अपक्ष सचिन सानपांना शिंदेसेनेचा पाठिंबा! एकनाथ शिंदेंची घोषणा; महायुतीच्या रणनीतीवर काय सांगितलं?

महाराष्ट्राचे उपमुख्यमंत्री एकनाथ शिंदे आज पुण्यात होते. यावेळी त्यांनी माध्यमांशी बोलताना अपक्ष उमेदवार सचिन सानप यांना शिवसेनेकडून पाठिंबा दर्शवला आहे. तसेच दुष्काळावरही वक्तव्य केले आहे. ते म्हणाले की, दुष्काळाचे संकट मोठे आहे. आम्ही बांधावर जाऊन संवाद साधला आहे. राज्य सरकारने तात्काळ दुष्काळ जाहीर केला आहे, असं त्यांनी सांगितले आहे. तसेच आगामी निवडणुकीवर भाष्य केले आहे.

एकनाथ शिंदे म्हणाले की, काल 5 हजार रुपये जमा करण्याचा निर्णय घेतला आहे. सर्वांनी मिळून शेतकऱ्यांच्या मागे उभे राहिले पाहिजे. जेवढी मदत करता येणार तेवढी आपण करणार आहोत. जिथे दुष्काळ आहे तिथे शिवसेनेकडून मदत केली जाणार आहे. हजारो लोकांनी मदतीला पुढे आले पाहिजे. पंतप्रधान नरेंद्र मोदीही शेतकऱ्यांच्या मागे उभे राहणार आहेत, असं त्यांनी सांगितलं.

ते म्हणाले की, विरोधकांना टीका करण्याशिवाय दुसरे काम नाही आहे. काही झाले तरी टीका करायच्या. सर्वांवर ते टीकाच करतात. अशा वेळी राजकारण बाजूला ठेऊन टीका करण्यापेक्षा शेतकऱ्यांच्या मागे उभे राहिले पाहिजे. निवडणुकीबाबत बोलताना एकनाथ शिंदे म्हणाले की, आम्ही महायुती म्हणून आम्ही लढत आहे. काही अपवाद वगळता आम्ही विधानसभेची निवडणूक महायुती म्हणूनच लढत आहोत. मी शिवसेनेकडून सचिन सानपांना पाठिंबा दिला आहे. अपक्ष उमेदवार सचिन सानप यांना शिवसेनेचा पाठिंबा आहे, असं म्हणत त्यांनी निर्णय जाहीर केला आहे.

तर दुसरीकडे एकनाथ शिंदे यांच्या हस्ते मराठवाड्यात दुष्काळी भागात मदत रवाना झाली आहे. एकनाथ शिंदे यांनी टेम्पोचं उद्घाटन केले आहे. नाना भाणगिरे यांनी नवरात्रीचा खर्च टाळून मदत केली आहे. शिवसैनिकांना आवाहन केलं होतं त्यानुसार मदत केली जात आहे, असं एकनाथ शिंदे म्हणाले आहेत.