेस आडव्या लावून मार्ग अडवले

    दिल्लीत पोलिसांचा मोठा बंदोबस्त आहे. सीजेपीच्या आंदोलनाच्या पार्श्वभूमीवर दिल्लीत सुरक्षा यंत्रणा सतर्क आहेत. राजधानीतील महत्त्वाच्या रस्त्यांवर पोलिसांचा मोठा बंदोबस्त तैनात करण्यात आला आहे. काही ठिकाणी सुरक्षा यंत्रणांकडून रस्त्यावर बसेस आडव्या लावून मार्ग अडवण्यात आले आहेत. तसेच, परिस्थिती नियंत्रणात ठेवण्यासाठी ठिकठिकाणी चेतावणीचे फलक लावण्यात आले आहेत. आंदोलनाच्या पार्श्वभूमीवर गर्दी रोखणे आणि कायदा-सुव्यवस्था राखण्याच्या दृष्टीने पोलिसांकडून खबरदारी घेण्यात आली. जंतर-मंतर परिसरासह दिल्लीतील संवेदनशील ठिकाणी सुरक्षा व्यवस्थेवर विशेष लक्ष ठेवण्यात येत आहे.

  • 11 Oct 2026 09:20 AM (IST)

    दादरच्या शिवाजी पार्क परिसरात पोलिसांचा कडेकोट बंदोबस्त

    संभाव्य आंदोलनाच्या पार्श्वभूमीवर शिवाजी पार्क परिसरात पोलिसांकडून सुरक्षा व्यवस्था वाढवली. शिवाजी पार्क परिसरातील दुचाकी हटवण्याच्या वाहतूक पोलिसांनी सूचना दिल्या. ज्ञानेश कुमार यांच्या विरोधातील आंदोलनाच्या पार्श्वभूमीवर दादरमध्ये सुरक्षा वाढवली. वाहतूक विभागाकडून पार्किंगमधील दुचाकी हटवण्याचे नागरिकांना निर्देश दिले

  • 11 Oct 2026 09:00 AM (IST)

    दिल्लीत आजही पोलिसांचा कडक बंदोबस्त

    दिल्लीत पोलिसांनी सीजेपीच्या कार्यकर्त्यांसह अनेक नेत्यांना ताब्यात घेतले होते. आजही सीजेपीने आंदोलनाची हाक दिल्याने यंत्रणा अलर्ट आहेत. जंतरमंतरसह दिल्लीतील काही भागात तगडा फौजफाटा आहे. अनेक परिसरात पोलिसांचा वेढा आहे.

  • 11 Oct 2026 09:00 AM (IST)

    अभिजीत दिपके- आशुतोष रांका आणि सौरव दास यांनी दंडाधिकाऱ्यांसमोर हजर करणार

    दिल्ली पोलीस थोड्याच वेळात सीजेपीचे नेते अभिजीत दिपके, आशुतोष रांका आणि सौरव दास यांना दिल्ली कँट पोलीस ठाण्यातील विशेष कार्यकारी दंडाधिकाऱ्यांसमोर हजर करणार आहेत.

  • 11 Oct 2026 08:56 AM (IST)

    CJP च्या अभिजीत दिपके, सौरव दास, आशुतोष रांका यांना कोर्टात हजर करणार

    अभिजीत दिपके, सौरव दास आणि आशुतोष रांका यांच्यावर प्रतिबंधतामक कारवाई करत अटक करण्यात आली आहे. त्यांना थोड्याच वेळात कार्यकारी दंडाधिकारी यांच्यासमोर हजर केले जाणार आहे. एखाद्या व्यक्तीच्या उपस्थितीमुळे कायदा व सुव्यवस्थेचा प्रश्न निर्माण होत असेल तर तर पोलिसांना प्रतिबंधात्मक कारवाई करण्याचे अधिकार असतात.

  • 11 Oct 2026 08:50 AM (IST)

    दिल्लीत पोलिसांचा मोठा बंदोबस्त, सुरक्षा यंत्रणा सतर्क

    दिल्लीत पोलिसांचा मोठा बंदोबस्त तैनात करण्यात आला आहे. सीजेपीच्या आंदोलनाच्या पार्श्वभूमीवर दिल्लीत सुरक्षा यंत्रणा सतर्क झाली आहे.  राजधानीतील महत्त्वाच्या रस्त्यांवर पोलिसांचा मोठा बंदोबस्त तैनात करण्यात आला आहे. काही ठिकाणी सुरक्षा यंत्रणांकडून रस्त्यावर बसेस आडव्या लावून मार्ग अडवण्यात आले आहेत. तसेच, परिस्थिती नियंत्रणात ठेवण्यासाठी ठिकठिकाणी चेतावणीचे फलक लावण्यात आले आहेत. आंदोलनाच्या पार्श्वभूमीवर गर्दी रोखणे आणि कायदा-सुव्यवस्था राखण्याच्या दृष्टीने पोलिसांकडून खबरदारी ठेवण्यात आली आहे. जंतर-मंतर परिसरासह दिल्लीतील संवेदनशील ठिकाणी सुरक्षा व्यवस्थेवर विशेष लक्ष ठेवण्यात येत आहे.

