Cyclone in Mumbai : मुंबईत सोमवारी कोरोना लसीकरण पूर्णत: बंद, तौत्के चक्रीवादळामुळे महापालिकेचा निर्णय

तौत्के चक्रीवादळामुळे मुंबई वादळी वारे आणि जोरदार पावसाची शक्यता आहे. त्या पार्श्वभूमीवर खबरदारीचा उपाय म्हणून सोमवारी, दि - 17 मे रोजी होणारं कोरोना लसीकरण बंद ठेवण्यात येणार आहे.

कोरोना लसीकरण

sagar joshi | Updated on: May 16, 2021 | 7:39 PM

मुंबई : अरबी समुद्रात घोंघावत असलेल्या तौत्के चक्रीवादळामुळे मुंबई वादळी वारे आणि जोरदार पावसाची शक्यता आहे. त्या पार्श्वभूमीवर खबरदारीचा उपाय म्हणून सोमवारी, दि – 17 मे रोजी होणारं कोरोना लसीकरण बंद ठेवण्यात येणार आहे. मुंबईतील सर्व शासकीय आणि महानगरपालिका रुग्णालयातील लसीकरण बंद राहणार असल्याचं महापालिकेकडून जाहीर करण्यात आलंय. (Corona Vaccination in Mumbai will be closed on Monday)

तौत्के चक्रीवादळामुळे मुंबईत ताशी सुमारे 60 ते 80 किलोमीटर वेगाने वादळीवारे वाहण्याची शक्यता हवामान खात्याने वर्तवली आहे. सोबतत जोरदार पाऊसही कोसळू शकतो. चक्रीवादळाचा मुंबई महानगराला थेट धोका नसला तरी मुंबई किनाऱ्याला लागून ते जात असल्याने, वादळीवारे आणि मुसळधार पावसाची शक्यता आहे. त्यामुळे खबरदारीच्या सर्व उपाययोजना करण्यात आल्या आहेत. त्याचाच एक भाग म्हणून उद्या लसीकरण बंद ठेवण्याचा निर्णय घेण्यात आल्याचं महापालिकेनं स्पष्ट केलंय.

मुंबईकरांनो,

हवामान खात्याने नोंदविलेल्या वादळाच्या पार्श्वभूमीवर १७ मे रोजी होणारी लसीकरण मोहीम सर्व केंद्रावर बंद राहील.

घरी रहा सुरक्षित रहा अशी अशी आपणास विनंती#MyBMCVaccinationUpdate #CycloneTauktae https://t.co/9K2z2XGfad

— माझी Mumbai, आपली BMC (@mybmc) May 16, 2021

वेळ पडल्यास कोळीवाड्यातील नागरिकांना हलवणार

तौत्के चक्रीवादळामुळे मुंबईत पर्जन्यवृष्टीसह वेगाने वारे वाहण्याची शक्यता वर्तवण्यात येत आहे. या पार्श्वभूमीवर महापालिकेचे यंत्रणा सतर्क आणि सुसज्ज ठेवण्यात आली आहे. भारतीय हवामान खात्याने दिलेल्या सुचनेनुसार, अरबी समुद्रात ‘तौत्के’ नावाचे चक्रीवादळ तयार होत आहे. हे चक्रीवादळ दिनांक 15 आणि 16 मे 2021 रोजी मुंबईच्या नजिक येण्याची शक्यता वर्तविण्यात आली आहे. यामुळे वेगवान वाऱ्यांसह पर्जन्यवृष्टी होण्याची शक्यता आहे. ही बाब लक्षात घेऊन महानगरपालिका आयुक्त इकबाल सिंह चहल यांनी सर्व संबंधित यंत्रणांना सतर्क आणि सुसज्ज राहण्याचे निर्देश दिले आहेत.

मुंबई महापालिका अलर्ट

महापालिकेच्या स्तरावर करण्यात आलेली तयारी व सुसज्जता आणि इतर संबंधित यंत्रणांनी केलेली तयारी याचा आढावा मुंबई उपनगरे जिल्हा आपत्ती व्यवस्थापन प्राधिकरणाचे अध्यक्ष तथा अतिरिक्त महानगरपालिका आयुक्त ( पूर्व उपनगरे) आश्विनी भिडे व मुंबई शहर जिल्हा आपत्ती व्यवस्थापन प्राधिकरणाचे अध्यक्ष तथा अतिरिक्त महापालिका आयुक्त (शहर) संजीव जयस्वाल यांच्या अध्यक्षतेखाली आज एका विशेष बैठकीचे आयोजन करण्यात आले होते. दूरदृष्य प्रणालीद्वारे आयोजित या आढावा बैठकीला अतिरिक्त आयुक्त (प्रकल्प) पी. वेलरासू, अतिरिक्त महापालिका आयुक्त (पश्चिम उपनगरे) सुरेश काकाणी, मुंबई शहर जिल्ह्याचे जिल्हाधिकारी राजेश निवतकर, मुंबई उपनगर जिल्ह्याचे जिल्हाधिकारी मिलिंद बोरीकर, मुंबई पोलीस दलाचे सह आयुक्त विश्वास नांगरे पाटील यांच्यासह महानगरपालिकेचे अतिवरिष्ठ अधिकारी व केंद्र शासनाचे अधिकारी उपस्थित होते.

रात्र वैऱ्याची, रायगड किनारपट्टीवर मध्यरात्री वादळ धडकणार; नागरिकांचे स्थलांतर सुरूhttps://t.co/dBzhwaD30s #raigad | #Maharashtra | #TauktaeCyclone | #Tauktae

— TV9 Marathi (@TV9Marathi) May 16, 2021