Maharashtra Gram Panchayat Election Results 2021: मुनगंटीवारांना धक्का, एक ग्रामपंचायत वंचितकडे; अक्कलकोटमध्ये आठवलेंचे 34 उमेदवार विजयी
भाजपचे ज्येष्ठ नेते सुधीर मुनगंटीवार यांच्या मतदारसंघात प्रकाश आंबेडकर यांच्या नेतृत्वाखालील वंचित बहुजन आघाडीने प्रवेश केला आहे. (vanchit bahujan aghadi won one gram panchayat in chandrapur)
नागपूर: भाजपचे ज्येष्ठ नेते सुधीर मुनगंटीवार यांच्या मतदारसंघात प्रकाश आंबेडकर यांच्या नेतृत्वाखालील वंचित बहुजन आघाडीने प्रवेश केला आहे. चंद्रपूर येथील एका ग्रामपंचायतीत वंचितला बहुमत मिळालं आहे. तर दुसरीकडे सोलापूर जिल्ह्यातील अक्कलकोट तालुक्यात रामदास आठवले यांच्या रिपब्लिकन पक्षाचे 34 उमेदवार निवडून आले आहेत. (vanchit bahujan aghadi won one gram panchayat in chandrapur)
भाजप नेते सुधीर मुनंगटीवार यांच्या बल्लारपूर मतदारसंघात विसापूर हे गाव आहे. चंद्रपूरपासून अवघ्या 12 किलोमीटरवर हे गाव आहे. 17 सदस्यांच्या या ग्रामपंचायतीत वंचित आघाडीने 9 जागांवर विजय मिळवला असल्याचं सूत्रांनी सांगितलं. मुनगंटीवार यांच्या मतदारसंघात वंचितने निर्विवाद बहुमत मिळवल्याने आश्चर्य व्यक्त केलं जात आहे. तसेच मुनंगटीवार यांच्यासाठी हा मोठा धक्का असल्याचं म्हटलं जात आहे.
आठवलेंच्या रिपाइंला यश
या निवडणुकीत आठवलेंच्या रिपाइंलाही मोठं यश मिळालं आहे. अक्कलकोट तालुक्यात ७२ ग्रामपंचायतीसाठी मतदान झालं होतं. रिपाइं प्रदेश सरचिटणीस राजाभाऊ सरवदे यांच्या मार्गदर्शनाखाली व रिपाइंचे तालुका अध्यक्ष अविनाश मडिखांबे यांच्या नेतृत्वात अक्कलकोटमध्ये रिपाइंचे आठवले गटाचे १२ बिनविरोध आणि २२ उमदेवार निवडून असे एकूण ३४ उमेदवार निवडून आलेले आहेत. तर, आठवले यांनी अक्कलकोट तालुक्यातील बॅगेहळ्ळी ग्रामपंचायतीत त्यांचं पॅनल उतरवलं होतं. आरपीआयचे विजयकुमार गायकवाड यांच्या नेतृत्वात ही निवडणूक लढवली गेली. गायकवाड यांनी या निवडणुकीचं अचूक नियोजन केलं होतं. घरोघरी जाऊन प्रचार करतानाच येथील मतदारांच्या समस्याही जाणून घेण्याचं काम गायकवाड यांनी केलं होतं. त्यामुळे रिपाइंच्या पूर्ण पॅनलला मोठा विजय मिळाला आहे. बॅगेहळ्ळी ग्रामपंचायतीतील 7 पैकी 6 जागांवर गायकवाड यांच्या पॅनलची सत्ता आली आहे. यावेळी आरपीआयने स्थानिक आघाडीतील काँग्रेस, भाजप सर्वपक्षीय गटांना धक्का दिला.
#गुलालकुणाचा – रत्नागिरीत 360 ग्रामपंचायतींसाठी मतदान, आमदार भास्कर जाधव, योगेश कदम यांची प्रतिष्ठा पणाला, दहा वाजता मतमोजणी सुरु होणार, ग्रामपंचायत निवडणुकांचा वेगवान निकाल, सर्वात आधी टीव्ही 9 मराठीवर https://t.co/atVRNYvTQS #GramPanchayatElectionResults pic.twitter.com/85zKJpmtgA
— TV9 Marathi (@TV9Marathi) January 18, 2021
ग्रामपंचायत निवडणुकीचा लेखाजोखा
निवडणूक जाहीर ग्रामपंचायती- 14,234 आज प्रत्यक्ष मतदान झालेल्या ग्रामपंचायती- 12,711 एकूण प्रभाग- 46,921 एकूण जागा- 1,25,709 प्राप्त उमेदवारी अर्ज- 3,56,221 अवैध नामनिर्देशनपत्र- 6,024 वैध नामनिर्देशनपत्र- 3,50,197 मागे घेतलेली नामनिर्देशनपत्र- 97,719 बिनविरोध विजयी होणारे उमेदवार- 26,718 अंतिम निवडणूक रिंगणातील उमेदवार- 2,14,880 (vanchit bahujan aghadi won one gram panchayat in chandrapur)
संबंधित बातम्या:
(vanchit bahujan aghadi won one gram panchayat in chandrapur)
