Maharashtra Live News : पुण्यात विसर्जन मिरवणुकीत डीजेचा अधिकच दणदणाट, सरासरी 105 डेसिबलची नोंद
पुण्यात गणेश विसर्जन मिरवणुकीत अधिकच दणदणाट पाहायला मिळाला. गेल्या वर्षीपेक्षा यंदा अधिक दणदणाट होता. यावर्षी सरासरी 105 डेसिबलची नोंद करण्यात आली आहे.
LIVE NEWS & UPDATES
-
हिंगोलीत प्रसिद्ध शब्बू खिचडी हॉटेलवर FDAची कारवाई
हिंगोलीच्या वारंगा फाटा येथील प्रसिद्ध शब्बू खिचडी हॉटेलवर FDAची कारवाई करण्यात आली आहे. अन्नपदार्थ उघड्यावर ठेवणे, अस्वच्छता आणि स्वच्छतेच्या नियमांचे उल्लंघन करण्यात आल्याचे सांगण्यात आलं आहे. ग्राहकांना वर्तमानपत्रावरून खाद्यपदार्थ दिल्याचेही तपासणीत समोर आलं. गंभीर त्रुटी आढळल्याने हॉटेलचा FSSAI परवाना तात्काळ निलंबित करण्यात आला आहे.
-
समृद्धी महामार्गावर 8 महिन्यात 142 अपघात
मुंबई-पुणे द्रुतगती मार्गापेक्षा समृद्धी महामार्गावर अपघात आणि मृत्यू अधिक झाले आहेत. जानेवारी ते ऑगस्ट २०२६ या आठ महिन्यांतील धक्कादायक आकडे माहिती अधिकारातून पुढे आले आहे. समृद्धी महामार्गावर १४२ अपघातांत १२८ जणांचा मृत्यू झाला आहे. तर मुंबई-पुणे द्रुतगती मार्गावर १०५ अपघातांत ३९ जणांचा मृत्यू झाला आहे.
-
-
आदित्य ठाकरे आज जालना जिल्हा दौऱ्यावर
माजी मंत्री आमदार आदित्य ठाकरे आज जालना जिल्हा दौऱ्यावर असणार आहे. माजी विरोधी पक्षनेते अंबादास दानवे देखील सोबत असणार आहेत. दुष्काळग्रस्त भागात जाऊन करणार पिकांची पाहणी तर शेतकऱ्यांसोबत देखील संवाद साधणार आहेत. सकाळी 11 वाजता परतुर तालुक्यातल्या वरफळ गावात आदित्य ठाकरे पिकांची पाहणी करतील. तर दुपारी 1 वाजता जालना तालुक्यातल्या रामनगर या ठिकाणी आदित्य ठाकरे पाहणी करून शेतकऱ्यांसोबत संवाद साधतील.
गेल्या महिन्याभरापासून उत्सवातील ध्वनी प्रदूषण विरोधी चळवळीला बळ मिळाले असले तरी यंदा विसर्जन मिरवणुकीत उच्चांकी ध्वनी पातळी नोंदवली गेली. लक्ष्मी रोडवरील प्रमुख १० चौकात घेतलेल्या नोंदीतून सरासरी १०५ डेसिबल ध्वनी पातळीची नोंद झाली. गेल्या दोन वर्षाच्या तुलनेत यंदा ध्वनी पातळीमध्ये लक्षणीय वाढ झाली आहे, दुसरीकडे ध्वनी प्रदुषण करणाऱ्या गणेश मंडळावर पोलिसांनी कारवाई केली. पिंपरी-चिंचवडमध्ये 91 मंडळावर कारवाई केली. तर नाशिकमध्येही 11 मंडळावर कारवाई केली आहे.
Published On - Sep 27,2026 8:54 AM
