Nashik TCS : माझ्या साडीचा पदर रझाच्या हातात होता, माझ्या मांडीवर हात ठेवला, टीसीएस मधल्या हादरवून सोडणाऱ्या गोष्टी आल्या बाहेर

आयटी क्षेत्रातील दिग्गज कंपनी टाटा कन्सल्टन्सी सर्व्हिसेसच्या नाशिक युनिट मधील धक्कादायक प्रकार रोज उघड होत आहेत. आता एका महिला कर्मचाऱ्याने सर्वसामान्यांना हादरवून सोडणारा खुलासा केला आहे. तिचं नुकतचं लग्न झालं होतं. ती नाशिकच्या टीसीएस ब्रांचमध्ये सहाय्यक म्हणून रुजू झाली. तिथे तिला प्लेयर, झिरो फिगर असे टोमणे ऐकावे लागले. हिंदू देवतांबद्दल कमेंट केल्या जायच्या. सहकाऱ्यांच्या अश्लील कृतीचा सामना करावा लागला. ज्या महिलांनी पुरुष सहकाऱ्यांवर लैंगिक छळ आणि जबरदस्ती धर्मांतराचे आरोप केलेत, त्यात ही महिला सुद्धा आहे. नाशिक पोलिसांच्या विशेष तपास पथकाने या प्रकरणात आतापर्यंत आठ जणांना अटक केली आहे. नऊ एफआयआर नोंदवले आहेत.

पीडित महिलेने पोलिसांना सांगितलं की, ‘ती नाशिकला सासू-सासऱ्यांसोबत राहते. नवरा पुण्याला नोकरीला आहे’ “माझं लग्न झाल्यानंतर 20 जून 2025 पासून मी नाशिकच्या टीसीएस ब्रांचमध्ये सहाय्यक म्हणून कामाला लागली. 24 जून 2025 पासून माझी तीन महिन्यांची ट्रेनिंग सुरु झाली. शाहरुख कुरेशी आणि जयेश गुंजाल माझे ट्रेनिंग लीडर होते” असं तिने पोलिसांना सांगितलं. “ही ट्रेनिंग सुरु असताना रझा मेनन नावाचा लोन्स ब्रांचचा टीम लीडर सतत ट्रेनिंग रुममध्ये यायचा. खरंतर त्याचा आमच्या ट्रेनिंगशी काही संबंध नव्हता. पण तो ट्रेनिंग रुममध्ये येऊन मला माझ्या खासगी आयुष्याबद्दल विचारायचा” असा दावा पीडित महिलेने केला आहे.  एनडीटीव्हीशी बोलताना पीडित महिलेने हे सर्व खुलासे केले आहेत.

हनिमूनला तुम्ही काय केलं?

“तुझा नवरा तर इथे राहत नाही. मग तू सर्व कसं संभाळतेस?. तुला भिती वाटत नाही का?. तुला काही हवं असेल तर मला सांग. मी तुझ्या मदतीसाठी नेहमीच तयार आहे” हे सर्व तो बोलायचा असं पीडितेने पोलिसांना सांगितलं. लग्नाला माझ्या महिनाच झाला होता. पण रझा माझ्या वैवाहित आयुष्याबद्दल कमेंट करायचा असं तिने सांगितलं. “तुझं नुकतचं लग्न झालय. हनिमूनला तुम्ही कुठे गेला होता? तिथे काय केलं? असं रझा विचारायचा” हे तिने पोलिसांना सांगितलं.

तुला भरपूर बॉयफ्रेंड असतील

रझा जेव्हा हे सर्व बोलायचा तेव्हा टीम लीडर शाहरुख कुरेशी त्याला प्रोत्साहन द्यायचा. शाहरुख सुद्धा कधी कधी मला माझं वैवाहिक आयुष्य कसं आहे, या बद्दल विचारायचा. तुझं लव्ह मॅरेज आहे की अरेंज मॅरेज? असं शाहरुखने तिला विचारलेलं. “जर, नवऱ्यासोबत पटत नसेल तर आम्हाला सांग. आम्ही तुला काही गोष्टी शिकवू. तुला भरपूर बॉयफ्रेंड असतील. ते बॉयफ्रेंड अजूनही तुझ्या मागे असतील. तुझ्या कुटुंबाला, नवऱ्याला या बद्दल समजलं तर काय होईल? तू काय करशील?” असं रझा बोलल्याचा दावा महिलेने केला आहे.

माझ्या साडीचा पदर रझाच्या हातात होता

“या वर्षी मार्च महिन्यात मी गुढी पाडव्याला साडी नेसून ऑफिसमध्ये आली. मी लॉबीमधून चालत होती. त्यावेळी कोणीतरी माझ्या साडीचा पदर ओढत असल्याचं मला जाणवलं. मी वळून बघितल, तर माझ्या साडीचा पदर रझाच्या हातात होता. मी लगेच पदर खेचून घेतला. तो खूप घाणेरड्या पद्धतीने माझ्याकडे बघत होता” असं पीडित महिलेने सांगितलं.

तो जाणीवपूर्वक माझ्या शरीराला स्पर्श करायचा

“ट्रेनिंग पूर्ण झाल्यानंतर महिलेने तिची नियमित ड्युटी सुरु केली. त्यावेळी 27 लोकांची टीम होती. त्या काळात असीफ अन्सारी नावाचा दुसऱ्या टीममधला कर्मचारी तिच्या शेजारी येऊन बसायचा. दुसऱ्या रिकाम्या जागा असल्या तरी तो शेजारी येऊन बसायचा. तो महिलेशी शारीरिक जवळीक साधण्याचा प्रयत्न करायचा. तो जाणीवपूर्वक माझ्या शरीराला स्पर्श करायचा. माझा हात पकडायचा. कधी कधी माझ्या खांद्यावर, मांडीवर हात ठेवायचा. मला या सगळ्या प्रकाराची खूप लाज वाटायची” असं पीडित महिलेने पोलिसांना सांगितलं.