संघर्षानंतर नागपूरचे महापौर-आयुक्त पहिल्यांदाच एकत्र, दोन दिवस जनता कर्फ्यू, 4 दिवस लोकप्रतिनिधी रस्त्यावर
कोरोना नियंत्रणासाठी नागपूरमध्ये दोन दिवसांसाठी जनता कर्फ्यू लावण्याचा निर्णय घेण्यात आला (Tukaram Mundhe on Nagpur Lockdown).
नागपूर : वाढत्या कोरोना रुग्णांच्या पार्श्वभूमीवर नागपूरमध्ये लॉकडाऊनबाबत महापौरांनी बोलावलेली बैठक संपली. या बैठकीत नागपूरचे महापौर संदीप जोशी आणि नागपूर महानगरपालिका आयुक्त तुकाराम मुंढे दोघेही उपस्थित होते. मागील काही दिवसांमधील संघर्षानंतर पहिल्यांदाच ते एकत्र आले. यावेळी कोरोना नियंत्रणासाठी नागपूरमध्ये दोन दिवसांसाठी जनता कर्फ्यू लावण्याचा निर्णय घेण्यात आला (Tukaram Mundhe on Nagpur Lockdown). तसेच पुढील 4 दिवस लोकप्रतिनिधी रस्त्यावर येतील असंही निश्चित करण्यात आलं.
महापौर आणि आयुक्तांनी आज लॉकडाऊनबाबत पत्रकार परिषद घेऊन माहिती दिली. महापौर संदीप जोशी म्हणाले, “बैठकीत सर्व जनप्रतिनिधींचं मत आम्ही जाणून घेतलं. लॉकडाऊन केलं पाहिजे यासाठी कुणाचाही आग्रह नाही. पण नियम पाळले जात नाहीत. त्यासाठी एकत्रित प्रयत्न करणे गरजेचं आहे. उद्या (25 जुलै) आणि परवा (26 जुलै) नागपुरात जनता कर्फ्यू लागू करण्यात येईल. 27 जुलै ते 30 जुलै या हे 4 दिवसांमध्ये नागपुरात लोकप्रतिनिधी रस्त्यावर उतरुन लोकांना आवाहन करणार आहेत.”
TOP 9 | लोकल ते ग्लोबल, सर्व बातम्या एकत्र, पाहा टॉप 9 न्यूज!
“लॉकडाऊन हा अंतिम निर्णय असू शकत नाही. 31 जुलै रोजी दुपारी 12 वाजता पुन्हा याबाबत बैठक होणार आहे. 31 जुलैपर्यंत जनतेनं नियम पाळले नाही, तर 31 जुलैच्या बैठकीत लॉकडाऊनबाबत चर्चा होईल,” असंही महापौर संदीप जोशी यांनी नमूद केलं.
आयुक्त तुकाराम मुंढे म्हणाले, “अत्यावश्यक सेवा सोडल्यास सर्व दुकानं उद्या-परवा बंद ठेवावीत. नागरिकांनी अत्यावश्यक सेवेशिवाय इतर कोणत्याही कारणासाठी बाहेर पडू नये. नागरिकांनी नियम पाळले, तर लॉकडाऊनची वेळ येणार नाही. नियम पाळले नाही, तर लॉकडाऊनची वेळ येईल. तेव्हा कर्फ्यू देखील असेल. लोकांनी किमान आपल्या जीवासाठी तरी नियमांचं पालन करावं.”
“उद्या परवाच्या जनता कर्फ्यूत पोलीस नागरिकांना नियम पाळण्याबाबत विनंती करणार आहेत, अशी माहिती नागपूरचे पोलीस सहाय्यक आयुक्तांनी दिली.
हेही वाचा :
तुकाराम मुंढे अॅक्शन मोडमध्ये, रस्त्यावर उतरुन दुकानांवर कारवाई, पीपीई किट घालून थेट कोरोना वॉर्डात
Tukaram Mundhe on Nagpur Lockdown