  • 11 Oct 2026 08:34 AM (IST)

    दिल्लीत आज मेट्रो सेवा सुरू , प्रवाशांची येजा सुरू

    दिल्लीत आज मेट्रो सेवा सुरू करण्यात आल्या आहेत. रात्रीपर्यंत सर्व मेट्रो सेवा पूर्ववत केली आहे. CJP आंदोलनाच्या पार्श्वभूमीवर काल मेट्रो सेवा बंद केली होती.  आज मात्र सर्व स्थानक सुरू असून प्रवाशांची ये जा सुरू आहे.

  • 11 Oct 2026 08:32 AM (IST)

    CJPच्या आंदोलनाच्या पार्श्वभूमीवर छत्रपती शिवाजी पार्कात पोलिसांचा तगडा बंदोबस्त

    आज देखील पोलिसांकडून छत्रपती शिवाजी महाराज पार्क परिसरात बंदोबस्त पाहायला मिळत आहे.  ज्ञानेश कुमार विरोधात सीजीपीच दिल्लीत आंदोलन सुरू आहे.  याच पार्श्वभूमीवर पार्कतील दुचाकी काढण्यासाठी वाहतूक विभागाकडून सूचना देण्यात आल्या आहेत. अति बंदोबस्त असल्याकारणाने वाहतूक विभागाकडून नागरिकांना सूचना देण्यात आल्या आहेत.

Published On - Oct 11,2026 8:28 AM

Follow Us
गोकुळच्या संघर्ष मोर्चाला वकिलांचाही पाठिंबा! अनेक वकील....
Gokul : गोकुळच्या संघर्ष मोर्चाला वकिलांचाही पाठिंबा! कोल्हापुरातील अनेक वकील थेट रस्त्यावर; सरकारी हस्तक्षेपाविरोधात एकजुटीने सहभाग
गोकुळच्या सत्तासंघर्षावरून कोल्हापुरात रणकंदन; 10 फुटी कोल्हापुरी....
Gokul Protest : गोकुळच्या सत्तासंघर्षावरून कोल्हापुरात रणकंदन; 10 फुटी कोल्हापुरी पायताण, यमराजाची वेशभूषा अन्..., सतेज पाटलांच्या मोर्चाची राज्यभर चर्चा
रस्त्यावरची लढाई लढणार सतेज पाटील यांचा थेट इशारा...
Gokul : रस्त्यावरची लढाई लढणार सतेज पाटील यांचा थेट इशारा
राज्याच्या राजकारणात काय घडतंय, गंमत बघायची; राऊतांचं सूचक विधान....
Sanjay Raut : राज्याच्या राजकारणात काय घडतंय, त्याची गंमत बघायची; संजय राऊतांचं सूचक विधान, राजकीय वर्तुळात चर्चांना उधाण
गोकुळमध्ये आतापर्यंत काय घडलं? VIDEO बघाच...
Gokul : गोकुळमध्ये आतापर्यंत काय घडलं? VIDEO बघाच...
उद्धव ठाकरे आज सिल्व्हर ओकवर; शरद पवारांची घेणार भेट, राष्ट्रवादीच्या
Uddhav Thackeray Meets Sharad Pawar : उद्धव ठाकरे आज सिल्व्हर ओकवर; शरद पवारांची घेणार भेट, राष्ट्रवादीच्या विलिनीकरणावरही चर्चा होणार?
दिवाळीच्या फटाक्यांचा लोकलला फटका, विरार-नालासोपाऱ्यादरम्यान सिग्नल...
Western Railway : दिवाळीच्या फटाक्यांचा लोकलला फटका, विरार-नालासोपाऱ्यादरम्यान सिग्नल यंत्रणा ठप्प; लोकल 15 ते 30 मिनिटे उशिराने
CM फडणवीस विरोधी बाकावरच जास्त शोभून दिसतात! अंधारे असं का म्हणाल्या?
Sushma Andhare On Devendra Fadnavis : देवेंद्र फडणवीस विरोधी बाकावरच जास्त शोभून दिसतात! सुषमा अंधारे असं का म्हणाल्या?
त्र्यंबकेश्वर आणि सप्तशृंगी देवस्थानांना धमकीचा ईमेल; मंदिरांच्या....
Nashik : त्र्यंबकेश्वर आणि सप्तशृंगी देवस्थानांना धमकीचा ईमेल; मंदिरांच्या सुरक्षेत वाढ, पोलीस यंत्रणा अलर्ट मोडवर
दिवाळीच्या फटाक्यांनी मुंबईची हवा बिघडवली; खेरवाडीत AQI 264 वर, तर....
Mumbai Air Pollution : दिवाळीच्या फटाक्यांनी मुंबईची हवा बिघडवली; खेरवाडीत AQI 264 वर, तर....