मुंबईत मोठी खळबळ! 5 नामांकित क्लब्सचे परवाने रद्द, तुकाराम मुंढेंच्या आदेशानंतर…काय घडलं?

Mumbai Club License Suspended : मुंबई हे असं शहर आहे, जिथं नेहमीच काहीतरी घडत असतं. या शहरात कल्ब, डिस्को, मॉल असं बरंच काहीबाही आहे. दरम्यान, अन्न व औषध प्रशासनाच्या कारवाईत तब्बल 5 नामांकित कल्बचे परवानेच थेट निलंबित करण्यात आले आहेत. राज्याच्या अन्न व औषध प्रशासन विभागाने ज्या क्लबचा परवाना  रद्द केला आहे. या कारवाईमध्ये मुंबईच्या क्लब तसेच हॉटेल व्यवसायिकांमध्ये एकच खळबळ उडाली आहे. ज्या पाच क्लबवर कारवाई करण्यात आली आहे, त्यांची नावेदेखील समोर आली आहेत.

नेमकी कोणत्या क्लबवर कारवाई

मिळालेल्या माहितीनुसार मुंबईतील ५ नामांकित क्लब्सचे FSSAI परवाने निलंबित करण्यात आले आहेत. अन्न व सुरक्षा विभागाच्या तपासणीत या कब्लबमध्ये स्वच्छता व अन्न सुरक्षा नियमांचे गंभीर उल्लंघन केल्याचे आढळले.  अन्न व औषध प्रशासनाने अचानक धडक कारवाई केली. या कारवाईमधून हे सत्य समोर आले आहे. क्लास वन अधिकारी तुकाराम मुंढे यांनी अन्न व औषध प्रशासन(FDA) विभागाचे आयुक्तपद स्वीकारल्यानंतर सध्या अन्न व औषध प्रशासन विभागाकडून राज्यव्यापी विशेष तपासणी मोहीम सुरू आहे. या मोहिमेत दूध व दुग्धजन्य पदार्थांबाबत नियमांचे पालन केले जात आहे की नाही, याची तपासणी केली जात आहे. याच तपासणीत या पाच क्लबमध्ये नियमांचे उल्लंघन करण्यात आल्याचे समोर आले आहे. द अपर्ना जुहू जिमखाना, एमआयजी क३िकेट क्लब, वांद्रे पूर्व, द क्रिकेट क्लब ऑफ इंडिया लिमिटेड, द विलिंग्टन स्पोर्ट क्लब, आरके जुहू जीमखाना या पाच क्लबचा यात समावेश आहे.

पालघरमध्य  उपहारगृहाचा परवाना रद्द

दुसरीकडे पालघर जिल्हाधिकारी कार्यालयातील उपहारगृहावर अन्न व औषध प्रशासन (FDA) विभागाने मोठी कारवाई केली आहे. तपासणीदरम्यान उपहारगृहात एक्सपायर झालेला अन्नसाठा आढळून आला. तसेच अन्न हाताळणी, साठवणूक आणि परिसरातील स्वच्छता नियमांनुसार नसल्याचे निदर्शनास आल्याने एफडीएने उपहारगृहाचा परवाना रद्द केला आहे. या कारवाईमुळेही एकच खळबळ उडाली आहे. आता या प्रकरणांमध्ये काय होणार, हे पाहणे महत्त्वाचे ठरणार आहे.