Maharashtra News LIVE : पुण्यात सकाळी पावसाच्या हलक्या सरी, परंतु पावसाची तूट कायम

पुण्यासह राज्याच्या बहुतांश भागात गेल्या चार ते पाच दिवसांत तीव्र उष्णतेमुळे तापमानात वाढ झाली आहे. त्यामुळे पुढील दोन दिवस स्थानिक पातळीवर वादळी पावसाची शक्यता आहे. हा पाऊस सर्व दूर पडणार नसून ठिकठिकाणी कमी अधिक प्रमाणात पडेल, असा अंदाज भारतीय हवामानशास्त्र विभागाने व्यक्त केला आहे. तर दोन दिवस नागपुरात पावसाने हजेरी लावल्याने शेतकऱ्यांच्या पिकांना काहीसा दिलासा मिळाला आहे. मात्र अजूनही चांगल्या पावसाची प्रतीक्षा आहे.

गेल्या काही दिवसात पावसाने लंबी दडी मारल्याने पीक सुकायला लागली होती. त्या पिकांना काहीसा दिलासा मिळाला आहे. सोयाबीन, कापूस, तूर सारख्या पिकांना काहीसा दिलासा मिळाला आहे. मात्र अजूनही पावसाची तूट कायम आहे. सोयाबीनच्या पिकांवर किड्यांचा प्रभाव दिसून येत असून पान कुरताळली जात आहे. सोयाबीनला सेंगा लागल्या मात्र त्या पावसाच्या अभावी वाढल्या नाही. पावसाच्या कमतरतेमुळे पिकांवर विपरीत परिणाम होत आहे. दोन दिवसांच्या पावसानंतर आज सकाळ पासून पुन्हा ऊन पडायला सुरवात झाली आहे. या देशासहित राज्यातील सर्व घडामोडी जाणून घ्या.