Raj Thackeray On MPSC Students : राज ठाकरेंनी दिलेला शब्द पाळला, आंदोलन करणाऱ्या MPSC विद्यार्थ्यांना दिली गुड न्यूज

सध्या पुण्यामध्ये MPSC च्या विद्यार्थ्यांचं आंदोलन सुरु आहे. पेपर फुटीपासून या सर्व विषयाची सुरुवात झाली. रोहित पवार यांच्या नेतृत्वाखाली हे आंदोलन सुरु आहे. MPSC विद्यार्थ्यांच्या वेगवेगळ्या मागण्या आहेत. महाराष्ट्रातील विविध नेते या MPSC विद्यार्थ्यांच्या आंदोलनाला भेट देऊन आपपाली भूमिका मांडत आहेत. मंत्री नितेश राणे, धाराशिवचे खासदार ओमराजे निंबाळकर यांनी एमपीएससी विद्यार्थ्यांच्या आंदोलनाला भेट दिली. यांच्याप्रमाणेच महाराष्ट्र नवनिर्माण सेनेचे अध्यक्ष राज ठाकरे यांनी सुद्धा एमपीएससी विद्यार्थ्यांच्या आंदोलनाला भेट दिली होती. 5 ऑक्टोंबरला राज ठाकरे तिथे गेले होते. त्यावेळी राज ठाकरेंनी MPSC विद्यार्थ्यांना आश्वसन दिलं होतं. त्याप्रमाणे राज ठाकरेंनी आपला शब्द पाळला आहे. आज राज ठाकरे यांनी एक्सवर पोस्ट करुन ही माहिती दिली.

“आज या विषयावर माझी मुख्यमंत्र्यांशी सविस्तर चर्चा झाली. ते देखील पूर्णपणे सकारात्मक आहेत हे जाणवलं. आणि येत्या काही दिवसांत MPSC च्या विद्यार्थ्यांच्या नोकऱ्यां संदर्भात एक चांगली बातमी येईल अशी अपेक्षा आहे” असं राज ठाकरे यांनी आपल्या पोस्टमध्ये म्हटलंय.

सस्नेह जय महाराष्ट्र, ५ ऑक्टोबर २०२६ ला मी जेंव्हा पुण्यात एमपीएससी आंदोलक विद्यार्थ्यांची भेट घेतली तेंव्हा मी तुमचं म्हणणं, तुमच्या रास्त अपेक्षा याबद्दल मुख्यमंत्र्यांशी बोलेन असं आश्वस्त केलं होतं.

स्वतःचा राहता जिल्हा, तालुका, आपलं घर तसेच आपल्या कुटुंबाला सोडून नोकरीसाठी राब राब राहणाऱ्या तरुणांना आणि तरुणींना पाहिलं की जिवाची कालवाकालव होते.

म्हणून आज या विषयावर माझी मुख्यमंत्र्यांशी सविस्तर चर्चा झाली. ते देखील पूर्णपणे सकारात्मक आहेत हे जाणवलं. आणि येत्या काही दिवसांत MPSC च्या विद्यार्थ्यांच्या नोकऱ्यां संदर्भात एक चांगली बातमी येईल अशी अपेक्षा आहे . तेंव्हा विद्यार्थ्यांनी देखील संयम ठेवावा.

राज ठाकरे ।

— Raj Thackeray (@RajThackeray) October 9, 2026

मित्राला वाचवण्याचा आरोप

पुण्यातील एस.एम. जोशी पुलावर MPSC विद्यार्थ्यांच्या सुरु असलेल्या आंदोलनाचा आज नववा दिवस आहे. विद्यार्थ्यांनी महाराष्ट्र लोकसेवा आयोगाचे MPSC चे अध्यक्ष विवेक भीमनवार यांच्या राजीनाम्याची मागणी लावून धरली आहे. राष्ट्रवादी शरदचंद्र पवार पक्षाचे नेते रोहित पवार हे सातत्याने विवेक भीमनवार हे मुख्यमंत्री देवेंद्र फडणवीस यांचे मित्र असून मुख्यमंत्री मित्राला वाचवण्याचा प्रयत्न करतायत असा आरोप करतायत. पोलिसांनी एस.एम. जोशी पूल मोकळा करण्याच्या सूचना पोलिसांना दिल्या आहेत. परंतु आमच्या मागण्या मान्य होत नाहीत. तोपर्यंत मागे हटणार नाही, अशी ठाम भूमिका आंदोलक विद्यार्थ्यांनी घेतली आहे.