15 लाख कोटींचा घोटाळा… तो फोटो… मेहताच्या कंपनीत LIC ने गुंतवणूक केलीच कशी? रोहित पवारांच्या एका सवालाने मोठी खळबळ

Rohit Pawar on Rajesh Mehta Scam: 15 लाख कोटींच्या घोटाळ्याने देश पुन्हा हादरला आहे. राजेश मेहता यांच्यावर या घोटाळ्याचा आरोप आहे. तर या घोटाळ्यावरून शरद पवार राष्ट्रवादी काँग्रेसचे आमदार रोहित पवार यांनी भाजपवर निशाणा साधला आहे. त्यांनी एक फोटो ट्विट केला आहे आणि एलआयसीने मेहताच्या कंपनीत गुंतवणूक केलीच कशी असा रोकडा सवाल विचारला आहे. त्यांच्या या निशाण्याने राजकारणात खळबळ उडाली आहे. नेमकं काय आहे हे प्रकरण?

LIC ने मेहताच्या कंपनीत गुंतवणूक केलीच कशी?

“15 लाख कोटींचा घोटाळा करणाऱ्या राजेश मेहताचा घोटाळा जगातील सर्वात मोठा Accounting घोटाळा असणार आहे. मेहताच्या कंपनीत इतर म्यूचुअल फंड कंपन्या गुंतवणूक करण्यास टाळाटाळ करत असताना LIC ने गुंतवणूक केलीच कशी ? मेहता प्रकरण अतिशय गंभीर असून SEBI सारख्या संस्था कशी माती खातात हे सिद्ध झाले आहे. यात सर्वात मोठे दुर्दैव म्हणजे LIC चा गुंतलेला पैसा हा सर्वसामान्य जनतेचा आहे, त्यामुळे जनतेच्या पैशाची देखील माती झाली आहे.” असे ट्विट रोहित पवार यांनी केले आहे.

15 लाख कोटींचा घोटाळा करणाऱ्या राजेश मेहताचा घोटाळा जगातील सर्वात मोठा Accounting घोटाळा असणार आहे. मेहताच्या कंपनीत इतर म्यूचुअल फंड कंपन्या गुंतवणूक करण्यास टाळाटाळ करत असताना LIC ने गुंतवणूक केलीच कशी ? मेहता प्रकरण अतिशय गंभीर असून SEBI सारख्या संस्था कशी माती खातात हे सिद्ध… pic.twitter.com/zPYPxn1Im6

— Rohit Pawar (@RRPSpeaks) June 5, 2026

नेमकं प्रकरण तरी काय?

शेअर बाजार नियामक संस्था SEBI ने बंगळुरू येथील ज्वेलरी कंपनी राजेश एक्सपोर्ट्स लिमिटेड आणि तिचे मालक आणि व्यवस्थापकीय संचालक राजेश मेहता यांच्याविरोधात अंतरिम आदेश दिला आहे. कंपनीने चुकीची आर्थिक माहिती दिली. प्रमोटर्सच्या माध्यमातून फंडचा चुकीचा वापर केला. तर इतर अनेक गंभीर आरोप कंपनीसह मेहतांवर लावण्यात आले आहे. सेबीच्या माहितीनुसार राजेश एक्सपोर्टसने कथितरित्या आर्थिक वर्ष 2021 आणि आर्थिक वर्ष 2025 या दरम्यान जवळपास 15.15 लाख कोटी रुपयांच्या एकूण महसूलाविषयी चुकीची माहिती दिल्याचा ठपका सेबीने लावला आहे. राजेश एक्सपोर्ट्स लिमिटेडने 99.8 टक्के महसूल वाढवून दाखवल्याचे, भासवल्याचे सेबीचे म्हणणे आहे.

कोण आहे राजेश मेहता?

राजेश मेहता यांचा जन्म बेंगळुरूमध्ये 20 जून, 1964 रोजी झाला. ते राजेश एक्सपोर्ट्स कंपनीचे अध्यक्ष आहेत. ही कंपनी सोने आणि सोन्याचे दागिने या गोल्ड इंडस्ट्रीतील नावाजलेली कंपनी आहे. राजेश मेहता यांनी बेंगळुरू येथील सेंट जोसेफ या शाळेतून शिक्षण पूर्ण केले. त्यानंतर अगदी कमी वयात त्यांनी वडीलांच्या सराफा व्यवसायात लक्ष घातले. 1980 च्या दशकात राजेश मेहता यांनी भाऊ प्रशांत याच्या सोबत चांदीच्या दागिन्यांचा व्यवसाय सुरू केला. त्यासाठी त्यांनी मोठ्या भावाकडून 1,200 रुपये उधार घेतले होते. त्यावेळी सराफा व्यवसाय इतका संघटित नव्हता.