tauktae cyclone: कुठे घरांच्या छत कोसळल्या तर कुठे झाडे पडली; महाराष्ट्रापासून गुजरातपर्यंत दाणादाण

काल आलेल्या तौक्ते चक्रीवादळाचा महाराष्ट्रापासून गुजरातपर्यंत तडाखा बसला आहे. (Landfall process complete, power supply, mobile networks in Gujarat, Maharashtra hit)

tauktae cyclone

भीमराव गवळी | Updated on: May 18, 2021 | 10:45 AM

मुंबई: काल आलेल्या तौक्ते चक्रीवादळाचा महाराष्ट्रापासून गुजरातपर्यंत तडाखा बसला आहे. प्रचंड वारा आणि जोरदार पाऊस यामुळे अनेक ठिकाणी घरांची, झाडांची पडझड झाली. वादळामुळे तर काही ठिकाणी भिंती खचल्या आहेत. ठाणे जिल्ह्यात काल दुपारपासून ते आज पहाटे पर्यंत वीज गायब होती. त्यामुळे येथील नागरिकांना अख्खी रात्र अंधारात काढावी लागली. (Landfall process complete, power supply, mobile networks in Gujarat, Maharashtra hit)

तौक्ते चक्रीवादळामुळे मुंबईत अनेक ठिकाणी जोरदार पावासमुळे पाणी भरले. तर ठाणे जिल्ह्यात काल दिवसभर वीज गेली होती. त्यामुळे ठाणे जिल्ह्यातील नागरिकांना संपूर्ण रात्र अंधारात काढावी लागली. अनेक ठिकाणी मोबाईल नेटवर्क्सही मिळत नव्हते. त्यामुळे लोक प्रचंड वैतागले होते. काही भागात तर घरांमध्ये पाणी शिरल्याने अनेकांना प्रचंड गैरसोयीचा सामना करावा लागला.

काय घडलं काल दिवसभरात

>> सोमवारी रात्री उशिरा गुजरातच्या किनारपट्टी भागात तौक्ते वादळ पोहोचलं. यावेळी ताशी 185 किलोमीटर वेगाने वारे वाहत होते. त्याचवेळी जोरदार पाऊस सुरू झाल्याने नागरिकांची एकच तारांबळ उडाली.

>> अरबी समुद्रातून आलेल्या या वादळामुळे मुंबईत तांडव निर्माण झालं होतं. गुजरातला जाणाऱ्या दोन बोटी बेपत्ता झाल्या. त्यात 410 प्रवासी होते. या बोटी शोधण्याचं काम नाविक दल करत आहे.

>> मुंबईत तौक्तेमुळे 6 लोकांचा मृत्यू झाला असून 9 लोक जखमी झाले आहेत. काल मुंबईत ताशी 70 ते 80 किलोमीटर वेगाने वारे वाहत होते.

>> कुलाब्यात सर्वाधिक ताशी 108 किलोमीटर वेगाने वारे वाहत होते. त्यामुळे अनेक ठिकाणी वृक्ष उन्मळून पडले.

>> प्रचंड हवेमुळे मुंबईत ठिकठिकाणी झाडे कोसळले आहेत. रस्त्यावर आणि सोसायट्यांच्या आवारातही वृक्ष उन्मळून पडल्याने पालिकेचे कर्मचारी हे वृक्ष हटवण्याचं काम करत आहेत.

>> वादळामुळे मुंबईतील खार येथे होर्डिंग्ज कोसळल्या. अनेक ठिकाणी पाणी भरले. त्यामुले अनेक ठिकाणी वाहतुकीची कोंडी झाली आहे.

>> काल मुंबईत लोकल, विमान आणि मोनोरेल्वेही बंद ठेवण्यात आली होती. वांद्रे-वरळी सी-लिंकही बंद ठेवण्यात आला होता.

>> वादळामध्ये सापडलेल्यांच्या मदतीसाठी महाराष्ट्र आणि गुजरातच्या किनारपट्टीवर एनडीआरएफची टीम तैनात ठेवण्यात आली आहे.

>> वादळामुळे मुंबईतील विविध कोविड सेंटरमधील 600 कोरोना रुग्णांना इतरत्र शिफ्ट करण्यात आलं आहे.

>> मुंबईप्रमाणेच वडोदरामध्येही कोविड सेंटरमधील 70 रुग्णांना इतर रुग्णालयात शिफ्ट करण्यात आलं आहे.

>> गुजरातच्या सोमनाथमध्ये रेस्क्यू ऑपरेशन सुरू आहे. सोमनाथहून दीवला जाणारा रस्ता बंद करण्यात आला आहे. हा रस्ता उघडण्याचे काम सुरू आहे.

>> दीवमध्ये वादळाने संपूर्ण दाणादाण उडवली आहे. अनेक ठिकाणी वृक्ष उन्मळून पडली आहेत. रस्त्यावर कचरा साचला आहे. रस्त्यावर पाणी भरल्याने अनेक ठिकाणचे रस्ते बंद करण्यात आले असून साफसफाईचे काम सुरू आहे. (Landfall process complete, power supply, mobile networks in Gujarat, Maharashtra hit)

VIDEO | सुपरफास्ट 100 न्यूज | SuperFast 100 News | 8 AM | 18 May 2021 https://t.co/WYR5i0iwyn #MorningBulletin | #MorningHeadlines | #TV9Marathi | #BreakingNews | #LatestUpdates

— TV9 Marathi (@TV9Marathi) May 18, 2021