नाशिककरांसाठी आनंदाची बातमी; कोरोना रुग्ण चक्क 400 पर्यंत खाली
नाशिककरांसाठी एक अतिशय आनंदाची बातमी. कोरोना रुग्णांची संख्या दिवसेंदिवस घटत असून आता चक्क रुग्णसंख्या अवघ्या 400 पर्यंत खाली आली आहे.
नाशिकः नाशिककरांसाठी एक अतिशय आनंदाची बातमी. कोरोना रुग्णांची संख्या दिवसेंदिवस घटत असून आता रुग्णसंख्या अवघ्या 400 पर्यंत खाली आली आहे. जिल्हा सामान्य रुग्णालयामार्फत आज प्राप्त अहवालानुसार जिल्ह्यातील 4 लाख 2 हजार 474 कोरोना बाधितांना डिस्चार्ज देण्यात आला आहे. उपचार सुरू असलेल्या रुग्णांमध्ये 28 ने घट झाली आहे . तसेच आत्तापर्यंत 8 हजार 691 रुग्णांचा मृत्यू झाला आहे, अशी माहिती जिल्हा नोडल अधिकारी डॉ. अनंत पवार यांनी दिली आहे.
येथे पॉझिटिव्ह रुग्ण
उपचार घेत असलेल्या पॉझिटिव्ह रुग्णांमध्ये नाशिक ग्रामीणमध्ये नाशिक 38, बागलाण 6, चांदवड 12, देवळा 12, दिंडोरी 2, इगतपुरी 2, कळवण 4, मालेगाव 7, नांदगाव 3, निफाड 74, सिन्नर 38, त्र्यंबकेश्वर 1, येवला 22 असा एकूण 221 पॉझिटीव्ह रुग्णांवर ग्रामीण भागात उपचार सुरू आहेत. तसेच नाशिक महानगरपालिका क्षेत्रात 154, मालेगाव महानगरपालिका क्षेत्रात 9 तर जिल्ह्याबाहेरील 16 रुग्ण असून असे एकूण 400 रुग्णांवर उपचार सुरू आहेत. तसेच आजपर्यंत जिल्ह्यात 4 लाख 11 हजार 565 रुग्ण आढळून आले आहेत.
रुग्ण बरे होण्याची टक्केवारी
नाशिक जिल्हयात रुग्ण बरे होण्याची टक्केवारी नाशिक ग्रामीणमध्ये 97.19 टक्के, नाशिक शहरात 98.22 टक्के, मालेगावमध्ये 97.11 टक्के, तर जिल्हा बाह्य रुग्णांचे बरे होण्याचे प्रमाण 97.64 टक्के आहे. तसेच जिल्ह्यात बरे होण्याचे प्रमाण 97.79 इतके आहे. जिल्ह्यात आतापर्यंत 8 हजार 691 रुग्णांचा मृत्यू झाला आहे. त्यात नाशिक ग्रामीण 4 हजार 207 नाशिक महानगरपालिका क्षेत्रातून 4 हजार, मालेगाव महानगरपालिका क्षेत्रातून 358 व जिल्हा बाहेरील 126 रुग्णांचा समावेश आहे.
30 नोव्हेंबरपर्यंत 100 टक्के लसीकरण
नाशिकमधील महाराष्ट्र पोलीस अकादमीतील कालच 22 भावी पोलीस उपनिरीक्षक कोरोनाबाधित आढळले असून, त्यांच्यावर बिटको रुग्णालयात उपचार सुरू आहेत. नाशिक जिल्ह्यात एकूण 45 लाख 12 हजार 691 जणांचे लसीकरण करण्यात आले असून यामध्ये 32 लाख 90 हजार 262 जणांनी पहिला डोस घेतला असून 12 लाख 22 हजार 429 जणांनी दुसरा डोस घेतला आहे. दरम्यान, येत्या 30 नोव्हेंबर 100 टक्के कोरोना लसीकरण करावे, असे आदेश मुख्यमंत्री उद्धव ठाकरे यांनी दिले आहेत. त्यामुळे राज्यात विक्रमी लसीकरण करणाऱ्या नाशिक विभागात येत्या काळात या मोहिमेची गती अजून वाढणार आहे.
मास्क वापराच
नाशिक जिल्ह्यात कोरोना रुग्णांची संख्या झपाट्याने कमी होत आहे. मात्र, नागरिकांनी तरीही मास्क वापरावा. एकाच ठिकाणी गर्दी करू नये. सुरक्षित अंतराच्या नियमाचे पालन करावे. त्यामुळे रुग्णसंख्या शून्यावर येण्यास मदत होईल. शक्यत तितक्या जास्तीत जास्त नियमांचे पालन करावे, असे आवाहन महापालिका आणि आरोग्य विभागाने केले आहे.
Health Care : फळे खाल्ल्यानंतर लगेचच पाणी पिणे आरोग्यासाठी धोकादायक, वाचा अधिक!https://t.co/utzB0ZkKLN | #Healthcare | #Water | #dangerous | #Healthcaretips | #lifestyle |
— TV9 Marathi (@TV9Marathi) November 15, 2021
इतर बातम्याः
Malegaon हिंसाचाराची भयंकर साखळीः 1 नगरसेवक, 1 आक्षेपार्ह क्लिप, 4 जणांकडून Viral