Nagpur NMC | नव्या सीमांमुळे अनेक उभेच्छुकांचा हिरमोड; मनपा आयुक्त म्हणतात, आक्षेप, सूचना मागविल्या

नागपूर : महापालिका निवडणुकीच्या तोंडावर सर्वांचे लक्ष हे प्रभाग रचनेकडे लागले होते. ही उत्सुकता आता संपली. राज्य निवडणूक आयोगाकडून नव्या तीन सदस्यीय प्रभाग रचनेचा प्रारुप आराखडा (Draft plan of ward structure) प्रसिद्ध करण्यात आला आहे. आता पक्षाकडून ठरविण्यात येणारे उमेदवार अथवा इच्छुक आता खर्‍या अर्थाने निवडणुकीच्या कामाला लागणार आहे. महापालिका निवडणूक 2022 च्या प्रभाग रचना, आक्षेप आणि सूचना मागवण्यात आल्या आहेत, अशी माहिती मनपा आयुक्त (Municipal Commissioner) राधाकृष्णन बी यांनी दिलीय. सुनावणीच्या तारखांचा कार्यक्रम जाहीर करण्यात आलाय. यानुसार निवडणूक प्रभागांच्या सीमा दर्शविणारी प्रारूप अधिसूचना प्रसिद्ध करण्यात आलीय. नागपूर मनपाच्या बाहेर प्रभाग प्रारुप प्रसिद्ध करण्यात आलंय. तीन सदस्यीय प्रभाग पद्धतीने निवडणूक होणार आहे. शहरात एकूण 52 प्रभाग आहेत. त्यात 156 जागांसाठी निवडणूक होणार आहे. 26 प्रभागांमध्ये एक पुरुष आणि दोन महिला सदस्यांसाठी जागा आरक्षित राहील. 78 जागा महिलांसाठी आरक्षित राहतील.

या आहेत महत्त्वाच्या तारखा

मंगळवारी महापालिकेच्या आवारात फ्लेक्सवर सर्वच 52 प्रभागाचा प्रारूप आराखडा प्रसिद्ध करण्यात आला आहे. 14 फेब्रुवारीपर्यंत प्रभाग प्रारूप अधिसूचनेवर हरकती आणि सूचना मागविण्यात येतील. 16 फेब्रुवारीला प्राप्त हरकती आणि सूचनांचे विवरणपत्र राज्य निवडणूक आयोगाकडे सादर केले जाणार आहे. 26 फेब्रुवारीपर्यंत हरकती आणि सूचनांवर सुनावणी होईल.

काही नगरसेवकांची आक्षेप नोंदविण्याची तयारी

नव्या प्रभाग रचनेमुळे अनेक नगरसेवकांच्या सध्याचा प्रभागांचे विभाजन, त्रिभाजन झाले आहे. जुने प्रभाग काही ठिकाणी दोन तर काही ठिकाणी तीन वेगवेगळ्या प्रभागात विभागले गेलेत. यामुळे विद्यमान नगरसेवकांसह इच्छुकांच्याही अपेक्षेवर पाणी फेरले गेले. या फेरबदलामुळे अनेक नगरसेवकांनी नाराजीचा सूर लावला. काहींनी आक्षेप नोंदविण्याची तयारी केली आहे. राज्य निवडणूक आयोगाकडून महापालिकेच्या सार्वत्रिक निवडणुकीसाठी प्रभाग आराखडा जाहीर करणे, आक्षेप, हरकती, सूचना मागविणे तसेच सुनावणी घेणे आदी कार्यक्रम जाहीर करण्यात आला होता.

Nagpur NMC | नदी काठावरील अतिक्रमणाविरुद्ध मोठी कारवाई; न्यायालयाच्या आदेशानंतर नागपूरचे मनपा आयुक्त म्हणाले…

Nagpur Corona | नागपूरच्या जिल्हाधिकारी म्हणतात, कोरोनाला गंभीरतेने घ्या; महिनाभरात शंभरावर मृत्यू

Nagpur Police | नागपूर पोलिसांवर कोरोनाचा मोठा आघात; दीडशेच्या वर पोलीस पॉझिटिव्ह, हायजिनीक किटचे वाटप