#LataMangeshkar : लता मंगेशकर व्हेंटिलेटरवर; लवकर बऱ्या व्हा, सोशल मीडियावर लोक करताहेत प्रार्थना
Lata Mangeshkar health update : लता मंगेशकर यांची प्रकृती पुन्हा एकदा नाजूक झाली आहे. त्यांना पुन्हा व्हेंटिलेटरवर हलवण्यात आलं आहे. त्यांना मुंबईतल्या ब्रीच कँडी रुग्णालया(Breach candy hospital)त दाखल करण्यात आलं. आता सोशल मीडियावर त्यांच्यासाठी प्रार्थना केली जात आहे.

Lata Mangeshkar health update : लता मंगेशकर यांची प्रकृती पुन्हा एकदा नाजूक झाली आहे. त्यांना पुन्हा व्हेंटिलेटरवर हलवण्यात आलं आहे. 8 जानेवारी रोजी त्यांना कोरोनाची लागण झाल्यानंतर मुंबईतल्या ब्रीच कँडी रुग्णालया(Breach candy hospital)त दाखल करण्यात आलं होतं. तेव्हापासून त्या आयसीयू(ICU)मध्ये आहेत. मीडिया रिपोर्ट्सनुसार, त्यांच्या तब्येतीत सुधारणा झाली होती, मात्र अचानक त्यांची प्रकृती पुन्हा बिघडली, त्यानंतर त्यांना व्हेंटिलेटरवर हलवण्यात आलं. सध्या डॉक्टरांचं पथक 24 तास त्यांच्यावर देखरेख करत असून त्यांची प्रकृती तपासत आहे. लता मंगेशकर यांना काही दिवसांआधी कोरोना व्हायरची लागण झाली होती. सोबतच त्यांना न्यूमोनियाही झाला आहे. त्यांना डॉक्टरांच्या देखरेखीखाली सध्या ठेवण्यात आलं आहे. गेल्या 27 दिवसांपासून लता मंगेशकर यांच्यावर मुंबईतल्या ब्रीच कँडी रुग्णालयात उपचार सुरू आहेत.
प्रार्थना करण्याचं आवाहन
काही दिवसांआधी डॉक्टरांनी लता मंगेशकर यांच्या चांगल्या प्रकृतीसाठी प्रार्थना करा असं सांगितलं होतं. डॉक्टरांचं विशेष पथक त्यांच्यावर उपचार करत आहे. डॉ. प्रतित समदानी यांनी काही दिवसांपूर्वी लता मंगेशकर यांच्या हितचिंतकांना त्यांच्या चांगल्या आरोग्यासाठी प्रार्थना करण्याचं आवाहन केलं होतं.
ट्विटरवर ट्रेंड
त्यांची प्रकृती पुन्हा एकदा ढासळली असली, तरी त्या लवकर बऱ्या होण्यासाठी देशभरातून प्रार्थना केली जात आहे. #LataMangeshkar हॅशटॅग ट्विटरवर ट्रेंड करू लागल्या आहेत. लोक ट्विट करून त्यांच्या चांगल्या प्रकृतीसाठी प्रार्थना करत आहेत. एक नजर टाकू या काही निवडक ट्वीट्सवर…