मुंबईत काही भागात रिमझिम पावसाला सुरुवात, उष्णतेमुळं हैराण झालेल्या मुंबईकरांना दिलासा
सकाळपासून मुंबईतल्या काही भागात पावसाला सुरुवात झाली आहे. त्यामुळे गर्मीपासून त्रस्त झालेल्या लोकांना काही प्रमाणात दिलासा मिळाला आहे. काही लोकं सकाळी पावसाचा आनंद घेत आहेत.

मुंबई : मुंबईकरांसाठी आनंदाची बातमी आहे. मुंबईतल्या काही ठिकाणी सकाळपासून पावसाला (Mansoon rain update) सुरुवात झाली आहे. त्याचबरोबर वातावरणात गारवा असून अनेक ठिकाणी पावसाची (IMD) शक्यता आहे. नवी मुंबईत सुध्दा सकाळी जुईनगर आणि नेरुळ भागात रिमझिम पाऊस झाला आहे. हवामान खात्याच्या अंदाजानुसार महाराष्ट्रात अनेक ठिकाणी पाऊस सुरु होणार आहे. बिपरजॉय चक्रीवादळ आल्यानंतर मान्सून (Today mumbai pune maharashtra rain update) गायब झाला होता. सध्याचं वातावरण हे मान्सून पुढे सरकण्यास अनुकूल असून सगळीकडे पाऊस होण्याची शक्यता आहे. ज्या भागात पाऊस झाला आहे. तिथल्या नागरिकांना उकाड्यापासून काही प्रमाणात दिलासा मिळाला आहे. पावसाच्या आगमनामुळे मुंबईकर पुन्हा खूश असल्याचे पाहायला मिळत आहे.
कांदिवली, बोरिवली, मालाड, अंधेरी, दहिसरसह मुंबई उपनगरात आज सकाळपासून पावसाला सुरुवात झाली आहे. संपूर्ण मुंबईत ढगाळ वातावरण आहे. मुंबईत आतापर्यंत फक्त रिमझिम पाऊस झाला आहे. ढगाळ वातावरणामुळे गारवा जाणवू लागला आहे. मुंबईत उष्णतेमुळं हैराण झालेल्या मुंबईकरांना दिलासा मिळाला आहे.
काल नागपूर आणि विदर्भात काही ठिकाणी पाऊस झाला आहे. त्यामुळे तिकडं शेतकरीवर्ग अधिक आनंदात आहे. मागच्या पंधरा दिवसांपासून शेतकरी पावसाची वाट पाहत आहेत. सध्याचं वातावरणं हे महाराष्ट्रात मान्सून पुढे सरकण्यास अनुकूल असून लवकरचं मान्सून महाराष्ट्रात सगळीकडे दाखल होईल असा हवामान खात्याने अंदाज पुणे हवामान विभागाचे प्रमुख डॉ.अनुपम कश्यपी यांनी व्यक्त केला आहे.
उद्यापसून विदर्भ आणि कोकणात पावसाची शक्यता व्यक्त करण्यात आली आहे. मध्य महाराष्ट्र आणि मराठवाड्यात आजपासून तुरळक पाऊस होईल. त्याचबरोबर पुढच्या 24 तासात पुण्यात होणार आहे.
25 तारखेपासून कोल्हापूर, नाशिक , सातारा या जिल्ह्यातील घाट परिसरात मुसळधार पावसाची शक्यता व्यक्त करण्यात आली आहे. या तिन्ही जिल्ह्यात सध्या ‘यलो अलर्ट’ असून 27 तारखेपासून ऑरेंज अलर्ट जारी केला जाणार आहे.