मुंबईत 1728, तर पुण्यात 1109 आरोग्य कर्मचाऱ्यांना कोरोनाची लस, कोणत्या शहरात किती?

अंतिम आकडेवारीत बदल होऊ शकतो, असे आरोग्य विभागाचे प्रधान सचिव डॉ.प्रदीप व्यास यांनी सांगितले. (Maharashtra Corona Vaccination statistics)

Corona-vaccine

NamrataP | Updated on: Jan 20, 2021 | 9:32 PM

मुंबई : राज्यात कोरोना लसीकरणाला सुरुवात करण्यात आली आहे. आज (20 जानेवारी) महाराष्ट्रात 267 केंद्रांवर 18 हजार 166 (68 टक्के) आरोग्य कर्मचाऱ्यांना कोरोनाची लस देण्यात आली. दरम्यान काही ठिकाणी लसीकरणाचे सत्र उशिरापर्यंत सुरु होते. त्यामुळे अंतिम आकडेवारीत बदल होऊ शकतो, असे आरोग्य विभागाचे प्रधान सचिव डॉ.प्रदीप व्यास यांनी सांगितले आहे. (Maharashtra Corona Vaccination statistics)

राज्यात शनिवार (16 जानेवारी) मंगळवार (19 जानेवारी), बुधवार (20 जानेवारी) असे तीन दिवस कोरोना लसीकरण करण्यात आले. संध्याकाळी 7 पर्यंत जाहीर केलेल्या आकडेवारीनुसार, आतापर्यंत एकूण 51 हजार 660 जणांना कोरोना लस देण्यात आली.

तर राज्यात आज 312 जणांना कोवॅक्सीन लस देण्यात आली आहे. दरम्यान आतापर्यंत एकूण 881 जणांना ही लस देण्यात आली आहे. दरम्यान मुंबईत आतापर्यंत 666 कर्मचाऱ्यांना कोरोना लस देण्यात आली आहे. तर मुंबई उपनगरात 1062 कर्मचाऱ्यांना कोरोना लस देण्यात आली आहे. त्याशिवाय पुण्यात 1109 कर्मचाऱ्यांना कोरोना लस दिली आहे.